Mathay 7:15 - Nau Brah Ndu Ngơi 2023

¹⁵ “Njrăng hom ma phung nơm mbơh lor nklă, khân păng mra văch ma khân may njêng nâm bu biăp, ƀiălah tâm trôm khân păng jêng so bri vay kăp hêk.

Bunong Bible Latin Script Cambodian dialect

¹⁵ “Ăn khân ay may njrăng hŏm ma bunuyh ntơyh nklă nau ngơi Kôranh Brah. Khân păng văch a khân ay may mleh, uănh tâm ban ma be biăp, yơn ma ta trôm nuih n'hâm khân păng ri janh tâm ban ma so bri ngăn.

Bunong

¹⁵ “អ៝ន់​ខាន់​អៃ​មៃ​ញជ្រាង់​ហ៝ម់​មា​ឞូនុយ្ស​នតើយ្ស​ងក្លាៈ​នាវ​ងើយ​កោរាញ​ឞ្រាស។ ខាន់​ពាង់​វាច់​អា​ខាន់​អៃ​មៃ​មលែស អ្វាញ់​តឹម​ឞាន​មា​ឞែ​ឞ្យាប់ យើន​មា​តា​ត្រោម​នូយ្ស​នហ៝ម់​ខាន់​ពាង់​រី​ជាញ​តឹម​ឞាន​មា​ឆ៝​ឞ្រី​ងាន់។

Mathay 7:15 Iomraidhean Croise

I Phung Hađăch 13:18

Nơm mbơh lor ranh lah tay: “Gâp jêng du huê nơm mbơh lor nâm bu may đŏng. Du huê tông mpăr hŏ tông bâr Brah Yêhôva ngơi ma gâp pô aơ: ‘Leo hom păng sĭt lăp tâm ngih ndrel ma may, gay ăn păng sa piăng let jêh ri nhêt dak.’” Ƀiălah nơm mbơh lor ranh aơ hŏ lah mƀruh ma păng.

Yêrêmi 29:21

“Brah Yêhôva ma phung tahan, Brah Ndu Israel, lah ma Y-Ahap, kon bu klâu Y-Kôlaya, jêh ri ma Y-Sêdêkia, kon bu klâu Y-Maseya, jêng phung mbơh lor nklă mƀruh tâm amoh Gâp, pô aơ: ‘Aơ, Gâp mra jao khân păng tâm ti Y-Nêbukatnetsar, hađăch Babilôn, hađăch nây mra nkhĭt khân păng tanăp măt khân may.’

Yêrêmi 29:32

Yor nây, Brah Yêhôva lah: ‘Aơ, Gâp mra tâm rmal Y-Sêmaya, bunuyh ƀon Nêhêlam, jêh ri ndŭl deh păng. Mâu hôm geh du huê tâm Noi deh păng dơi rêh tâm nklang phung ƀon lan nây. Păng nơm ăt mâu mra saơ nau ueh Gâp mra ƀư ma phung ƀon lan Gâp, yorlah păng hŏ ngơi nau tâm rdâng đah Brah Yêhôva,’” Yêhôva lah pônây.

Êsêkiêl 13:16

Khân păng jêng phung nơm mbơh lor Israel mbơh lor lah ma Yêrusalem jêh ri uănh nau tâm saơ đăp mpăn ma ƀon nây ƀiălah mâu geh nau nđăp mpăn ôh, Kôranh Brah Yêhôva lah pônây.”’

Êsêkiêl 13:22

Yorlah khân may sŏk nau nchơt mƀruh ƀư rngot nuih n'hâm phung sŏng srăng nđâp lah Gâp mâu mâp ƀư rdja nuih khân păng ôh. Ƀiălah khân may ƀư ma ti phung ƀai ktang lơn gay ma khân păng mâu chalơi ôh bơh trong nau mhĭk păng gay dơi geh nau rêh.

Êsêkiêl 22:25

Phung kôranh mbơh lor păng njêng nchră ta nklang păng nâm bu du mlâm yau mŭr gŭ ngrông dôl grang hêk mpa păng kăp; khân păng sa rvăn lĕ huêng, sŏk ntŭng drăp ndơ jêh ri ndơ khlay; ƀư ăn phung ndrô ntop âk tâm ƀon.

