Mathay 6:31 - Nau Brah Ndu Ngơi 2023

³¹ Yor ri, lơi khân may rvê ir ôh jêh ri ôp êng: ‘Moh ndơ hên mra sông sa?’ ‘Moh ndơ nhêt?’ ‘Moh ndơ nsoh?’

Bunong Bible Latin Script Cambodian dialect

³¹ Lah ndri khân ay may lơi rvê ôh ma ndơ sông sa, ma ndơ nhêt, mâu lah ma ndơ nsoh n'gut.

Bunong

³¹ លាស​នទ្រី​ខាន់​អៃ​មៃ​លើយ​រាវៃ​អោស​មា​នទើ​ឆោង​ឆា មា​នទើ​ញេត មោ​លាស​មា​នទើ​ញឆ៝ស​ងគូត។

Mathay 6:31 Iomraidhean Croise

II Nau Rêh Jêng 25:9

Y-Amasia lah ma bunuyh Brah Ndu: “Mâm gâp mra ƀư ma pe rbăn kilô prăk gâp hŏ ăn jêh ma phung tahan Israel?” Bunuyh Brah Ndu plơ̆ lah: “Brah Yêhôva ăn ma may âk rmeh lơn ma rnoh nây.”

Nau Mprơ Ơm 111:5

Păng ăn ndơ sông sa ma phung klach yơk Păng, Jêh ri kah gĭt nau Păng tâm rnglăp mro mrăng.

Nau Mprơ Ơm 37:3

Rnơm nsing hom ma Brah Yêhôva jêh ri ƀư nau ueh, Gŭ hom tâm n'gor jêh ri siăm păng nơm ma nau răp jăp Păng.

Nau Mprơ Ơm 55:22

Jao hom nau may anh jâk ma Brah Yêhôva, Păng mra kơl rdâng may; Păng mâu mra ăn phung sŏng srăng geh nau mpât n'gơ.

Mathay 15:33

Phung oh mon lah: “Tâm nklang ntŭk bri rdah aơ, mâm he dơi geh tŏng piăng let ma phung bunuyh âk râk aơ sa?”

Mathay 4:4

Brah Yêsu plơ̆ lah: “Geh nau nchih pô aơ: ‘Bunuyh gŭ rêh mâu di ôh knŏng bơh piăng let dơm, ƀiălah ăt geh đŏng bơh lĕ nau ngơi luh bơh bâr mbung Brah Ndu.’ ”

Mathay 6:25

Yor ri, Gâp lah ma khân may: Lơi yor ma nau rêh rvê ir moh ndơ mra sông sa, mâu lah nhêt; lơi yor ma săk jăn rvê ir moh ndơ khân may mra nsoh n'gut. Di lĕ nau rêh khlay lơn ma ndơ sông sa, săk jăn khlay lơn ma bok ao?

Mathay 6:27

Rlau lơn ma nĕ, mbu nơm tâm phung khân may yor rvê ƀư ma nau rêh păng nơm jong ntop du ƀât lât mâu lah mâu?

Luka 10:41

Kôranh Brah plơ̆ lah: “Hơi H'Mathê, H'Mathê, kon rvê ir jêh ri jêng rŭng răng âk nau;

Luka 12:11

“Tơlah bu njŭn leo khân may tanăp ngih rƀŭn, tanăp phung kôranh mât uănh jêh ri phung kôranh chiă uănh, lơi ta rvê moh nau khân may mra lah mâu lah lĕ nau khân may lah gay n'gang ma khân may nơm,

Luka 12:22

Brah Yêsu lah ma phung oh mon: “Yor ri, Gâp lah ma khân may, lơi yor nau rêh rvê ma ndơ sông sa, mâu đŏng yor săk jăn rvê ma ndơ nsoh.

Luka 12:29

Kơt nây, khân may lơi joi ndơ sông sa, ndơ nhêt, lơi đŏng rvê rlau ir.

Philip 4:6

Lơi ta rngot rvê ma du ntil ndơ ôh, ƀiălah tâm lĕ ntil ndơ dŏng hom nau mbơh sơm, nau vơh dăn jêh ri nau lah ueh gay tâm mpơl lĕ nau khân may ŭch dăn ma Brah Ndu.

I Pêtrôs 5:7

Jao hom lĕ nau rngot klâng khân may nơm ma Păng, yorlah Păng mât mray khân may ƀaƀơ.