Mathay 6:16 - Nau Brah Ndu Ngơi 2023

¹⁶ Tơlah khân may ât sông sa, lơi ƀư ôh muh măt rngot nâm bu phung bunuyh geh nuih n'hâm nklă, yorlah khân păng jan ƀư muh măt rngot gay lĕ rngôch bunuyh gĭt ma khân păng ât sông sa. Nanê̆, Gâp lah ma khân may, phung nây hŏ dơn jêh nau nkhôm ma khân păng.

Bunong Bible Latin Script Cambodian dialect

¹⁶ “Nôk khân ay may ăt sông gay ma mbơh sơm, lơi ôh jan muh măt rngot tâm ban ma phung i nhhơ nau ueh ăn bu say ta kalơ ntô dơm. Khân păng jan kơt nây, gay ma ăn bu gĭt lah khân păng ăt sông. Gâp lah n'hêl nanê̆ ngăn ma khân ay may, phung i nây lĕ geh jêh ndơ nkhôm ma khân păng.

Bunong

¹⁶ “នោក​ខាន់​អៃ​មៃ​អ៝ត់​ឆោង​គៃ​មា​មឞើស​ឆើម លើយ​អោស​ជាន​មុស​មាត់​រាង៝ត​តឹម​ឞាន​មា​ផូង​អី​ញហើ​នាវ​អ្វែស​អ៝ន់​ឞូ​ឆៃ​តា​កាលើ​នតោ​ទើម។ ខាន់​ពាង់​ជាន​កើត​នៃ គៃ​មា​អ៝ន់​ឞូ​គឹត​លាស​ខាន់​ពាង់​អ៝ត់​ឆោង។ គ៝ប់​លាស​នហេល​នានេៈ​ងាន់​មា​ខាន់​អៃ​មៃ ផូង​អី​នៃ​លែៈ​គែស​ជេស​នទើ​ងខោម​មា​ខាន់​ពាង់។

Mathay 6:16 Iomraidhean Croise

II Samuel 12:16

Yor ma kon Y-Đavit mbơh sơm ma Brah Ndu, hađăch ver ât sông sa jêh ri lăp tâm jrô kuen ta neh du năng kŏ ang.

II Samuel 12:21

Phung oh mon păng ôp ma păng: “Moh nau bu ntĭt hađăch ƀư nau nây? Nôk kon se jê̆ hôm rêh, hađăch ver ât sông sa jêh ri nhĭm yorlah păng; ƀiălah dôl păng lĕ khĭt, hađăch dâk jêh ri sông sa nhêt!”

I Phung Hađăch 21:27

Tơlah Y-Ahap tăng lĕ nau nây, păng nkhêk bok ao, nsoh ao nsrôt ƀau, ver ât sông sa, bê̆ch tâm ƀau, jêh ri mbơh nau n'hôi săk păng nơm deh rhêt.

Nêhêmi 1:4

Nôk gâp tăng lĕ nau nây, gâp gŭ nhĭm nhhiăng, rngot rvê jŏ nar; gâp ât sông sa jêh ri mbơh sơm ma Brah Ndu klơ lĕ ndâr trôk dŭt prêh pô aơ:

Êsther 4:16

“Kuăl rgum hom lĕ rngôch phung Yuđa gŭ ta ƀon Susa, jêh ri yor ma gâp tâm ban lĕ, ât sông sa pe măng pe nar, mâu dơi sông sa mâu lah dơi nhêt. Gâp jêh ri phung oh mon bu ur gâp mra ver ât sông sa đŏng. Jêh nau nây, gâp mra lăp tanăp hađăch jêng nau mâu di nau vay; ƀiălah tơlah gâp khĭt ăn gâp khĭt yơh.”

Nau Mprơ Ơm 109:24

Kômâk gâp râm nsâr yor ver ât sông sa, Săk jăn gâp rgay grol, mâu geh dăng.

Nau Mprơ Ơm 35:13

Tơlah khân păng ji kuet, Gâp nsoh ao ƀau, Ver sông sa, nchâp ma huêng gâp. Nau gâp mbơh sơm plơ̆ sĭt ta ntang ntơh gâp.