Êsêkiêl 22:27

Phung kôranh chiă uănh ta nklang păng nâm bu so bri hêk sa mpa; khân păng knŏng ŭch ƀư pling mham, ƀư roh lơi huêng gay geh drăp ndơ mâu sŏng.

Daniel 11:34

Tâm dôl khân păng chôt prah, khân păng dơn nau kơl geh djê̆ ngăn, ƀiălah geh âk bunuyh nau mƀruh ndơm tĭng khân păng.

Mika 3:11

Phung kôranh phat dôih yor drăp bu blŏl, Phung kôranh ƀư brah ntĭm nti yor rnoh bu nkhôm, Bi phung nơm mbơh lor ngơi mbơh lor yor nkhôm ma prăk; Jêh nây khân păng nsing ma Brah Yêhôva ngơi pô aơ: “Mâu ƀơh di Brah Yêhôva dôl gŭ ta nklang he? Nau mhĭk mâu ôh mra tât ma he!”

Sakari 13:4

Ta nar nây, ăp nơm mbơh lor mra prêng ma nau păng tâm saơ nôk ngơi nau mbơh lor. Khân păng mâu hôm nsoh ôh ao jâr ma rsau gay ngơi ndơm đŏng ôh.

Mathay 10:17

Njrăng hom bunuyh ta neh ntu, yorlah khân păng mra nhŭp jao khân may ma Mpôl Kôranh Phat Dôih jêh ri mra dong khân may tâm ngih rƀŭn.

Mathay 16:11

Mâm ƀư khân may mâu gĭt rbăng pô aơ Gâp mâu ŭch ngơi ma piăng let ôh? Njrăng hom ma ndrui phung Pharisi jêh ri phung Sađusê.”

Mathay 16:6

Brah Yêsu lah ma khân păng: “Njrăng hom jêh ri uănh njrăng ma ndrui phung Pharisi jêh ri phung Sađusê.”

Mathay 24:11

Âk nơm mbơh lor nklă mra mpơl jêr ri ndơm âk bunuyh.

Mathay 7:14

Ƀiălah mpông pêr huêt jêh ri trong jê̆ njŭn leo ma nau rêh, djê̆ bunuyh saơ ntŭk nây.”

Luka 12:15

Păng lah ma khân păng: “Rjăp hom, uănh njrăng lĕ rngôch ndơ kơnh rlau ir, yorlah nau rêh kon bunuyh mâu jêng yor ma drăp ndơ păng nơm geh âk rmeh ôh.”

Luka 6:26

Rêh ni yơh ma khân may, tơlah lĕ rngôch bunuyh rnê, Yorlah chô yau khân păng hŏ ƀư jêh ma phung nơm mbơh lor nklă tâm ban pônây!

Yôhan 10:12

Nơm rmăk biăp bu nkhôm mâu di jêng bunuyh rmăk biăp ôh; biăp mâu lĕ jêng biăp păng, yor ri lah saơ so bri tât, păng chalơi nchuăt du. So bri kăp biăp jêh ri ƀư nchah rai khân păng.

Kôranh Oh Mon 13:40

Pôri, njrăng hom, lơi ăn văk di đah nau phung nơm mbơh lor hŏ mbơh:

Kôranh Oh Mon 13:6

Nôk hăn lam kôdak nây tât ta ƀon Paphôs, ta aơ khân păng mâp du huê phung ƀŭk rƀên jêng nơm mbơh lor nklă phung Yuđa, amoh păng Y-Bar-Yêsu;

Galati 2:4

Hên hŏ ƀư tâm ban lĕ yorlah geh ƀaƀă phung nklă jêng oh nâu, khân păng mŭt ntŭng tâm nklang hên, kâp uănh nau kon me hên geh jêh tâm Brah Yêsu Krist gay nhŭp hên ƀư dĭk.

Êphêsô 4:14

Kơt nây, he mâu mra hôm jêng kon se ôh, geh nau rpuh njach jêh ri rdu tĭng sial khôm nau nti nklă, tă bơh nau plĕch rlăm kon bunuyh jêh ri lĕ nau blau nklă khân păng ndơm mƀruh.

