Mathay 6:9 - Nau Brah Ndu Ngơi 2023

⁹ Pôri, ăn khân may mbơh sơm pô aơ: ‘Ơ Mbơ̆ hên gŭ tâm trôk ơi; Ăn amoh May bu yơk ma nau kloh ueh.

Bunong Bible Latin Script Cambodian dialect

⁹ Lah ndri ăn khân ay may mbơh sơm kơt nđa: ‘Ơ Kôranh Brah Bơ̆ hên gŭ ta kalơ trôk, Ăn dâng lĕ bunuyh yơk mbah ma May.

Bunong

⁹ លាស​នទ្រី​អ៝ន់​ខាន់​អៃ​មៃ​មឞើស​ឆើម​កើត​នអា៖ «អើ​កោរាញ​ឞ្រាស​ឞឹ​ហេន​គុ​តា​កាលើ​ត្រោក‌ អ៝ន់​ទឹង​លែៈ​ឞូនុយ្ស​យើក​មឞាស​មា​មៃ។

Mathay 6:9 Iomraidhean Croise

II Samuel 7:26

Dăn amoh May bu tâm rnê mro mrăng, jêh ri bu lah pô aơ: Brah Yêhôva ma phung tahan jêng Brah Ndu phung Israel. Ăn nau chiă uănh Y-Đavit, jêng oh mon May, dơi nâp ngăn ngên tanăp măt May!

I Phung Hađăch 8:43

pôri dăn Kôranh Brah ta klơ trôk, jêng ntŭk May gŭ, rkêng tôr iăt jêh ri ƀư ma khân păng lĕ nau khân păng mbơh sơm dăn ma May, gay ma lĕ rngôch phung ƀon lan ta neh ntu dơi gĭt năl amoh Kôranh Brah jêh ri klach yơk ma May nâm bu phung ƀon lan Israel May, jêh ri gay ma bu gĭt năl ngih brah aơ gâp ndâk jêh ma May bu ntơ tâm amoh May.

I Nau Rêh Jêng 17:24

Dăn nau nây dơi nâp, jêh ri amoh Kôranh Brah geh nau bu tâm rnê kŏ tât ƀaƀơ n'ho ro: Brah Yêhôva ma phung tahan jêng Brah Ndu phung Israel, jêng Brah Ndu phung Israel yơk mbah; bi ngih Y-Đavit jêng oh mon May dơi nâp ngăn ngên tanăp măt May!

II Nau Rêh Jêng 20:6

mbơh sơm pô aơ: “Ơ Yêhôva Brah Ndu phung che hên! Mâu di hĕ May jêng Kôranh Brah gŭ ta klơ lĕ ndâr trôk? Mâu di hĕ May jêng Nơm chiă uănh ma lĕ rngôch ntil mpôl bunuyh bơh lĕ rngôch bri dak? Tâm ti May geh nau brah jêh ri nau ktang, pôri mâu geh du huê dơi tâm rdâng ôh đah May.

Nêhêmi 9:5

Phung Lêvi jêng Y-Jêsua, Y-Katmiêl, Y-Bani, Y-Hasapnia, Y-Sêrêbia, Y-Hôdia, Y-Sêbania, jêh ri Y-Pêthahia lah: “He dâk hom, tâm rnê ma Yêhôva Brah Ndu he, Jêng Nơm n'ho ro! Mât ton tâm rnê amoh chrêk rmah May, Amoh geh nau yơk lơn ma lĕ rngôch nau mât ton jêh ri nau tâm rnê.

Nau Mprơ Ơm 111:9

Păng hŏ rklaih jêh phung ƀon lan Păng, Jêh ri ntăm gay ndâk nau tâm rnglăp gŭ n'ho ro. Amoh Păng kloh ueh jêh ri khư klach.

Nau Mprơ Ơm 115:3

Brah Ndu he gŭ tâm klơ lĕ ndâr trôk; Păng ƀư lĕ rngôch nau Păng geh nau maak.

Nau Mprơ Ơm 72:18

Khư mprơ tâm rnê ma Yêhôva Brah Ndu jêng Brah Ndu phung Israel. Knŏng du huê Păng ƀư lĕ kan khlay ngăn!

Êsai 37:20

Pôri aƀaơ, ơ Yêhôva Brah Ndu hên, tâm rklaih hom hên bơh ti Y-Sênakêrip, gay ma lĕ rngôch ƀon bri hađăch ta neh ntu dơi gĭt knŏng êng May yơh jêng Brah Yêhôva!”

Êsai 57:15

Nơm dŭt prêh, Nơm bu yơk mbah, gŭ ntŭk n'ho ro dŭt ngăn, Amoh Păng jêng Kloh Ueh; Nơm nĕ lah: “Gâp gŭ tâm ntŭk prêh jêh ri kloh ueh, Ƀiălah gŭ ndrel ma nơm geh nuih n'hâm rngot ma nau tih jêh ri nuih n'hâm dêh rhêt, Gay plơ̆ ăn rêh nuih n'hâm phung dêh rhêt, Jêh ri gay ăn rêh tay nuih n'hâm nơm rngot ma nau tih.

