Mathay 7:6 - Nau Brah Ndu Ngơi 2023

⁶ “Lơi ăn ndơ kloh ma so ôh, mâu lĕ mƀăr lŭ rmah khlay ma sŭr, klach lah khân păng jot plên tâm dâng jâng, jêh ri plơ̆ kăp hêk khân may.

Bunong Bible Latin Script Cambodian dialect

⁶ “Lơi ôh mƀăr ndơ kloh ueh ăn ma so, mâu dơi mƀăr ăn ma sŭr đŏng, klach lah păng jot rƀlach, jêh ri rdôh plơ̆ kăp khân ay may nơm. Kơt ndri đŏng ăn gĭt mơm dâng nti nau Kôranh Brah ăn ma bunuyh i mâu ŭch iăt.”

Bunong

⁶ “លើយ​អោស​មអារ់​នទើ​ក្ល៝ស​អ្វែស​អ៝ន់​មា​ឆ៝ មោ​ទើយ​មអារ់​អ៝ន់​មា​ឆុរ​ដ៝ង់ ក្លាច​លាស​ពាង់​ជ៝ត​រាប្លាច ជេសរី​រាទោស​ព្លឹ​កាប់​ខាន់​អៃ​មៃ​នើម។ កើត​នទ្រី​ដ៝ង់​អ៝ន់​គឹត​មើម​ទឹង​នតី​នាវ​កោរាញ​ឞ្រាស​អ៝ន់​មា​ឞូនុយ្ស​អី​មោ​អុច​អ្យាត់”។

Mathay 7:6 Iomraidhean Croise

Nau Hôr 11:22

Du huê bu ur ueh ƀiălah mâu geh ôh nau gĭt mĭn Tâm ban ma du mlâm rvang mah văn ta muh sŭr.

Nau Hôr 23:9

Lơi ngơi ôh tâm tôr bunuyh rluk, Yorlah păng mra mưch ma nau ngơi blau mĭn may ngơi.

Nau Hôr 26:11

Bunuyh rluk plơ̆ ƀư tay nau rluk păng nơm Nâm bu so hŏ hok jêh nây plơ̆ ler tay.

Nau Hôr 26:4

Lơi plơ̆ lah nau bunuyh rluk nâm nau rluk păng, Klach lah may nơm jêng tâm ban ma păng đŏng.

Mathay 15:26

Păng plơ̆ lah: “Sŏk piăng let phung kon mƀăr ma so sa jêng nau mâu di.”

Mathay 24:10

Nôk nây, âk bunuyh mra cha lôt, mâu gŭ răp jăp ndrăng nơm, tâm rmot ndrăng nơm.

Mathay 7:5

Hơi bunuyh nuih n'hâm nklă! Lor lơn sŏk hom mâng ntur tă bơh trôm măt may, jêh nây may saơ rah vah gay sŏk ndruyh bơh măt oh nâu.”

II Kôrintô 11:26

Tâm âk nau hăn trong, gâp mâp nau djơh mhĭk ta dak krong, nau djơh mhĭk đah phung ntŭng, nau djơh mhĭk đah phung ƀon lan gâp nơm, nau djơh mhĭk đah phung bu năch, nau djơh mhĭk tâm ƀon toyh, nau djơh mhĭk tâm bri rdah, nau djơh mhĭk ta dak mƀŭt, nau djơh mhĭk đah phung nklă amoh jêng oh nâu,

Philip 3:2

Uănh njrăng hom ma phung so, uănh njrăng hom ma phung pah kan djơh mhĭk, uănh njrăng hom ma phung dơn nau koh ntâu nklă!

ហេឞ្រើ 10:29

Rlau lơn ma phung jot plên Kon Brah Ndu, mưch rmot mham nau tâm rnglăp, nâm bu ntĭt mham ƀư kloh ueh jêh khân păng nơm, jêh ri hôm ngơi djơh ma Brah Huêng Ueh nau yô̆, pôri khân may mĭn bunuyh nây mâu khư geh nau rmal jâk jêr rlau lơn lĕ ƀơh?

ហេឞ្រើ 6:6

tơlah khân păng chêh prah jêh, mâu hôm dơi njêng tay gay rmal nau tih, yorlah khân păng pâng kđĭn Kon Brah Ndu du tơ̆ tay đŏng, jêh ri mpơl ƀư bêk prêng Păng.

II Pêtrôs 2:22

Nau tât jêh ma khân păng di đah nau ngơi hôr: “So ler tay ndơ păng hŏ hok jêh” jêh ri “Sŭr hŏ nđŭm jêh, plơ̆ pung tâm nung dak bŏk.”

Nau Tâm Mpơl 22:15

Phung so, phung ƀư nau blau rƀên, phung văng tĭr, phung nkhĭt bunuyh, phung mbah rup brah, jêh ri lĕ rngôch phung rŏng jêh ri ƀư nau mƀruh gŭ padih da dê.