Mathay 6:13 - Nau Brah Ndu Ngơi 2023

¹³ Lơi ta njŭn leo hên tâm nau ndơm ôh, Ƀiălah ăn May rklaih hên bơh nơm tih mhĭk! [Yor ma ƀon bri hađăch, nau brah, nau chrêk rmah jêng ndơ mbơ̆ n'ho ro. Amen.]’

Bunong Bible Latin Script Cambodian dialect

¹³ Kơl hên lơi ôh jan tih, nôk hên geh nau ndơm. Dăn rklaih hên bơh nau djơh mhĭk. [May jêng kađăch, May geh nau brah, ndrel ma geh nau chrêk lơp ƀaƀơ n'ho ro. Ơ ăn geh kơt nđa ngăn ro.]’

Bunong

¹³ កើល​ហេន​លើយ​អោស​ជាន​តីស នោក​ហេន​គែស​នាវ​នទើម។ ទាន់​រាក្លាយ្ស​ហេន​ឞើស​នាវ​អ្យើស​មហឹក។ [មៃ​ជេង​កាដាច់ មៃ​គែស​នាវ​ឞ្រាស នទ្រែល​មា​គែស​នាវ​ច្រេក​លើប​បាបើ​នហ៝​រ៝។ អើ​អ៝ន់​គែស​កើត​នអា​ងាន់​រ៝។]»

Mathay 6:13 Iomraidhean Croise

Nau Ntơm 22:1

Jêh lĕ nau nây, Brah Ndu rlong uănh Y-Abraham. Brah Ndu kuăl păng: “Hơi Y-Abraham!” Păng ơh: “Gâp ta aơ.”

I Phung Hađăch 1:36

Y-Bênaya, kon bu klâu Y-Jêhôida plơ̆ sĭt lah ma hađăch: “Amen! Dăn ma Yêhôva Brah Ndu hađăch jêng kôranh gâp ŭch lah tâm ban pônây đŏng.

I Nau Rêh Jêng 16:36

Tâm rnê ngăn ma Brah Yêhôva, Brah Ndu Israel, Ntơm bơh rnôk n'ho ro tât ma rnôk n'ho ro!” Lĕ rngôch phung ƀon lan plơ̆ lah ma du bâr: “Amen!” Jêh ri mât ton ma Brah Yêhôva.

I Nau Rêh Jêng 29:11

Hơi Brah Yêhôva! May toyh ngăn, nau brah ngăn, nau chrêk rmah, nau dơi, jêh ri nau hit rnam khư ma May; yorlah lĕ rngôch ndơ klơ lĕ ndâr trôk jêh ri tâm neh ntu jêng ndơ May da dê. Hơi Brah Yêhôva! Ƀon bri hađăch jêng ndơ May; hên yơk ma May jêng Kôranh Brah ta klơ lĕ rngôch.

I Nau Rêh Jêng 4:10

Y-Jabes kuăl mbơh sơm ma Brah Ndu Israel, lah pô aơ: “Ơ, dăn Kôranh Brah ăn nau ueh uĭn lăng âk ngăn ma kon, pơk an huy n'har bri gâp. Dăn ti Kôranh Brah sâm kơl gâp, king gâp bơh lĕ rngôch nau mhĭk, gay ma gâp klaih bơh nau rêh ni!” Brah Ndu ăn ma păng di ngăn nau păng mbơh sơm dăn jêh.

Nau Mprơ Ơm 10:16

Brah Yêhôva ƀư hađăch tât ƀaƀơ n'ho ro; Lĕ bri dak bu mra ƀư rai tă bơh neh Păng.

Nau Mprơ Ơm 106:48

Khư mprơ tâm rnê Yêhôva Brah phung Israel, Bơh rnôk n'ho ro saơm tât rnôk n'ho ro nglĕ dŭt! Ăn lĕ rngôch phung ƀon lan lah May lah da dê: “Amen!” Halêluya!