Nau Mprơ Ơm 69:10

Tơlah gâp nhĭm nhhiăng jêh ri ver sa gay ma nchâp huêng Pôri khân păng bêk prêng ma gâp.

Daniel 9:3

Gâp rle muh măt ma Kôranh Brah jêng Brah Ndu ŭch tĭng joi, mbơh sơm, vơl dăn ma nau ât sông sa, put bok ƀau jêh ri srih buh klơ bôk.

Malachi 3:14

Khân may hŏ lah: “Mâu khlay ôh pah kan ma Brah Ndu! Moh ndơ khlay ma hên, lah hên tông nau Păng ntăm, mâu lah chuat hăn ma nau rngot klâng tanăp măt Brah Yêhôva ma phung tahan?

Mathay 6:1

“Njrăng hom, lơi ntưih ôh nau ăn ndơ yô̆ tra năp lĕ rngôch bunuyh. Tơlah khân may ƀư pôri, khân may mâu geh ôh nau nkhôm tă bơh Mbơ̆ khân may gŭ ta klơ trôk.

Mathay 6:2

Pôri, tơlah may ƀư kan nau ăn ndơ yô̆, lơi uh nŭng tra năp may ôh nâm bu phung bunuyh nuih n'hâm nklă ƀư tâm ngih rƀŭn jêh ri rŏ trong sâng gay ma bu rnê. Nanê̆, Gâp lah ma khân may, phung nây hŏ dơn jêh nau nkhôm ma khân păng.

Mathay 6:5

Tơlah khân may mbơh sơm, lơi jêng ôh nâm bu phung bunuyh nuih n'hâm nklă; yorlah khân păng ŭch dâk mbơh sơm tâm ngih rƀŭn jêh ri ta meng trong gay ma bu saơ. Nanê̆, Gâp lah ma khân may, phung nây khân păng hŏ dơn jêh nau nkhôm ma khân păng.

Markôs 2:18

Nôk nây phung oh mon Y-Yôhan jêh ri phung Pharisi ât sông sa da dê, geh du huê văch ngơi ma Brah Yêsu pô aơ: “Mâm ƀư phung oh mon Y-Yôhan jêh ri phung Pharisi ât sông sa da dê, ƀiălah phung oh mon May mâu ât sông sa ôh?”

Luka 18:12

Gâp ât sông sa bar tơ̆ tâm du pơh, jêh ri chê̆ du kô̆ tâm jât lĕ ndơ gâp geh.’

Luka 2:37

jêh nây păng gŭ ndrô, tât aƀaơ păng geh pham jât ma puăn năm. Păng mâu mâp du tă bơh ngih brah, ăt măng nâm nar pah kan ma Brah Ndu, ât sông sa jêh ri mbơh sơm.

Kôranh Oh Mon 10:30

Y-Kôrnei plơ̆ lah: “Puăn nar pa năp aơ dơh, klăp lah mông aơ, jêng pe mông mhaơ, dôl gâp mbơh sơm tâm ngih gâp, ƀât lât geh du huê bunuyh nsoh ao rmah ƀlĭp tâm mpơl tanăp gâp

Kôranh Oh Mon 14:23

Jêh khân păng săch phung kôranh bu ranh tâm ăp Phung Ngih Brah Ndu, bar hê kôranh oh mon mbơh sơm, ât sông sa, jêh ri jao phung nây ma Kôranh Brah jêng Nơm khân păng rnơm nsing.

I Kôrintô 7:5

Lơi tâm dun ndrăng khân ay may ôh, knŏng tơlah lĕ bar ding du ai ƀât lât, prăp êng mông nar ma nau mbơh sơm, ƀiălah pakơi nây plơ̆ gŭ ndrel, klach lah Satan ndơm khân ay may tâm nôk khân ay may mâu dơi ât.

II Kôrintô 11:27

dơn nau hŏt rgănh, âk tơ̆ gâp rngeh măng, ji ngot, ji hir, âk tơ̆ ât sông sa, ji kăt ji go, gŭ săk hưl.

II Kôrintô 6:5

bu dong, bu krŭng, uh ah, pah kan hŏt rgănh, mâu geh bê̆ch, ver sông sa;