Êsai 6:3

Phung sêraphim troh ndrel jêh ri lah: “Kloh ueh, kloh ueh, kloh ueh yơh Brah Yêhôva ma phung tahan! Lam bri neh bêng ma nau chrêk rmah Păng.”

Êsai 63:16

Nanê̆, May jêng Mbơ̆ hên; Nđâp tơlah Y-Abraham mâu gĭt năl ôh hên, Jêh ri Y-Israel mâu lĕ dơn hên; Ơ Brah Yêhôva, May yơh jêng Mbơ̆ hên, Bơh rnôk n'ho ro May jêng Nơm Tâm Chuai hên.

Êsai 64:8

Ƀiălah, ơ Brah Yêhôva, aƀaơ May ăt jêng Mbơ̆ hên; Hên jêng neh uk, jêh ri May jêng nơm blau mon glah; Lĕ rngôch hên jêng kan ti May ƀư.

Êsai 66:1

Brah Yêhôva lah: “Trôk jêng sưng hađăch Gâp, Neh ntu jêng rnơl chrong jâng Gâp, Moh ngih khân may mra ŭch rdâk ma Gâp? Moh ntŭk jêng ntŭk ma Gâp gŭ rlu?

Êsêkiêl 36:23

Gâp mra ƀư ăn kloh amoh dŭt toyh Gâp, jêng amoh bu hŏ ƀư ƀơ̆ jêh ta nklang lĕ phung ƀon lan; n'hêl nanê̆, ta nklang lĕ phung ƀon lan, khân may ƀư ƀơ̆ amoh nây. Kôranh Brah Yêhôva lah: Tâm ban pônây, lĕ ntil mpôl bunuyh mra gĭt Gâp jêng Brah Yêhôva tơlah Gâp tâm mpơl tra năp măt khân păng nau kloh ueh tâm amoh Gâp rgăn ta khân may.

Êsêkiêl 38:23

Nâm pônây, Gâp mra tâm mpơl nau toyh jêh ri nau kloh ueh Gâp, jêh ri Gâp mra dơi gĭt năl tra năp măt âk mpôl băl bunuyh. Khân păng mra gĭt Gâp jêng Brah Yêhôva.’”

Kan Lêvi 10:3

Jêh nây Y-Môis lah ma Y-Arôn: “Aơ jêng nau Brah Yêhôva hŏ ntăm jêh: ‘Ta nklang phung văch dăch Gâp Gâp mra mpơl nau kloh ueh Gâp; Jêh ri tanăp lĕ rngôch bunuyh ƀon lan Gâp mra dơi tâm rnê.’” Y-Arôn gŭ rklăk.

Habakuk 2:14

Yorlah gĭt năl nau chrêk rmah Brah Yêhôva Mra bêng ler lam neh ntu Nâm bu dak nkŭm bêng dak mƀŭt.

Sakari 14:9

Brah Yêhôva mra jêng hađăch ma lam neh ntu. Tâm nar nây, Brah Yêhôva mra jêng Nơm knŏng nguay, jêh ri amoh Păng mra geh knŏng nguay dơm.

Malachi 1:11

Yor ntơm bơh nar luh tât nar nhâp, tâm amoh Gâp jêng dŭt toyh ta nklang tâm lĕ rngôch bri dak. Gŭ lam ntŭk, bu mra nhhơr ndơ ƀâu kah jêh ri nhhơr ndơ ƀư brah kloh ma amoh Gâp, yor amoh Gâp jêng dŭt toyh ta nklang lĕ rngôch bri dak.” Brah Yêhôva ma phung tahan lah pônây.

Mathay 10:29

Bar mlâm sĭm srai mâu di knŏng tăch du rêl lĕ? Ƀiălah aƀaơ ri, mâu mâp geh ôh du mlâm sĭm tŭp ta neh tơlah mâu tĭng nau Mbơ̆ may ŭch.

Mathay 23:9

Lơi đŏng kuăl du huê bunuyh ta neh ntu aơ jêng mbơ̆; yorlah khân may geh knŏng du huê Mbơ̆, jêng Nơm gŭ ta klơ trôk.

Mathay 26:29

Gâp lah ma khân may, Gâp mâu mra nhêt dak krăk ƀâu aơ đŏng, kŏ tât nar Gâp mra nhêt dak krăk ƀâu mhe ndrel khân may tâm ƀon bri hađăch Mbơ̆ Gâp.”

Mathay 26:42

Păng hăn tay tal bar jêh ri mbơh sơm pô aơ: “Ơ Mbơ̆! Tơlah kachok aơ mâu dơi ôh sŏk lơi ƀiălah ăn gâp nhêt păng, ăn tât tĭng nâm May ŭch.”

Mathay 5:16

Đŏng kơt nây, nau ang khân ay may ăn nchrat ang tra năp lĕ rngôch bunuyh, gay khân păng saơ kan ueh khân ay may jêh ri mât ton ma Mbơ̆ khân ay may gŭ ta klơ trôk.

Mathay 5:48

Pôri ăn khân may jêng bunuyh ueh n'hêl nanê̆ nâm bu Mbơ̆ khân may klơ trôk jêng ueh nanê̆ ngăn.”

