Mathay 6:24 - Nau Brah Ndu Ngơi 2023

²⁴ “Mâu geh mbu nơm dơi pah kan ma bar hê kôranh; yorlah mra tâm rmot ma kôranh aơ jêh ri rŏng ma kôranh ri, mâu lah yơk ma kôranh aơ jêh ri mưch ma kôranh êng. Khân may mâu dơi ôh pah kan ƀă ma Brah Ndu jêh ri pah kan ƀă ma prăk ndô ndơ ôh.

Bunong Bible Latin Script Cambodian dialect

²⁴ “Mâu geh ôh du huê bunuyh blao jan kar ăn ma bar hê kôranh, yorlah păng mra rŏng ma du huê kôranh, jêh ri biănh ma du huê kôranh, mâu lah tâng jât du huê, mưch i du huê ri. Kơt ndri khân ay may mâu dơi ôh gay geh nau rêh n'ho ro ta Kôranh Brah, gay geh nđâp ma drăp ndơ ta neh ntu đŏng.

Bunong

²⁴ “មោ​គែស​អោស​ទូ​ហ្វេ​ឞូនុយ្ស​ឞ្លាវ​ជាន​ការ​អ៝ន់​មា​ឞារ​ហៃ​កោរាញ យ៝រ​លាស​ពាង់​មរា​រ៝ង់​មា​ទូ​ហ្វេ​កោរាញ ជេសរី​ឞ្យាញ់​មា​ទូ​ហ្វេ​កោរាញ មោ​លាស​តឹង​ជឹត​ទូ​ហ្វេ មឺច​អី​ទូ​ហ្វេ​រី។ កើត​នទ្រី​ខាន់​អៃ​មៃ​មោ​ទើយ​អោស​គៃ​គែស​នាវ​រេស​នហ៝​រ៝​តា​កោរាញ​ឞ្រាស គៃ​គែស​នអ៝ប់​មា​ទ្រាប់​នទើ​តា​នែស​នតូ​ដ៝ង់។

Mathay 6:24 Iomraidhean Croise

Nau Ntơm 47:17

Phung ƀon lan njŭn mpô mpa ma Y-Yôsep. Y-Yôsep rgâl ndơ sông sa ma seh, ma biăp, ma ndrôk, jêh ri ma seh bri. Năm nây, păng ăn ndơ sông sa ma khân păng jêh ri rgâl ma lĕ rngôch phung mpô mpa khân păng.

I Phung Hađăch 18:21

Y-Êli văch tât lor panăp phung ƀon lan jêh ri lah: “Khân may tâm nchrĭng hăn bar mbor kŏ tât ndah jŏ? Tơlah Brah Yêhôva jêng Brah Ndu, tĭng ndô̆ hom Păng; bi tơlah Baal jêng Brah Ndu, tĭng ndô̆ hom păng rĭ.” Ƀiălah phung ƀon lan mâu ngơi.

II Phung Hađăch 17:41

Pônây, phung ntil mpôl bunuyh aơ klach yơk ma Brah Yêhôva, jêh ri tâm ban lĕ khân păng yơk mbah ma lĕ rup brah khân păng trah jêh. Mâm nau phung chô yau khân păng ƀư, pôri phung kon sau khân păng ăt ƀư tâm ban pônây lĕ tât ma nar aơ.

Êsêkiêl 20:39

Hơi ngih Israel, bi ma khân may Kôranh Brah Yêhôva lah: ‘Hăn hom, ăp nơm tâm phung khân may hăn mbah ma rup brah khân may nơm! Ƀiălah jêh nau nây, n'hêl nanê̆ khân may mra iăt nau Gâp jêh ri mâu mra ƀư ƀơ̆ amoh Gâp đŏng ôh, ma yor ndơ khân may ƀư brah jêh ri ma rup brah khân may.’

