Mathay 6:25 - Nau Brah Ndu Ngơi 2023

²⁵ Yor ri, Gâp lah ma khân may: Lơi yor ma nau rêh rvê ir moh ndơ mra sông sa, mâu lah nhêt; lơi yor ma săk jăn rvê ir moh ndơ khân may mra nsoh n'gut. Di lĕ nau rêh khlay lơn ma ndơ sông sa, săk jăn khlay lơn ma bok ao?

Bunong Bible Latin Script Cambodian dialect

²⁵ Kơt ndri dâng Gâp mbơh khân ay may, lơi rvê ôh ma ndơ sông sa ma ndơ nhêt ma siăm nau rêh, mâu lah bok ao ma nsoh n'gut săk jăn khân ay may. Geh ndơ êng jât ta nau rêh i geh nau khlay rlau ma ndơ sông sa, geh ndơ êng jât ma bunuyh i geh nau khlay rlau ma bok ao ma nsoh.

Bunong

²⁵ កើត​នទ្រី​ទឹង​គ៝ប់​មឞើស​ខាន់​អៃ​មៃ លើយ​រាវៃ​អោស​មា​នទើ​ឆោង​ឆា​មា​នទើ​ញេត​មា​ឆ្យាម់​នាវ​រេស មោ​លាស​ឞ៝ក​អាវ​មា​ញឆ៝ស​ងគូត​ឆាក់​ជាន់​ខាន់​អៃ​មៃ។ គែស​នទើ​អេង​ជឹត​តា​នាវ​រេស​អី​គែស​នាវ​ខ្លៃ​រាលាវ​មា​នទើ​ឆោង​ឆា គែស​នទើ​អេង​ជឹត​មា​ឞូនុយ្ស​អី​គែស​នាវ​ខ្លៃ​រាលាវ​មា​ឞ៝ក​អាវ​មា​ញឆ៝ស។

Mathay 6:25 Iomraidhean Croise

Nau Mprơ Ơm 55:22

Jao hom nau may anh jâk ma Brah Yêhôva, Păng mra kơl rdâng may; Păng mâu mra ăn phung sŏng srăng geh nau mpât n'gơ.

Yêrêmi 45:5

Bi may, may joi ăn nau toyh ma may nơm lĕ? Lơi ta joi đŏng ôh, yor nau aơ, Gâp dăch ăn tât nau mhĭk ma lĕ rngôch bunuyh: Ƀiălah bi ma may, nđâp lah moh ntŭk tât may hăn, Gâp mra ăn nau rêh may dơi geh đăp mpăn.’” Brah Yêhôva lah pônây.

Mathay 10:19

Ƀiălah tơlah nhŭp njŭn khân may, lơi rvê ôh khân may mra ngơi mâm nau, mâu lah moh nau mra lah; tâm mông nây, lĕ nau khân may ngơi mra mpơl ma khân may.

Mathay 13:22

Grăp ntil tŭp ta nklang pŭm lok jêng nơm tăng nau ngơi ƀiălah nau rvê ma rnôk aơ, nau kơnh ma nau ndrŏng ƀư ma nau ngơi in nu jêh ri mâu dơi geh play ôh.

Mathay 6:31

Yor ri, lơi khân may rvê ir ôh jêh ri ôp êng: ‘Moh ndơ hên mra sông sa?’ ‘Moh ndơ nhêt?’ ‘Moh ndơ nsoh?’

Mathay 6:34

Pôri, lơi rvê ôh ma nar ôi taơ, yorlah nar ôi taơ mra rvê nar ôi taơ. Ăp nar mra geh nau jêr tâm ăp nar.”

Markôs 13:11

Tơlah bu jao khân may ma nau phat dôih, lơi rvê lor ma nau khân may mra ngơi, ƀiălah ta mông nây, ngơi hom tĭng nau ngơi mra ăn ma khân may; yorlah mâu di khân may mra ngơi ôh, ƀiălah Brah Huêng Ueh yơh.

Markôs 4:19

ƀiălah mĭn rvê ma nau rêh rnôk aơ, kơnh tâm nau ndrŏng, jêh ri kơnh drăp ndơ êng êng pit in nuih n'hâm khân păng, ƀư nu nau ngơi, mâu dơi geh play ôh.

Luka 12:11

“Tơlah bu njŭn leo khân may tanăp ngih rƀŭn, tanăp phung kôranh mât uănh jêh ri phung kôranh chiă uănh, lơi ta rvê moh nau khân may mra lah mâu lah lĕ nau khân may lah gay n'gang ma khân may nơm,

Luka 8:14

Lĕ grăp tŭp ta nklang pŭm lok jêng phung iăt, ƀiălah geh nau rvê, nau ndrŏng, nau maak bơh nau rêh aơ ƀư in nu rĭ dĭng mâu dơi văch ma toyh.

Samƀŭt Pôl Njuăl Ăn Ma Phung Nsing Ta Ƀon Rôm 8:32

Brah Ndu mâu nhhuach Kon Păng nơm, ƀiălah Păng jao jêh Kon nây ma lĕ rngôch he, mâm ƀư Păng mâu ăn lĕ ntil ndơ ndrel Kon nây ma he?

I Kôrintô 7:32

Gâp ŭch khân may mâu mĭn rvê. Bunuyh mâu sŏk ur, păng rvê nau kan ma Kôranh Brah, joi nau ƀư maak nuih n'hâm ma Kôranh Brah.

Philip 4:6

Lơi ta rngot rvê ma du ntil ndơ ôh, ƀiălah tâm lĕ ntil ndơ dŏng hom nau mbơh sơm, nau vơh dăn jêh ri nau lah ueh gay tâm mpơl lĕ nau khân may ŭch dăn ma Brah Ndu.

II Timôthê 2:4

Mâu geh ôh du huê tahan dôl ƀư nau kan ƀiălah hôm văk nau kan tâm nau rêh aơ, yorlah ntŭk ntrâng păng jêng ƀư maak nuih n'hâm ma nơm sŏk dŏng păng nơm.

I Pêtrôs 5:7

Jao hom lĕ nau rngot klâng khân may nơm ma Păng, yorlah Păng mât mray khân may ƀaƀơ.