Mathay 7:21 - Nau Brah Ndu Ngơi 2023

²¹ “Mâu di ôh mbu nơm lah ma Gâp: ‘Ơ Kôranh Brah, ơ Kôranh Brah’, mra lăp tâm ƀon bri hađăch klơ trôk; ƀiălah knŏng mbu nơm ƀư tĭng nâm nau Mbơ̆ Gâp gŭ ta klơ trôk ŭch.

Bunong Bible Latin Script Cambodian dialect

²¹ “Bunuyh dơi lăp ta nau Kôranh Brah mât uănh, mâu dơn kuăl Gâp ‘Ơ Kôranh, ơ Kôranh’ dơm ôh. Păng i jan tâng Kôranh Brah Bơ̆ Gâp gŭ ta kalơ trôk ŭch, păng i nây dơm dơi lăp.

Bunong

²¹ “ឞូនុយ្ស​ទើយ​លាប់​តា​នាវ​កោរាញ​ឞ្រាស​ម៝ត់​អ្វាញ់ មោ​ទើន​ក្វាល់​គ៝ប់ «អើ​កោរាញ អើ​កោរាញ»​ទើម​អោស។ ពាង់​អី​ជាន​តឹង​កោរាញ​ឞ្រាស​ឞឹ​គ៝ប់​គុ​តា​កាលើ​ត្រោក​អុច ពាង់​អី​នៃ​ទើម​ទើយ​លាប់។

Mathay 7:21 Iomraidhean Croise

Mathay 12:50

Yorlah mbu nơm ƀư tĭng nâm nau Mbơ̆ Gâp tâm trôk ŭch, păng nây yơh jêng oh nâu, oh ruh jêh ri jêng mê̆ Gâp.”

Mathay 16:17

Brah Yêsu lah ma păng: “Hơi Y-Simôn kon Y-Yôna, ueh maak ngăn ma may! Yor ri mâu di nglay săk jêh ri mham mpơl nau nây ma may ôh, ƀiălah jêng Mbơ̆ Gâp gŭ ta klơ trôk yơh.

Mathay 18:10

“Njrăng hom, lơi tâm rmot ma du huê tâm phung kon se jê̆ aơ! Yorlah Gâp lah ma khân may, phung tông mpăr khân păng gŭ klơ trôk saơ ƀaƀơ muh măt Mbơ̆ Gâp jêng Nơm gŭ klơ trôk.

Mathay 18:19

Gâp lah đŏng ma khân may, tơlah bar hê tâm phung khân may geh du nau mĭn ndrăng khân păng ta neh ntu gay mbơh sơm moh ntil nau, Mbơ̆ Gâp gŭ ta klơ trôk mra ăn ma khân păng.

Mathay 18:3

jêh ri lah: “Nanê̆, Gâp lah ma khân may, tơlah khân may mâu rgâl jêng nâm bu kon se jê̆, khân may mâu dơi lăp tâm ƀon bri hađăch klơ trôk ôh.

Mathay 18:35

Tơlah ăp nơm tâm phung khân may mâu yô̆ an ma nâu oh păng ma lĕ nuih n'hâm, Mbơ̆ Gâp klơ trôk mra ƀư ma khân may tâm ban lĕ.”

Mathay 19:24

Gâp lah tay ma khân may, seh samô lăp tâm trôm nglai dơh lơn ma bunuyh ndrŏng lăp tâm ƀon bri hađăch Brah Ndu.”

Mathay 25:10

Ƀiălah dôl khân păng hăn rvăt dak ŭnh, bu klâu gŭ ur tât. Phung bu ur rơm ndrăp jêh ri mơ hăn ndrel ma bu klâu gŭ ur lăp nau nhêt sông tâm nkol ur sai, jêh ri mpông nchăng.

Mathay 25:21

Kôranh lah ma bunuyh nây: ‘Hơi oh mon sŏng jêh ri răp jăp, ueh ngăn! May hŏ răp jăp tâm kan jê̆, gâp mra ăn may mât uănh âk. Lăp hom gŭ maak ndrel ma kôranh may.’

