Mathay 6:4 - Nau Brah Ndu Ngơi 2023

⁴ gay nau ăn ndơ yô̆ jêng ndâp; jêh ri Mbơ̆ may, Nơm saơ tâm ntŭk ndâp, mra ăn nau nkhôm ma may.

Mathay 6:4 Iomraidhean Croise

Nau Mprơ Ơm 139:12

Ƀiălah nau ngo nây ăt mâu dơi nkŭm lĕ ma May ôh, Dôl măng mra ang tâm ban ma dôl nar, Jêh ri nau ngo jêng nau ang đŏng đah May.

Nau Mprơ Ơm 17:3

Kôranh Brah hŏ sek uănh jêh nuih n'hâm gâp, khâl gâp dôl măng; May rlong uănh gâp ƀiălah joi mâu saơ geh nau ôh; Gâp ntrâng ton trôm mbung gâp mâu mra ƀư tih.

Nau Mprơ Ơm 44:21

Brah Ndu mâu mra sek uănh ôh nau nây? Yorlah Păng gĭt ntŭk ndâp tâm nuih n'hâm.

Nau Hôr 25:22

Yorlah nâm bu pônây, may bun sa ônh rnga ta klơ bôk păng, Jêh ri Brah Yêhôva mra nkhôm ma may.

Yêrêmi 17:10

Gâp, Brah Yêhôva, sek uănh nau mĭn, Rlong uănh nuih n'hâm bu, Plơ̆ ăn ma ăp nơm tĭng nâm trong păng hăn, Jêh ri tĭng nâm play kao bơh kan khân păng ƀư.”

Yêrêmi 23:24

Brah Yêhôva lah: “Mbu dơi nde krap păng nơm tâm ntŭk ndâp gay Gâp mâu dơi saơ lĕ?” Brah Yêhôva lah đŏng: “Mâu di hĕ Gâp mpơl ăp ntŭk, ăp lĕ ndâr trôk jêh ri neh ntu hĕ?

Mathay 10:42

Mbu nơm ăn ma du huê tâm phung jê̆ aơ nhêt du kachok dak me, yorlah bunuyh nây jêng oh mon Gâp; nanê̆ Gâp lah ma khân may, bunuyh nây mâu mra roh nau nkhôm ma păng ôh.”

Mathay 6:18

gay ma bunuyh mâu gĭt ôh may dôl ât sông sa, ƀiălah knŏng Mbơ̆ may, jêng Nơm gŭ tâm ntŭk ndâp dơm gĭt, jêh ri Mbơ̆ may, Nơm saơ tâm ntŭk ndâp mra ăn nau nkhôm ma may.”

Mathay 6:3

Ƀiălah tơlah may ƀư kan nau ăn ndơ yô̆, lơi ăn ti chiau gĭt moh nau ti ma ƀư

Mathay 6:6

Ƀiălah tơlah may mbơh sơm, lăp hom tâm jrô may, nchăng hom mpông, jêh nây mbơh sơm ma Mbơ̆ may, Nơm gŭ tâm ntŭk ndâp; jêh ri Mbơ̆ may, Nơm saơ tâm ntŭk ndâp, mra ăn nau nkhôm ma may.

Luka 14:14

ri mơ may mra geh nau ueh maak, yorlah khân păng mâu dơi ôh mplơ̆ sĭt nau yô̆ ma may; tât nar bunuyh sŏng srăng dâk rêh tay, mra mplơ̆ sĭt nau yô̆ ma may.”

Luka 8:17

Yorlah mâu geh ôh moh ndơ pôn mo mra bu mâu dơi saơ, mâu geh ôh moh ndơ mâu ăn gĭt mra bu gĭt lĕ rngôch jêh ri mpơl tâm nau ang.

I Kôrintô 4:5

Pôri, lơi dĭng phat dôih gơnh ir, gŭ kâp hom Kôranh Brah plơ̆ văch; Păng mra mpơl ta ntŭk ang lĕ rngôch moh nau pôn jêh tâm ntŭk ngo, jêh ri mpơl lĕ nau ŭch tâm nuih n'hâm. Nôk nây, ăp nơm mra dơn nau tâm rnê tă bơh Brah Ndu.

ហេឞ្រើ 4:13

Mâu geh du ntil ndơ rhăk njêng jêh dơi gŭ ndâp tanăp măt Kôranh Brah, ƀiălah lĕ rngôch ndơ gŭ săk hưl da dê jêh ri tâm mpơl jêh tra năp măt Nơm he mra mbơh nkoch rah vah.

Yuđas 1:24

Mbơh sơm dăn Nơm geh nau brah djôt prăp khân may bơh nau chêh prah jêh ri ƀư ma khân may dâk tanăp nau chrêk rmah Păng mâu geh têl khap, jêh ri tâm nau răm maak,

Nau Tâm Mpơl 2:23

Gâp mra nkhĭt phung kon păng. Nôk nây, lĕ rngôch Phung Ngih Brah Ndu mra gĭt năl Gâp jêng Nơm sek uănh nuih n'hâm kon bunuyh; Gâp mra mplơ̆ sĭt ma ăp nơm tâm khân may tĭng nâm lĕ kan khân may.

I Samuel 2:30

Yor ri, Yêhôva Brah Ndu Israel lah: ‘Gâp hŏ tă lah jêh pô aơ ngih may jêh ri ngih mbơ̆ may mra n'ho ro pah kan tanăp măt Gâp.’ Ƀiălah aƀaơ Brah Yêhôva lah, nau nây mâu hôm geh tâm ban pônây ôh! Yorlah mbu nơm yơk ma Gâp, Gâp mra yơk ma păng, bi mbu tâm rmot ma Gâp, Gâp mra tâm rmot ma păng.