Mika 1:7 - Nau Brah Ndu Ngơi 2023

⁷ Lĕ rngôch rup trah păng bu mra dong nchah, Lĕ rngôch ndơ păng nhhơr bu mra su tâm ŭnh; Jêh ri Gâp mra ƀư rai lơi lĕ rngôch ƀhiau rup brah păng. Yorlah păng hŏ bun prăp lĕ ndơ ma rnoh nkhôm tă bơh bu ur văng tĭr; Yor ri, lĕ ndơ nây mra dơi dŏng tay ƀư rnoh nkhôm ăn ma bu ur văng tĭr êng.

Mika 1:7 Iomraidhean Croise

II Nau Rêh Jêng 31:1

Lah lĕ nau kan nây lôch jêh, lĕ rngôch phung Israel geh măt ta ƀon Yêrusalem dâk hăn ăp ƀon tâm n'gor Yuđa, mbang nchah lơi lĕ n'gâng mbah, kăl lơi lĕ rup brah Asêra, ƀư rai lĕ ntŭk prêh klơ jêh ri lĕ nơng ƀư brah tâm lam n'gor Yuđa, Benjamin, Êphraim, jêh ri Manasê, kŏ tât khân păng hŏ ƀư rai lĕ ƀhiau. Jêh nây, lĕ rngôch phung ƀon lan Israel plơ̆ sĭt ma ƀon nơm, ntŭk drăp ndơn khân păng nơm.

Êsai 2:18

Rnôk nây, phung rup brah mra roh rai lôch.

Êsai 23:17

Lôch pơh jât năm, Brah Yêhôva mra khâl ƀon Tyre; păng mra plơ̆ sĭt ma nau kan ơm păng, jêh ri mra ƀư nau văng tĭr đah lĕ rngôch ƀon bri hađăch ta klơ neh ntu.

Êsai 27:9

Pôri, yor nau pakơi aơ nau tih Yakôb bu mra yô̆, Jêh ri aơ jêng lĕ rngôch nau păng ƀư gay ma jut kloh nau tih păng: Ăn păng ƀư ma lĕ rngôch lŭ tâm nơng ƀư brah Plơ̆ jêng tâm ban ma lŭ klo lêk jêh, Lĕ rup brah Asêrim jêh ri lĕ nơng ƀư brah nhhơr ndơ ƀâu kah Mâu mra ndâk tay ôh.

Êsêkiêl 6:6

Ăp ntŭk khân may gŭ ƀon toyh bu ƀư rai, lĕ ntŭk prêh mra jêng rngol kŏ tât nơng ƀư brah khân may rai yot jêh ri rlâm lĕ, rup brah mbang nchah jêh ri mâu hôm geh đŏng ôh; Nơng ƀư brah su ndơ ƀâu kah bu ƀư rai lơi jêh ri lĕ rngôch kan khân may bu jut lĕ.

Ndrom Samƀŭt bơh Ôsê 2:12

Gâp mra ƀư rai lĕ tơm krăk ƀâu jêh ri tơm rvi păng, Jêng lĕ tơm si păng tâm mpơl pô aơ: ‘Aơ jêng prăk nkhôm Phung rŏng ăn jêh ma gâp.’ Gâp mra njêng khân păng jêng bri rngol Ăn lĕ mpô mpa bri sa rvăn păng.

Ndrom Samƀŭt bơh Ôsê 2:14

“Yor ri, aơ, Gâp mra nkơnh ndơm păng, Leo păng lăp bri rdah, Sŏk nau ngơi rdơ̆ rmên ngơi ma păng.

Ndrom Samƀŭt bơh Ôsê 2:5

Ngăn yơh, mê̆ khân păng văng tĭr, Bunuyh ntreo ma khân păng hŏ ƀư jêh nau prêng. Yorlah păng lah: ‘Gâp mra hăn tĭng phung rŏng gâp; Khân păng mra ăn ƀănh, dak, rsau biăp, brai mhay, Dak ngi jêh ri ndơ nhêt.’

Ndrom Samƀŭt bơh Ôsê 8:5

Hơi Samari, ndrôk kon may lĕ chalơi jêh! Nau ji nuih Gâp hŏ su ma khân păng. Kŏ tât ndah jŏ Khân păng mâu ƀư tih?

Ndrom Samƀŭt bơh Ôsê 8:6

Yorlah ndrôk kon nây bơh Israel ƀư, Du huê bunuyh blau hŏ njêng păng; Păng mâu di Brah Ndu ôh. Ndrôk kon n'gor Samari Bu mra nchah hăch rhên.

Yôel 3:3

jêh ri tâm nchroh ma phung ƀon lan Gâp. Khân păng hŏ rgâl kon bu klâu ndăm ŭch sŏk bu ur văng tĭr, jêh ri tăch kon bu ur druh gay sŏk ndrănh nhêt.

Kan Lêvi 26:30

Gâp mra ƀư rai ta lĕ ntŭk prêh khân may, kăl lơi lĕ nơng ƀư brah gŭch ndơ ƀâu kah jêh ri bun săk jăn khĭt khân may ta klơ rup brah khân may. Nuih n'hâm Gâp mra ƀơ̆ ƀơch ma khân may.

Nau Vay Nkah Tay 23:18

Khân may mâu dơi ôh djôt leo lăp ta ngih Yêhôva Brah Ndu rnoh prăk nkhôm kan bơh du huê bu ur văng tĭr, mâu lah rnoh khlay du mlâm so, nđâp lah jêng rnoh ƀư nanê̆ nau ton, yorlah lĕ bar ntil ndơ nây jêng nau Yêhôva Brah Ndu khân may tâm rmot da dê.

Nau Vay Nkah Tay 9:21

Gâp djôt ndơ tih khân may, jêng rup kon ndrôk, su ndơ nây tâm ŭnh, nchah lơi ăn hăch, kĭn lơi kŏ se jêng rnih nâm bu ndruyh jêh nây nkhŭt ndruyh nây tâm n'hor dak hoch tă bơh klơ yôk.

Nau Tâm Mpơl 18:3

Yorlah lĕ ntil mpôl bunuyh nhêt ndrănh pâl rlưn rlau keh păng mâu jan tĭng nau vay, Phung hađăch ta neh ntu ƀư tih văng tĭr đah păng jêh, Phung tăch rgâl ta neh ntu jêng ndrŏng yor tă bơh nau păng gŭ rêh dŭt mpŭng.”

Nau Tâm Mpơl 18:9

Lĕ rngôch phung hađăch ta neh ntu, đơ phung bunuyh ƀư tih văng tĭr jêh ri gŭ rêh dŭt ndrŏng dŭt maak đah păng, mra nhĭm nhhiăng, lŭng nter tơlah khân păng saơ nhhŭk ŭch sa păng.

I Samuel 5:4

Ang ôi taơ, khân păng kah rngăl ơm ôi đŏng, jêh ri saơ Dagôn cha lôt tay nkŭp muh măt ta neh panăp Hip Nau Tâm Rnglăp Brah Yêhôva, bôk jêh ri lĕ bar mlâm ti tŭp da dê ta klơ kađar lăp mpông sâng, knŏng hôm săk păng dơm hôm e.