Mathay 7:11 - Nau Brah Ndu Ngơi 2023

¹¹ Kơt nây, tơlah khân may jêng bunuyh mhĭk, hôm gĭt ăn lĕ ndơ ueh ma phung kon khân may nơm, rlau lơn ma Mbơ̆ khân may gŭ klơ trôk mâu mra ăn ndơ ueh ma mbu nơm dăn ma Păng mâm ƀư?

Bunong Bible Latin Script Cambodian dialect

¹¹ Bol lah khân ay may jêng bunuyh tih kađôi, khân ay may hôm blao ăn ndơ ueh ma kon khân ay may đŏng. Lah ndri Kôranh Brah Bơ̆ khân ay may i gŭ ta kalơ trôk rlau bơh nây ăn ndơ ueh ma bu moh dăn bơh Păng.”

Bunong

¹¹ ឞ៝ល​លាស​ខាន់​អៃ​មៃ​ជេង​ឞូនុយ្ស​តីស​កាដោយ ខាន់​អៃ​មៃ​ហោម​ឞ្លាវ​អ៝ន់​នទើ​អ្វែស​មា​ក៝ន​ខាន់​អៃ​មៃ​ដ៝ង់។ លាស​នទ្រី​កោរាញ​ឞ្រាស​ឞឹ​ខាន់​អៃ​មៃ​អី​គុ​តា​កាលើ​ត្រោក​រាលាវ​ឞើស​នៃ​អ៝ន់​នទើ​អ្វែស​មា​ឞូ​ម៝ស​ទាន់​ឞើស​ពាង់”។

Mathay 7:11 Iomraidhean Croise

Nau Ntơm 6:5

Brah Yêhôva saơ nau djơh mhĭk kon bunuyh lam klơ neh jêh ri khân păng knŏng rvê mĭn ma nau djơh mhĭk dơm,

Nau Ntơm 8:21

Brah Yêhôva maak dơn nau n'hôl ƀâu kah jêh ri mĭn êng: “Gâp mâu mra rtăp rak neh ntu đŏng ôh yor ma phung bunuyh, nđâp lah nau mĭn phung bunuyh djơh mhĭk ntơm bơh păng hôm mom. Gâp mâu mra ƀư rai đŏng ôh lĕ rngôch mpa rêh tâm ban ma Gâp hŏ ƀư jêh.

II Samuel 7:19

Hơi Kôranh Brah Yêhôva, nau may lah nây jêng du ndơ jê̆ tanăp măt May, dĭng May ngơi ma ngih oh mon May ma âk rô̆ rlet kăndơ̆? Hơi Kôranh Brah Yêhôva, di lĕ aơ jêng nau vay May ƀư ma lĕ rngôch bunuyh hĕ?

Ndrom Samƀŭt bơh Yôp 15:16

N'hơn lah ma du huê nơm tih mhĭk, bu rmot, Ƀư nau tih mhĭk nâm bu nhêt dak!

Nau Mprơ Ơm 84:11

Yorlah Yêhôva Brah Ndu jêng nar jêh ri khêl; Brah Yêhôva mra ăn nau yô̆ jêh ri nau chrêk rmah; Păng mâu dun du ntil nau ueh ôh Ăn ma phung gŭ rêh nŭm rĭng.

Nau Mprơ Ơm 85:12

Di yơh, Brah Yêhôva mra ăn ndơ ueh, Jêh ri neh he mra geh kao play.

Nau Mprơ Ơm 86:15

Ƀiălah ơ Kôranh Brah, May jêng Brah Ndu blau yô̆ nđach jêh ri ƀư ueh, Mâu gơnh nuih, bêng ma nuih n'hâm ueh jêh ri nau nanê̆ ngăn.

Nau Mprơ Ơm 86:5

Ơ Kôranh Brah! May jêng ueh, bêng ma yô̆ an, Ăn bêng nau ueh ma phung kuăl dăn ma May.

Êsai 49:15

“Dơi lĕ du huê bu ur me chuêl pu toh ma kon păng, Mâu lah mâu yô̆ ôh ma kon păng bơh ndŭl păng nơm? Nđâp tơlah păng chuêl kon păng, Ăt Gâp mâu mra chuêl may ôh.

Êsai 63:7

Gâp nkah tay nau ueh bơh Brah Yêhôva, Jêh ri nau tâm rnê ma Brah Yêhôva, Yorlah tĭng nâm lĕ nau Brah Yêhôva ƀư ăn jêh ma he, Jêh ri Păng ăn nau ueh âk toyh ma ngih Israel, Tĭng nau Păng yô̆ nđach, Jêh ri nau ueh bơh Păng mâu blau dŭt.

Yêrêmi 17:9

Nuih n'hâm bu jêng mƀruh nchơt lơn ma lĕ ntil mpô mpa, Jêh ri jêng nau djơh mhĭk ngăn. Mbu nơm dơi gĭt?

