Mathay 9:18 - Nau Brah Ndu Ngơi 2023

¹⁸ Dôl Brah Yêsu gŭ ngơi lĕ nau nây, geh du huê kôranh mât uănh ngih rƀŭn văch, chon mon gay vơl dăn: “Kon bu ur gâp mhe khĭt! Dăn Kôranh văch pah ti ta păng ăn păng dơi rêh tay.”

Bunong Bible Latin Script Cambodian dialect

¹⁸ Nôk Brah Yêsu hôm ngơi nau i nây, dô ma geh du huê kôranh nhih rƀŭn phung Israel hăn chon kômŏk bơh năp Brah Yêsu, lah ma Păng: “Kon bu ur gâp mhe khât ndơh nơh pơ. Dăn May hăn pah ti ta păng ơ, jêh ri păng dâk rêh ro.”

Bunong

¹⁸ នោក​ឞ្រាស​យេឆូ  ​ហោម​ងើយ​នាវ​អី​នៃ ទោ​មា​គែស​ទូ​ហ្វេ​កោរាញ​ញីស​រាបុន​ផូង​អីឆ្រាអែល  ​ហាន់​ច៝ន​កោម៝ក់​ឞើស​នាប់​ឞ្រាស​យេឆូ  លាស​មា​ពាង់៖ “ក៝ន​ឞូ​អូរ​គ៝ប់​មហែ​ខឹត​នទើស​នើស​ពើ។ ទាន់​មៃ​ហាន់​ពាស​តី​តា​ពាង់​អើ ជេសរី​ពាង់​ទ៝ក់​រេស​រ៝”។

Mathay 9:18 Iomraidhean Croise

II Phung Hađăch 5:11

Ƀiălah Y-Naaman ji nuih, dâk sĭt jêh ri lah: “Gâp gŭ mĭn păng nơm mra hăn luh chuă vơt gâp jêh ri vơl dăn amoh Yêhôva Brah Ndu păng, yơr ti păng prot găn ta klơ ntŭk geh phŭng jêh ri ƀư bah ma gâp.

Mathay 14:33

Phung gŭ tâm plŭng chon mon mbah Păng jêh ri lah pô aơ: “May jêng Kon Brah Ndu nanê̆ ngăn!”

Mathay 15:25

Ƀiălah bu ur nây văch êp, chon kômâk jêh ri lah: “Ơ Kôranh Brah, dăn kơl gâp ƀă.”

Mathay 17:14

Tơlah Brah Yêsu jêh ri phung oh mon plơ̆ tay đah phung âk, geh du huê bunuyh văch, chon mon tanăp Păng, ngơi pô aơ:

Mathay 20:20

Nôk nây, geh mê̆ phung kon bu klâu Y-Sêƀêđê ndrel ma bar kon păng văch tât Brah Yêsu, chon kômâk jêh ri dăn Păng du ntil nau.

Mathay 28:17

Lah saơ jêh Brah Yêsu, khân păng yơk mbah ma Păng. Ƀiălah ƀaƀă geh nau đing.

Mathay 8:2

Aơ, geh du huê bunuyh phŭng sa văch jêh ri chon mon tra năp Brah Yêsu jêh ri lah: “Ơ Kôranh Brah, tơlah May ŭch, May dơi ƀư kloh gâp.”

Mathay 8:25

Phung oh mon rlay Păng jêh ri kuăl huy: “Ơ Kôranh Brah, tâm rklaih hên! He mra khĭt yơh!”

Mathay 9:17

Mâu lĕ bu troch ndrănh mhe tâm nông ntâu ơm; tơlah ƀư kơt nây, nông mra đang, ndrănh hoch luh, jêh ri nông mra rai. Ƀiălah bu troch ndrănh mhe tâm lăp tâm nông ntâu mhe gay lĕ bar dơi prăp ăn ueh.”

Mathay 9:19

Brah Yêsu dâk, ndrel ma phung oh mon hăn tĭng kôranh mât uănh.

Mathay 9:24

Păng lah: “Rŭch plơ̆ luh hom! Bu ur jê̆ aơ mâu khĭt ôh, ƀiălah păng dôl bê̆ch.” Khân păng mưch gơm ma Păng.

Luka 13:14

Kôranh mât uănh ngih rƀŭn saơ Brah Yêsu ƀư bah nau ji tâm nar saƀat, păng ji nuih jêh ri lah ma phung bunuyh pô aơ: “Geh prao nar dơi pah kan, pôri văch hom tâm lĕ nar nây gay dơi ƀư bah, lơi hăn tât tâm nar saƀat ôh.”

Luka 18:18

Geh du huê kôranh ôp Brah Yêsu: “Hơi Nơm Nti ueh, moh nau gâp mra ƀư gay ma dơn nau rêh n'ho ro?”

Luka 7:2

Du huê kôranh tahan geh du huê oh mon păng rŏng ngăn, ji hâu ngăn, dăch khĭt.

Yôhan 11:25

Brah Yêsu lah ma H'Mathê: “Gâp jêng nau dâk rêh tay jêh ri nau rêh. Mbu nơm chroh ma Gâp mra rêh, nđâp tơlah păng khĭt kđôi lĕ.

Yôhan 11:32

Lah H'Mari tât ta ntŭk Brah Yêsu gŭ, păng saơ Brah Yêsu, păng chon mon ta jâng jêh ri lah “Hơi Kôranh Brah, lah May ta aơ nâu gâp mâu khĭt ôh.”

Kôranh Oh Mon 13:15

Jêh ri bu rŏ ndrom samƀŭt nau vay jêh ri nau mbơh lor, phung kôranh mât uănh ngih rƀŭn njuăl bu lah ma khân păng: “Hơi phung oh nâu, tơlah khân may geh nau n'hao nuih n'hâm ma ƀon lan, ngơi hom.”

Kôranh Oh Mon 28:8

Nôk nây, mbơ̆ Y-Publius lâng bê̆ch ta sưng yor ji kăt jêh ri ji ndŭl. Y-Pôl hăn jô̆ khâl, mbơh sơm, pah ti ta păng jêh ri ƀư bah păng.