Mathay 26:39

Hăn ngai đê̆, Brah Yêsu kŭnh muh măt, jêh ri mbơh sơm “Ơ Mbơ̆! Tơlah dơi, dăn ăn kachok aơ du luh bơh Gâp! Nđâp lah pônây, mâu di tĭng nâm Gâp ŭch, ƀiălah tĭng nâm May ŭch.”

Mathay 26:42

Păng hăn tay tal bar jêh ri mbơh sơm pô aơ: “Ơ Mbơ̆! Tơlah kachok aơ mâu dơi ôh sŏk lơi ƀiălah ăn gâp nhêt păng, ăn tât tĭng nâm May ŭch.”

Markôs 3:35

Mbu nơm ƀư tĭng nau Brah Ndu ŭch, nây jêng oh nâu, oh ruh, jêh ri mê̆ Gâp.”

Markôs 9:47

Bi tơlah măt may nsŭk may ƀư tih, rvek hom păng! Yorlah may roh du ding măt ƀiălah dơi lăp tâm ƀon bri hađăch Brah Ndu, ueh lơn geh tŏng lĕ bar đah măt ƀiălah bu mƀăr tâm ndrung ŭnh,

Luka 11:28

Ƀiălah Păng lah: “Phung iăt jêh ri djôt prăp nau Brah Ndu ngơi geh ueh lăng rlau lơn!”

Luka 13:25

Tơlah kôranh ngih dâk jêh ri nchăng mpông jêh, khân may gŭ padih, goh mpông jêh ri kuăl pô aơ: ‘Ơ kôranh, dăn pơk mpông ma hên!’ Păng mra plơ̆ lah: ‘Gâp mâu gĭt khân may ntŭk tă.’

Luka 18:25

Yorlah seh samô lăp tâm trôm nglai dơh lơn ma bunuyh ndrŏng lăp tâm ƀon bri hađăch Brah Ndu!”

Luka 6:46

Mâm ƀư khân may kuăl Gâp: ‘Kôranh Brah, Kôranh Brah!’ ƀiălah mâu ƀư tĭng nâm nau Gâp lah?

Yôhan 14:7

Lah khân may gĭt năl Gâp, khân may mra gĭt năl Mbơ̆ Gâp tâm ban lĕ; ntơm bơh aƀaơ khân may gĭt năl jêh ri hŏ saơ jêh Păng.”

Yôhan 15:23

Mbu nơm tâm rmot ma Gâp păng tâm rmot lĕ ma Mbơ̆ Gâp.

Yôhan 3:5

Brah Yêsu lah: “Nanê̆ ngăn, Gâp lah ngăn ma may: Tơlah du huê bunuyh mâu rnơm ôh ma dak jêh ri ma Brah Huêng Ueh gay deh, mâu dơi lăp tâm ƀon bri hađăch Brah Ndu ôh.

Yôhan 5:17

Ƀiălah Brah Yêsu lah đŏng ma khân păng: “Mbơ̆ Gâp hôm ƀư kan ma tât nar aơ, Gâp kan kơt nây lĕ.”

Yôhan 6:40

Yor aơ jêng nau mĭn Mbơ̆ Gâp ŭch: Mbu nơm saơ Kon jêh ri chroh ma Kon mra geh nau rêh n'ho ro, Gâp mra ƀư ăn bunuyh nây dâk rêh tay tâm nar nglĕ dŭt.”

Yôhan 7:17

Tơlah mbu nơm ŭch ƀư tĭng nau Brah Ndu ŭch, nơm nây mra gĭt nau Gâp nti luh tă bơh Brah Ndu mâu lah tĭng nau mĭn Gâp nơm ŭch.

Kôranh Oh Mon 14:22

Bar hê khân păng ƀư nâp nuih n'hâm phung oh mon, n'hao nuih khân păng djôt nâp nau chroh, jêh ri đă pô aơ: “He găn âk nau rêh ni, ri mơ dơi lăp tâm ƀon bri hađăch Brah Ndu.”

Samƀŭt Pôl Njuăl Ăn Ma Phung Nsing Ta Ƀon Rôm 12:2

Lơi ƀư tâm ban ma phung rnôk aơ, ƀiălah tâm rgâl hom ma nau mĭn mhe khân may, gay tâm rnglah moh nau mĭn ŭch ueh, di nuih n'hâm jêh ri nŭm rĭng ma Brah Ndu.