Yêrêmi 33:14

Brah Yêhôva lah: ‘Aơ, lĕ nar tât, Gâp mra ƀư nau geh tât di ngăn nau ueh Gâp hŏ ton jêh ma ngih Israel jêh ri ma ngih Yuđa.

Ndrom Samƀŭt bơh Ôsê 14:2

Khân may djôt hom nau ngơi Plơ̆ sĭt ma Brah Yêhôva; Lah hom ma păng pô aơ: “Dăn sŏk lơi lĕ nau mhĭk hên Jêh ri mplơ̆ nau ueh uĭn, Gay ma hên dơi nhhơr ndơ ƀư brah tâm rnê ma trôm mbung. Ntrok ma ndrôk nkuăng.

Mika 7:18

Mbu nơm jêng Brah Ndu nâm bu May? May yô̆ an nau djơh mhĭk jêh ri mâu ndăng ôh nau ƀư tih Ma phung hôm e, jêng drăp ndơn Păng. Păng mâu prăp n'ho ro ôh nau păng nuih, Yorlah Păng răm maak nau ueh.

Malachi 1:6

Brah Yêhôva ma phung tahan lah đah khân may: “Hơi phung kôranh ƀư brah tâm rmot amoh Gâp! Kon bu klâu yơk ma mbơ̆ păng nơm, nơm dĭk nă yơk ma kôranh păng nơm. Pôri, tơlah Gâp jêng Mbơ̆ mbah ntŭk nau yơk ăn ma Gâp? Jêh ri tơlah Gâp jêng Kôranh hŏ geh nau klach yơk ăn ma Gâp?” Khân may lah đŏng pô aơ: “Ta ntŭk hên rmot hŏ amoh May?”

Mathay 23:9

Lơi đŏng kuăl du huê bunuyh ta neh ntu aơ jêng mbơ̆; yorlah khân may geh knŏng du huê Mbơ̆, jêng Nơm gŭ ta klơ trôk.

Mathay 7:10

Mâu lah kon dăn ka, ƀiălah ăn bêh ƀơh?

Yôhan 3:16

Yorlah Brah Ndu rŏng hâu ngăn ma neh ntu kŏ tât Păng ăn Kon Dul Păng nơm, gay ăn ma mbu nơm chroh ma Kon Păng nây, mâu rai yot ôh, ƀiălah geh nau rêh n'ho ro.

Samƀŭt Pôl Njuăl Ăn Ma Phung Nsing Ta Ƀon Rôm 3:19

He gĭt lĕ nau vay lah, jêng lah ma phung gŭ tâm dâng nau vay gay ma lĕ rngôch trôm mbung gŭ rklăk da dê, jêh ri lĕ rngôch bunuyh ta neh ntu dơn nau tih tanăp Brah Ndu;

Samƀŭt Pôl Njuăl Ăn Ma Phung Nsing Ta Ƀon Rôm 3:9

Mâm ƀư? He jêng moh nau ueh lơn lĕ? Lĕ rngôch mâu ôh; yorlah he gĭt nanê̆ jêh ma lĕ rngôch phung Yuđa jêh ri phung Grek gŭ tâm dâng nau dơi ktang nau tih da dê,

Samƀŭt Pôl Njuăl Ăn Ma Phung Nsing Ta Ƀon Rôm 8:32

Brah Ndu mâu nhhuach Kon Păng nơm, ƀiălah Păng jao jêh Kon nây ma lĕ rngôch he, mâm ƀư Păng mâu ăn lĕ ntil ndơ ndrel Kon nây ma he?

Galati 3:22

Ƀiălah Nau Brah Ndu Ngơi mbơh da dê lĕ ntil ndơ gŭ tâm dâng nau dơi ktang nau tih, gay ma nau chroh tâm Brah Yêsu Krist, nau ton dơi ăn ma phung chroh.

Yakơ 1:17

Lĕ rngôch yô̆ ueh jêh ri lĕ ndơ ăn dŭt ueh ngăn tât bơh klơ trôk, jŭr tă bơh Mbơ̆ nau ang; tâm Păng mâu geh nau rgâl ôh, mâu lĕ geh gui nau rgâl.

I Yôhan 3:1

Uănh hom Brah Ndu Mbơ̆ ăn nau rŏng toyh ngăn ma he, kŏ tât Brah Ndu rnha he jêng kon Păng, jêh ri he jêng kon Păng ngăn! Yor nĕ neh ntu mâu gĭt năl he, yorlah neh ntu mâu gĭt năl Brah Ndu ôh.

I Yôhan 4:10

Nau rŏng gŭ tâm nau aơ: Mâu di he rŏng jêh ma Brah Ndu ôh, ƀiălah Brah Ndu rŏng jêh ma he jêh ri njuăl Kon Păng ƀư ndơ nau ƀư brah tâm chuai nau tih he.