Sôphôni 1:5

Gâp mra nkhĭt lĕ phung chon mbah ta klơ chor ngih Jêh ri yơk mbah ma tahan tâm trôk, Phung yơk mbah jêh ri sơm ton đah Brah Yêhôva, Jêh nây sơm ton đŏng yor tă hađăch khân păng,

Mathay 4:10

Brah Yêsu lah ma păng: “Hơi Satan, rŭch plơ̆ hom! Yorlah geh nau nchih jêh pô aơ: ‘Ăn may yơk mbah ma Kôranh Brah jêng Brah Ndu may, jêh ri knŏng pah kan knŏng du huê Păng dơm yơh.’ ”

Luka 16:11

Pôri tơlah khân may mâu răp jăp ma drăp ndơ mâu sŏng, mbu mra djôt drăp ndơ ngăn jao ma khân may?

Luka 16:13

Mâu geh du huê oh mon dơi pah kan ma bar hê kôranh, yorlah mra tâm rmot ma kôranh aơ, jêh ri rŏng ma kôranh ri, mâu lah yơk ma kôranh aơ jêh ri mưch ma kôranh êng. Khân may mâu dơi ôh pah kan ma Brah Ndu, nđâp pah kan ma prăk ndô ndơ ôh.”

Luka 16:9

Jêh ri Gâp lah ma khân may: Ăn dŏng prăk ndơ mâu sŏng gay ƀư mĭt jiăng, gay ma tât prăk ndơ nây lĕ jêh, khân păng mra rom khân may lăp tâm ngih n'ho ro.

Galati 1:10

Bi aƀaơ aơ, gâp ŭch sŏk nuih n'hâm kon bunuyh mâu lah Brah Ndu? Di lĕ gâp ŭch ƀư maak nuih n'hâm ma bunuyh? Tơlah gâp ăt srôih ƀư maak nuih n'hâm ma kon bunuyh, gâp mâu di jêng oh mon ma Brah Krist ôh.

I Timôthê 6:17

Nti nkah hom ma phung ndrŏng gŭ tâm neh ntu aơ lơi sưr rlau jêh ri lơi dơm nau kâp gân ma drăp ndơ mâu nanê̆, ƀiălah dơm hom nau kâp gân tâm Brah Ndu, jêng Nơm ăp nar ăn ma lĕ rngôch ndô ndơ tâm nau rmeh ler gay ma he maak sŏk dơn.

II Timôthê 4:10

Yorlah Y-Đêmas, yor păng rŏng ma rnôk aơ, chalơi jêh gâp jêh ri hăn ta ƀon Têsalônik; Y-Kresen hăn ta ƀon Galati, bi Y-Tit hăn ta n'gor Đalmati jêh.

Yakơ 4:4

Nĕ lĕ bunuyh văng tĭr ri! Khân may mâu gĭt hĕ ƀư băl đah neh ntu jêng tâm rlăng đah Brah Ndu? Yor nây, mbu nơm ŭch ƀư băl đah neh ntu, bunuyh nây jêng nơm rlăng đah Brah Ndu.

Yôsuê 24:15

Tơlah khân may mâu ŭch pah kan ma Brah Yêhôva ôh, nar aơ săch hom ma mbu nơm khân may ŭch pah kan, mâu lah phung brah phung chô yau khân may hŏ pah kan jêh ta kơh đah ri dak krong, mâu lah brah phung Amôrit tâm bri khân may gŭ. Ƀiălah gâp jêh ri phung tâm ngih gâp mra pah kan ma Brah Yêhôva.”

I Samuel 7:3

Nôk nây, Y-Samuel lah ma lĕ rngôch ngih Israel: “Tơlah khân may plơ̆ sĭt tay ma Brah Yêhôva ma lĕ nuih n'hâm khân may, mƀăr lơi phung brah mâu năl jêh ri rup brah bu ur Astarôt tă bơh khân may. Mƀŏng hom nuih n'hâm khân may ma Brah Yêhôva jêh ri knŏng pah kan du huê Păng dơm, ri mơ Păng mra tâm rklaih khân may tă bơh ti phung Philistin.”