Mathay 7:24 - Nau Brah Ndu Ngơi 2023

²⁴ “Pôri, mbu nơm tăng nau Gâp ngơi jêh ri ƀư tĭng jêng nâm bu du huê bunuyh blau mĭn, ƀư ngih păng ta klơ lŭ toyh.

Bunong Bible Latin Script Cambodian dialect

²⁴ “Bu moh tăng nau Gâp ngơi dja, jêh ri jan tâng kơt, păng i nây jêng tâm ban ma bunuyh blao mân jan jay păng nơm tăm meh kuyh ntu ăn jru.

Bunong

²⁴ “ឞូ​ម៝ស​តាង់​នាវ​គ៝ប់​ងើយ​អ្យា ជេសរី​ជាន​តឹង​កើត ពាង់​អី​នៃ​ជេង​តឹម​ឞាន​មា​ឞូនុយ្ស​ឞ្លាវ​មឹន​ជាន​ជៃ​ពាង់​នើម​តាម់​មែស​កុយ្ស​នតូ​អ៝ន់​ជ្រូ។

Mathay 7:24 Iomraidhean Croise

Ndrom Samƀŭt bơh Yôp 28:28

Jêh nây Păng lah ma kon bunuyh: ‘Klach yơk ma Kôranh Brah, nây jêng nau blau mĭn; Der lĕ nau mhĭk, nây jêng nau gĭt rbăng.’ ”

Nau Mprơ Ơm 111:10

Klach yơk ma Brah Yêhôva jêng tơm ma nau blau mĭn; Mbu nơm tĭng ndô̆ nau Păng ntăm, geh nau gĭt rbăng. Nau tâm rnê ma Păng hôm ƀaƀơ n'ho ro.

Nau Mprơ Ơm 119:130

Nau rblang bơh Nau Ngơi May djôt leo nau ang, Păng ăn nau gĭt rbăng ma phung tông bâr.

Nau Mprơ Ơm 119:99

Gâp geh nau gĭt rbăng lơn ma lĕ rngôch phung sâm nti gâp, Yorlah gâp gŭ mĭn lĕ nau May ntĭnh.

Nau Hôr 10:25

Lah phŭt sial chuănh lĕ lăn jêh, mâu hôm geh ôh phung ƀai, Ƀiălah mbon phung sŏng srăng gŭ nâp mro mrăng.

Nau Hôr 10:8

Nuih n'hâm blau mĭn mra sŏk dơn nau vay ntăm, Ƀiălah bâr mbung nơm rluk mra rai lôch.

Nau Hôr 12:7

Bu lơh rlâm lơi phung ƀai, khân păng mâu hôm ôh, Ƀiălah ngih phung sŏng srăng hôm gŭ nâp.

Nau Hôr 14:8

Nau blau bơh bunuyh blau njrăng jêng nau gĭt n'hêl nê̆ trong păng, Ƀiălah nau brŭt moih bơh phung rluk jêng nau ndơm.

Mathay 12:50

Yorlah mbu nơm ƀư tĭng nâm nau Mbơ̆ Gâp tâm trôk ŭch, păng nây yơh jêng oh nâu, oh ruh jêh ri jêng mê̆ Gâp.”

Mathay 16:18

Bi ma, Gâp mbơh ma may pô aơ: May jêng Y-Pêtrôs, Gâp mra rdâk Phung Ngih Brah Ndu Gâp ta klơ lŭ aơ, lĕ mpông ƀon phung khĭt mâu dơi đah Phung nây ôh.

Mathay 24:45

Mbu moh jêng oh mon răp jăp jêh ri blau mĭn, kôranh jao ăn păng mât uănh ngih kôranh gay păng ăn ndơ sông sa di mông?

Mathay 25:2

Tâm phung nây, geh prăm nuyh rluk jêh ri prăm nuyh blau mĭn.

Mathay 25:4

ƀiălah phung blau mĭn djôt ŭnh kađen jêh ri djôt tĭng dak ngi tâm rchŏk.

Mathay 25:9

Ƀiălah phung blau mĭn plơ̆ lah: ‘Mâu dơi, klach lah mâu mra tŏng ôh ma hên nơm nđâp ma khân ay; ueh lơn, khân ay hăn hom ta phung tăch dak pring gay rvăt.’

Mathay 7:25

Nđâp tơlah geh trôk mih, dak lêng lip tât, sial khôm ktang, ngih nây ăt dâk nâp, yorlah bu ƀư păng ta klơ lŭ toyh.

Mathay 7:26

Bi mbu nơm tăng nau Gâp ngơi, ƀiălah mâu ƀư tĭng ôh, jêng nâm bu du huê bunuyh rluk mâl, ƀư ngih păng ta klơ choih.

Luka 11:28

Ƀiălah Păng lah: “Phung iăt jêh ri djôt prăp nau Brah Ndu ngơi geh ueh lăng rlau lơn!”

Yôhan 13:17

Lah khân may gĭt lĕ nau nây jêh ri ƀư tĭng nau nây, khân may geh nau ueh maak ngăn.

Yôhan 14:15

“Lah khân may rŏng ma Gâp, khân may mra djôt prăp lĕ nau vay Gâp.

Yôhan 15:10

Lah khân may djôt prăp nau Gâp ntăm, khân may mra gŭ tâm nau Gâp rŏng, tâm ban ma Gâp djôt prăp nau Mbơ̆ Gâp ntăm jêh ri Gâp gŭ tâm nau rŏng Păng.

Yôhan 15:14

Lah khân may ƀư tĭng nau Gâp ntĭm nti, khân may jêng băl Gâp.

Samƀŭt Pôl Njuăl Ăn Ma Phung Nsing Ta Ƀon Rôm 2:13

Yorlah mâu di bunuyh iăt rŏ nau vay dơi kơp jêng sŏng srăng tanăp Brah Ndu, ƀiălah bunuyh ƀư tĭng nau vay jêng bunuyh dơi kơp sŏng srăng.

I Yôhan 2:3

Tă bơh nau aơ he gĭt năl he nơm gĭt năl Păng jêh: Nây jêng he tông prăp lĕ nau vay Păng ntăm.