Samƀŭt Pôl Njuăl Ăn Ma Phung Nsing Ta Ƀon Rôm 2:13

Yorlah mâu di bunuyh iăt rŏ nau vay dơi kơp jêng sŏng srăng tanăp Brah Ndu, ƀiălah bunuyh ƀư tĭng nau vay jêng bunuyh dơi kơp sŏng srăng.

Êphêsô 6:6

mâu di tông bâr knŏng tanăp măt ôh, nâm bu khân may joi nau maak ma bunuyh, ƀiălah nâm bu phung dĭk Brah Krist, lĕ nuih n'hâm ƀư nau Brah Ndu ŭch.

Kôlôh 4:12

Y-Êpapras, bunuyh ƀon ndrel khân may, du huê oh mon ma Yêsu Krist jô̆ khâl ma khân may; păng tâm lơh tâm nau mbơh sơm yor khân may; gay khân may plơ̆ jêng nŭm rĭng jêh ri ƀư lôch lĕ nau mĭn ŭch Brah Ndu.

I Têsalônik 4:3

Yorlah nau mĭn Brah Ndu ŭch khân may dơi geh nau kloh ueh, ăn der ngai nau văng tĭr;

I Têsalônik 5:18

lah ueh hom ma Brah Ndu tâm lĕ nau tât, yorlah nây jêng nau mĭn Brah Ndu ŭch đah khân may tâm Yêsu Krist.

Titus 1:16

Khân păng kơp êng khân păng nơm jêng gĭt năl Brah Ndu, ƀiălah nau kan khân păng ƀư jêng dun Păng. Khân păng khư tâm rmot, mâu tông bâr, mâu dơi ƀư du ntil kan ueh ôh.

ហេឞ្រើ 13:21

ăn ma khân may lĕ nau ueh gay tĭng nau Păng ŭch, jêh ri ƀư nau ueh nuih n'hâm Păng ma he tâm Brah Yêsu Krist. Ăn nau chrêk rmah jêng ndơ Păng n'ho ro ƀaƀơ! Amen.

ហេឞ្រើ 4:6

Tâm ban pônây, ăt hôm bunuyh ƀaƀă mra dơi lăp nau rlu nây. Bi phung bunuyh bơh lor hŏ tăng jêh Nau Mhe Mhan Ueh, ƀiălah mâu dơi lăp ta nây yor nau mâu tông bâr.

Yakơ 1:22

Ƀư hom tĭng nâm nau ngơi, lơi knŏng iăt jêng tŏng gay ndơm mƀruh khân may nơm.

I Pêtrôs 2:15

Yorlah nau mĭn Brah Ndu ŭch ăn khân may ƀư nau ueh gay ƀư rklăk nau ngơi djơh tă bơh phung rluk mâl.

I Pêtrôs 4:2

gay ma dôl hôm gŭ rêh tâm nglay săk, khân may mâu hôm gŭ rêh tĭng nâm nau bunuyh kơnh ŭch ôh, ƀiălah tĭng nâm Brah Ndu ŭch.

Nau Tâm Mpơl 2:27

păng mra chiă uănh lĕ bri dak ma mâng jra loih, jêh ri mbang nchah khân păng nâm bu ndơ neh uk, tâm ban đŏng Gâp hŏ dơn jêh nau dơi nây bơh Mbơ̆ Gâp.

Nau Tâm Mpơl 22:14

Ueh maak yơh phung pih ao khân păng nơm gay geh nau dơi văch ta ntŭk tơm si nau rêh, jêh ri dơi lăp tâm ƀon ta lĕ mpông.

Nau Tâm Mpơl 3:5

Mbu mra dơi, mra soh ao nglang tâm ban pônây; Gâp mâu mra jut lơi amoh bunuyh nây bơh ndrom samƀŭt nau rêh, jêh ri mra mbơh amoh bunuyh nây tanăp Mbơ̆ Gâp jêh ri tanăp phung tông mpăr Păng.