Mathay 6:14

Tơlah khân may yô̆ an nau tih ma bu, Mbơ̆ khân may klơ trôk mra yô̆ an khân may tâm ban đŏng.

Mathay 6:6

Ƀiălah tơlah may mbơh sơm, lăp hom tâm jrô may, nchăng hom mpông, jêh nây mbơh sơm ma Mbơ̆ may, Nơm gŭ tâm ntŭk ndâp; jêh ri Mbơ̆ may, Nơm saơ tâm ntŭk ndâp, mra ăn nau nkhôm ma may.

Mathay 7:11

Kơt nây, tơlah khân may jêng bunuyh mhĭk, hôm gĭt ăn lĕ ndơ ueh ma phung kon khân may nơm, rlau lơn ma Mbơ̆ khân may gŭ klơ trôk mâu mra ăn ndơ ueh ma mbu nơm dăn ma Păng mâm ƀư?

Luka 15:18

Gâp mra hăn plơ̆ sĭt ta mbơ̆ gâp jêh ri lah ma păng: Hơi mbơ̆, gâp ƀư tih jêh đah trôk jêh ri đah may,

Luka 15:21

Kon ri lah ma mbơ̆: ‘Hơi mbơ̆, gâp ƀư tih jêh đah trôk jêh ri đah mbơ̆, mâu hôm khư ôh ăn may kuăl gâp jêng kon may ôh.’

Luka 2:14

“Tâm rnê ma Brah Ndu klơ trôk, Nau đăp mpăn ta neh ntu, nau yô̆ ăn ma bunuyh!”

Yôhan 20:17

Brah Yêsu đă: “Lơi pah ta Gâp, yorlah Gâp ê hŏ hao ma Mbơ̆! Ƀiălah hăn hom tâm mâp jêh ri mbơh ma phung oh nâu Gâp, lah ma khân păng pô aơ: Gâp hao ma Mbơ̆ Gâp jêh ri Mbơ̆ khân may lĕ, nđâp ma Brah Ndu Gâp jêh ri Brah Ndu khân may lĕ.”

Samƀŭt Pôl Njuăl Ăn Ma Phung Nsing Ta Ƀon Rôm 1:7

Gâp dăn njuăl ma lĕ rngôch phung Brah Ndu rŏng tâm ƀon Rôm, phung Brah Ndu kuăl jêh ăn jêng phung kloh ueh. Dăn Brah Ndu, Mbơ̆ he, jêh ri Kôranh Brah jêng Kôranh Yêsu Krist ăn ma nau yô̆ jêh ri nau đăp mpăn ma khân ay may.

Samƀŭt Pôl Njuăl Ăn Ma Phung Nsing Ta Ƀon Rôm 8:15

N'hêl nanê̆ ngăn, khân may mâu sŏk dơn huêng jêng dĭk gay gŭ mro tâm nau klach, ƀiălah khân may sŏk dơn jêh huêng jêng kon mât rong, jêh ri tă bơh nĕ, he kuăl pô aơ: “Aƀa! Mbơ̆!”

Galati 1:1

Y-Pôl, jêng kôranh oh mon mâu di bơh phung bunuyh mâu lah bơh du huê bunuyh, ƀiălah bơh Brah Yêsu Krist jêh ri Brah Ndu jêng Mbơ̆, Nơm ƀư ăn Păng dâk rêh tay tă bơh nau khĭt,

Galati 4:6

Yorlah khân may jêng kon, pôri Brah Ndu hŏ njuăl Brah Huêng Ueh Kon Păng gŭ tâm nuih n'hâm he, kuăl: “Aƀa! Mbơ̆!”

I Timôthê 6:16

jêng Nơm knŏng nguay mâu blau khĭt, gŭ ta nklang nau ang mâu geh ôh nơm dơi hăn dăch, jêng Nơm ê hŏ geh bunuyh saơ mâu lah dơi saơ. Mbơh sơm dăn nau yơk jêh ri nau brah n'ho ro jêng ndơ Păng! Amen.

I Pêtrôs 1:17

Tơlah khân may mbơh Păng jêng Mbơ̆, Nơm mâu chrê du huê jêh ri phat dôih ăp nơm tĭng nâm nau khân păng ƀư, pôri djôt leo hom nuih n'hâm klach yơk gay gŭ rêh tâm rnôk gŭ njưh aơ.

Nau Tâm Mpơl 4:11

“Ơ Brah Ndu jêng Kôranh Brah hên, Kôranh Brah khư sŏk dơn nau chrêk rmah, nau yơk jêh ri nau dơi, Yorlah Kôranh Brah rhăk njêng jêh lĕ rngôch ndơ, Jêh ri tĭng nâm Kôranh Brah ŭch lĕ rngôch ndơ jêng geh jêh ri May rhăk njêng jêh khân păng.”

Nau Tâm Mpơl 5:12

mprơ huy pô aơ: “Kon Biăp bu nkhĭt jêh Khư sŏk dơn nau dơi, nau ndrŏng, nau blau mĭn, Nau ktang, nau yơk, nau chrêk rmah jêh ri nau tâm rnê!”