Êphêsô 5:6

Lơi ăn bu ndơm khân may ma nau mâu khlay ôh; yor bơh nau nây yơh nau Brah Ndu ji nuih nkhŭt tŭp ta noi deh mâu tông bâr.

Philip 3:2

Uănh njrăng hom ma phung so, uănh njrăng hom ma phung pah kan djơh mhĭk, uănh njrăng hom ma phung dơn nau koh ntâu nklă!

Kôlôh 2:8

Njrăng hom, lơi ăn mbu ƀư dăk sân khân may ma nau ntĭm nti dŭt blau jêh ri ma nau ngơi nklă dơm dam tĭng nâm nau vay ơm bơh kon bunuyh, tĭng nâm huêng brah tâm neh ntu, ƀiălah mâu di tĭng nâm Brah Krist.

II Timôthê 3:13

Ƀiălah phung janh ƀai, phung mƀruh mra lơ nar lơ hâu mhĭk lơn đŏng, ndơm mƀruh bu jêh ri bu ndơm mƀruh tay đŏng.

II Timôthê 4:3

Yorlah mra tât du rnôk phung bunuyh mâu hôm ŭch iăt nau nti nau ngăn, ƀiălah tĭng nuih n'hâm ŭch kơnh, khân păng mra tâm rgum phung kôranh nơm nti jŭm khân păng nơm gay iăt lĕ nau ƀư maak ma tôr;

II Pêtrôs 3:17

Hơi phung gâp rŏng, khân may gĭt jêh lor nau aơ; pôri, njrăng hom, klach lah phung djơh mhĭk nây têk leo khân may tĭng nau vĭ nhhơt khân păng, jêh ri khân may roh nau nâp.

I Yôhan 4:1

Hơi phung gâp rŏng, lơi chroh ôh ma lĕ rngôch brah huêng, ƀiălah lŏng nâl uănh phung brah huêng nây, geh tât tă bơh Brah Ndu mâu lah mâu, yorlah geh âk nơm mbơh lor nklă mpơl jêh tâm neh ntu.

Yuđas 1:4

Yorlah geh ƀaƀă phung bunuyh mŭt ntŭng tâm nklang khân may, jêng phung kăl e hŏ tâm nal ma nau phat dôih, jêng phung mâu klach yơk, phung rgâl nau yô̆ Brah Ndu he jêng nau dơi ƀư tih, dun ma Nơm Chiă Uănh knŏng nguay jêh ri Kôranh Brah he jêng Brah Yêsu Krist.

Nau Tâm Mpơl 16:13

Gâp saơ tă bơh mbung bêh nhŭk nhăk, mbung mpô mpa dŭt janh jêh ri bơh trôm mbung nơm mbơh lor nklă geh pe huêng djơh nâm bu phung kĭt hăn luh.

Nau Tâm Mpơl 17:6

Gâp saơ bu ur nĕ nhŭl mham phung kloh ueh jêh ri mham phung mbơh nkoch ma Brah Yêsu. Tơlah gâp saơ păng, gâp hih rhâl hâu ngăn.

Nau Tâm Mpơl 19:20

Ƀiălah bu nhŭp jêh mpô mpa dŭt janh nây jêh ri nơm mbơh lor nklă — nơm ƀư jêh lĕ nau mbên khlay tanăp mpô mpa, gay ndơm mƀruh ma phung bunuyh dơn jêh nau mbên tă bơh mpô mpa jêh ri phung bunuyh yơk mbah ma rup păng — bu nhŭp đŏng. Lĕ bar hê khân păng bu mƀăr rêh jŭr tâm nglao ŭnh mô ŭnh dôl hit.

Nau Tâm Mpơl 20:10

Bi brah mhĭk jêng nơm ndơm mƀruh khân păng bu klŭp mƀăr păng lăp nglao ŭnh geh mô ŭnh, Ta nây geh mpô mpa dŭt janh jêh ri nơm mbơh lor nklă gŭ jêh. Khân păng geh nau rêh ni măng nâm nar ma tât n'ho ro.