Mika 1:5 - Nau Brah Ndu Ngơi 2023

⁵ Lĕ rngôch nau nây jêng yor nau Yakôb ƀư tih Jêh ri yor nau tih ngih Israel. Moh nau Yakôb ƀư tih? Mâm mâu di jêng ƀon Samari? Moh ndơ lĕ ntŭk prêh bơh phung Yuđa? Mâm mâu di jêng ƀon Yêrusalem?

Mika 1:5 Iomraidhean Croise

I Phung Hađăch 11:7

Nôk nây, Y-Salômôn ndâk đŏng du ntŭk prêh ta klơ yôk tâm tra đah ƀon Yêrusalem ăn ma brah Chêmôs jêng brah dŭt mhĭk tâm phung Môap, jêh ri ăn ma brah Môlek jêng brah dŭt mhĭk tâm phung Ammôn.

I Phung Hađăch 13:32

Yorlah lĕ nau ngơi păng tông bâr nau ntăm Brah Yêhôva nter tâm rdâng đah nơng ƀư brah ta Bêthel jêh ri lĕ jây rhŏ brah ta klơ lĕ ntŭk prêh gŭ tâm ƀon Samari nanê̆ mra dơi tât di ngăn.”

I Phung Hađăch 16:24

Păng rvăt gôl yôk Samari bơh Y-Sêmer rnoh prao jât kilô prăk. Ta klơ gôl yôk nây, hađăch ndâk ƀon, ntơ amoh jêng Samari, tĭng nâm amoh nơm tơm gôl nây jêng Y-Sêmer.

II Nau Rêh Jêng 34:3

Năm rơh pham rô̆ păng chiă uănh, dôl păng hôm mom, păng ntơm joi Brah Ndu Y-Đavit, che păng. Tâm năm rơh jât ma bar, păng ntơm ƀư kloh n'gor Yuđa jêh ri ƀon Yêrusalem, mƀăr lơi lĕ ntŭk prêh, rup brah Asêrim, rup brah trah jêh ri rup tŏ chiăr.

II Nau Rêh Jêng 34:4

Tanăp măt hađăch, bu ƀư rlâm lơi lĕ nơng ƀư brah Baal, jêh ri kăl lơi lĕ nơng ƀư brah su ndơ ƀâu kah gŭ ta klơ nơng brah Baal nây; jêh ri chah hăch rhên lĕ rup brah Asêrim, rup ndah, jêh ri rup bu tŏ chiăr; păng jot rchiăt tât môi rup nây, jêh ri sui ta klơ môch phung ƀư brah ma rup nây.

Êsai 7:9

Bôk Êphraim jêng Samari, Bôk Samari jêng Y-Rêmalia. Tơlah khân may mâu iăt nanê̆ ôh, Khân may mra mâu nâp ôh.’”

Yêrêmi 2:17

Mâu di hĕ may nơm hŏ ƀư êng nau nây ăn ma may nơm Yorlah hŏ chalơi Yêhôva Brah Ndu, Dôl Păng njŭn may ta rŏ trong nây?

Yêrêmi 2:19

Nau tih mhĭk may mra tâm rmal may, Nau may tâm rdâng mra nduyh nkra may. Gĭt năl hom jêh ri saơ rah vah nau djơh mhĭk jêh ri rngot ngăn ngên Dôl chalơi Yêhôva Brah Ndu, Jêh ri mâu geh nuih n'hâm klach yơk Gâp.” Kôranh Brah jêng Brah Yêhôva ma phung tahan lah pônây.

Yêrêmi 23:13

“Gâp hŏ saơ jêh nau brŭt ndrăng Phung nơm mbơh lor Samari; Khân păng mbơh lor ma amoh brah Baal, Ƀư nhhơt trong ma ƀon lan Israel Gâp.

Yêrêmi 23:14

Ƀiălah nklang phung mbơh lor gŭ ta Yêrusalem, Gâp hŏ saơ jêh nau mhĭk: Khân păng ƀư tih văng tĭr, chuat hăn tâm nau mƀruh; Khân păng ƀư ntop nau dăng ktang ăn ma ti phung ƀai, Kŏ tât mâu geh bunuyh chalơi nau mhĭk khân păng. Gâp uănh lĕ rngôch khân păng nâm bu Sôdôm, Jêh ri phung ƀon lan gŭ ta Yêrusalem nâm bu Gômôrơ.”

Yêrêmi 4:18

“Trong jêh ri nau kan may Hŏ ƀư ăn may lĕ nau nây. Nây jêng nau nglĕ dŭt rêh ni may, rngot ngăn ngên! Rngot ngăn ngên kŏ tât tâm trôm nuih n'hâm.”

Yêrêmi 5:25

Nau djơh mhĭk phung khân may hŏ king lĕ nau aơ, Nau tih khân may ƀư khân may mâu dơi geh nau ueh uĭn.

Yêrêmi 6:19

Hơi neh, iăt hom! Gâp mra djôt nau mhĭk tât ma phung ƀon lan aơ, Nây jêng nau play bơh lĕ mĭn nchră khân păng, Yorlah khân păng mâu rkêng tôr iăt tât ma nau Gâp, Jêh ri dun nau vay Gâp.

Nau Nhĭm Vơl 5:16

Đon hađăch tŭp jêh bơh klơ bôk hên, Rêh ni ngăn ma hên, yorlah hên ƀư tih jêh!

Êsêkiêl 16:46

Nur ay jêng Samari ndrel ma phung kon bu ur păng gŭ mpeh pa chiau ay; oh ay jêng Sôdôm ndrel ma phung kon bu ur păng gŭ mpeh pa ma ay.

Ndrom Samƀŭt bơh Ôsê 7:1

Tơlah Gâp ŭch ƀư bah ăn ma Israel Pôri nau tih Êphraim Jêh ri nau djơh mhĭk phung Samari hŏ mpơl jêh. Yorlah khân păng ƀư ma nau mƀruh, Phung ntŭng lăp tâm trôm Jêh ri phung kâp pit ƀư rai padih.

Amôt 6:1

Rêh ni ngăn ma phung gŭ mpay êng nơm tâm ƀon Siôn, Jêh ri phung gŭ đăp rmên ta yôk Samari! Rêh ni ngăn ma phung ndrŏng, phung kôranh ƀư bôk lĕ bri dak, Jêng phung ngih Israel văch kuăl rklaih!

Amôt 7:9

Lĕ ntŭk prêh Y-Isăk mra jêng rngol, Lĕ ntŭk kloh ueh Israel mra rai, Jêh ri Gâp mra sŏk đao ƀư rai ngih Y-Jêrôbôam.”

Amôt 8:14

Lĕ rngôch phung sơm ton ma brah n'gor Samari lah pô aơ: ‘Hơi Dan, tĭng nâm brah may gŭ rêh! Tĭng nâm bu brah Bêr-Sêba gŭ rêh!’ Lĕ rngôch khân păng mra cha lôt jêh ri mâu hôm dâk đŏng ôh.”

Mika 1:13

Hơi phung gŭ ta ƀon Lakis, Sŏk hom seh nchuăt gơnh kât ta ndeh! Tă bơh may yơh ntơm Ƀư ăn kon bu ur ƀon Siôn ƀư tih, Yorlah nau tih mhĭk ma phung Israel Hŏ saơ jêh tâm may.