Mika 1:8 - Nau Brah Ndu Ngơi 2023

⁸ Yor nau nây, gâp mra nhĭm nhhiăng jêh ri nter vơl, Doh săk hưl jêh ri hăn jâng dơm; Gâp mra kuăl lŭng nter nâm bu so bri Jêh ri rđêng nđor nâm bu sĭm ôtrus.

Mika 1:8 Iomraidhean Croise

II Phung Hađăch 18:13

Tâm năm jât ma puăn rnôk rô̆ hađăch Hêsêkia chiă uănh, geh Y-Sênakêrip, hađăch Asiri, hăn lơh jêh ri pit sŏk ma lĕ rngôch ƀon dŭt nâp ngăn tâm n'gor Yuđa.

Êsther 4:1

Tơlah Y-Môrdêkai gĭt jêh ma lĕ nau tât nây, păng nkhêk ao păng, nsoh kho ao ƀau jêh ri sui buh klơ bôk jêh ri luh hăn ta nklang ƀon, nter huy nhĭm rngot ngăn.

Ndrom Samƀŭt bơh Yôp 30:29

Gâp jêng oh nâu ma so bri, Mĭt jiăng ndrel sĭm ôtrus.

Nau Mprơ Ơm 102:6

Gâp jêng nâm bu sĭm klang grât tâm bri hŏng. Tâm ban klang kô tâm ndrêch rdah.

Êsai 13:21

Ƀiălah mpa bri janh tâm bri rdah mra lâng bê̆ch ta nây, Ngih vâl nây bêng ma klang kô; Sĭm ôtrus mra gŭ ta nây, Jêh ri be bri mra pâl rlưn ta nây.

Êsai 13:22

So bri mra groh huy tâm ngih ƀon nây, Jêh ri so bri kuăl tâm ngih hađăch ueh khlay. Mông Babilôn rlâm tŭp hŏ dăch tât jêh, Lĕ nar păng mâu mra hôm jong đŏng ôh.

Êsai 16:9

Yor nây, ndrel ma nau nhĭm nhhiăng Jaser, Gâp nhĭm ma đang krăk ƀâu Sipma. Ơ Hêsbôn, Êlêaleh, Gâp mra djrah dak măt ta khân may, Yor nau troh nter nơm plên play krăk ƀâu dôl pĕ play tâm yan vai, Jêh ri yan rek khân may mâu hôm geh ôh!

Êsai 21:3

Yor nây, bŭt gâp ji ngăn, Nau ji kruăn rêt nhŭp gâp Tâm ban ma nau ji kruăn rêt du huê bu ur me dôl deh kon. Nau ji gâp anh ƀư ăn ma gâp mâu dơi tăng ôh, Nau klach krit ƀư ma gâp mâu dơi saơ!

Êsai 22:4

Yor nây, gâp lah: “N'gĭl hom măt bơh gâp! Ăn gâp nhĭm rngot ngăn; Lơi srôih joi nau bonh leng gâp ôh Ma nau ƀư rai kon bu ur phung ƀon lan gâp!”

Êsai 32:11

Ơ phung bu ur mpay êng, râm sâr hom, Ơ phung bu ur mâu gĭt njrăng, ăn khân ay rŭng răng! Doh lơi hom bok ao khân ay, gŭ rhôk hom, Vân hom bŭt khân ay ma bok ƀau.

Yêrêmi 4:19

Ơ! Nau ji gâp, nau ji gâp, Nau rngot klâng tâm nuih n'hâm! Huêng gâp rŭng răng ngăn; Gâp mâu dơi gŭ ât rklăk ôh. Ơ huêng, gâp hŏ tăng bâr nŭng Jêh ri bâr troh rduh tâm lơh!

Yêrêmi 9:1

Ơ! Ŭch ma bôk gâp jêng dak n'hor, Măt gâp jêng tu dak măt, Gâp mra nhĭm ndăng nar măng Ăn phung bunuyh bu nkhĭt kon bu ur ƀon lan gâp!

Yêrêmi 9:10

Gâp mra nhĭm nhhiăng vah vơl ăn lĕ yôk, Nau mprơ klâng rngot ăn ma ndrêch gơ̆ tâm bri rdah, Yorlah khân păng ŭch sa, mâu du huê bunuyh găn tât, Mâu hôm tăng bâr phung mpô mpa rong; Tă bơh sĭm tâm trôk kŏ tât mpa bri, Lĕ rngôch du roh da dê.

Yêrêmi 9:19

Yorlah geh nau nhĭm vơl bơh ma ƀon Siôn pô aơ: ‘Hên lĕ rai jêh! Hên prêng hâu ngăn yơh! Yorlah hên hŏ chalơi ntŭk gŭ; Ngih vâl hên bu hŏ ƀư rai jêh!’”

Êsêkiêl 32:18

“Hơi kon bunuyh, nhĭm vơl hom ma ƀon lan bĭk rơ̆ bri Êjipt. Nklơ̆ lơi hom ƀon lan nây ndrel ma phung kon bu ur lĕ rngôch bri dak geh lư n'găr jŭr tâm ntŭk jru tâm dâng neh, ăn ma khân păng ndrel mrô nal ma phung hŏ jŭr jêh ma ntu jru!

Mika 2:4

Tâm nar nây, bu mra gơm mưch ma khân may; Khân păng mra mprơ du nau mprơ nhĭm vơl pô aơ: ‘He rai yot lĕ rngôch jêh! Păng sŏk lơi drăp ndơn bơh phung ƀon lan gâp Ăn păng du bơh gâp, Sŏk neh mir gâp jêh nây tâm pă ăn ma phung ƀlăch ƀlêr.’”

I Samuel 19:24

Păng doh lơi bok ao păng, ngơi mbơh lor tâm ban lĕ tanăp Y-Samuel, jêh nây păng gŭ rhôk tâm ban pônây lâng săk ta neh lôch du nar nây jêh ri măng nây đŏng. Yor nây, bu lah: “Di lĕ nđâp ma Y-Sôl nơm lĕ jêng du huê tâm phung nơm mbơh lor?”