Nau Mprơ Ơm 22:28

Yorlah ƀon bri hađăch jêng ndơ Brah Yêhôva, Păng chiă uănh phung mpôl băl bunuyh.

Nau Mprơ Ơm 41:13

Mât ton ma Brah Yêhôva Brah Ndu phung Israel, Ntơm bơh rnôk n'ho ro tât rnôk n'ho ro Amen! Amen!

Nau Mprơ Ơm 47:2

Yorlah Brah Yêhôva Dŭt Prêh jêng khư bu klach yơk, Păng jêng Hađăch dŭt toyh ta klơ neh ntu.

Nau Mprơ Ơm 47:7

Yorlah Brah Ndu jêng Hađăch ma lĕ rngôch neh ntu; Mprơ tâm rnê hom nau mprơ Păng.

Nau Mprơ Ơm 72:19

Khư mprơ tâm rnê amoh chrêk rmah Păng tât n'ho ro! Ăn lam neh ntu dơi bêng ma nau chrêk rmah Păng! Amen! Amen!

Nau Mprơ Ơm 89:52

Khư mât ton tâm rnê Brah Yêhôva n'ho ro! Amen! Amen!

Nau Ngluh Êjipt 15:18

Brah Yêhôva mra chiă uănh n'ho ro, mro mrăng.”

Nau Hôr 30:8

Dăn ăn nau mhĭk jêh ri nau mƀruh du ngai đah gâp; Lơi ăn gâp o ach mâu lah kuăng ndrŏng, Dăn ăn gâp ndơ sông sa tŏng ma dŏng;

Yêrêmi 15:21

“Gâp mra rklaih may bơh ti phung ƀai, Jêh ri sâm chuai may bơh phung kôranh djơh mhĭk.”

Yêrêmi 28:6

Nơm mbơh lor Y-Yêrêmi, lah: “Amen! Dăn Brah Yêhôva ƀư nâm bu pônây! Dăn Brah Yêhôva ăn tât ngăn nau may hŏ mbơh lor jêh, jêh ri djôt lĕ ndơ dŏng tâm ngih Yêhôva ndrel ma lĕ rngôch phung bu nă plơ̆ sĭt ta ntŭk aơ tă bơh bri Babilôn!

Daniel 4:25

Bu mra nsot may tă bơh kon bunuyh jêh ri may mra gŭ ndrel mpô mpa bri tâm ndrêch. Bu mra ăn may sa gơ̆ nâm bu ndrôk jêh ri mra bĕ ma dak ngom bơh trôk; pơh gưl yan mra rgăn ta hađăch kŏ tât hađăch gĭt pô aơ Nơm Dŭt Prêh chiă uănh ƀon bri hađăch kon bunuyh jêh ri Păng ăn ma mbu nơm tĭng nau mĭn Păng ŭch.

Daniel 7:18

Ƀiălah phung kloh ueh Nơm Dŭt Prêh mra sŏk dơn ƀon bri hađăch jêh ri chiă uănh ƀon bri hađăch nây n'ho ro kŏ tât n'ho ro mâu blau lôch ôh.’

Nau Kơp Bunuyh 5:22

Dăn dak tăng nau rak rtăp aơ lăp tâm proch klơm ay ƀư ma ndŭl ay pŭk môr jêh ri glet nglu.” Bu ur nây mra lah pô aơ: “Amen. Amen!”

Mathay 26:41

Rngeh njrăng hom jêh ri mbơh sơm gay ma khân may mâu tŭp tâm nau ndơm. Huêng ŭch ngăn, ƀiălah nglay săk rdja.”

Mathay 28:20

jêh ri ntĭm nti ăn khân păng djôt prăp lĕ nau Gâp ntăm jêh ma khân may. Jêh ri aơ, Gâp hôm gŭ ndrel ma khân may ƀaƀơ kŏ tât nar lôch.”

Mathay 5:37

Ƀiălah ăn may ngơi: ‘Di, di’ mâu lah ‘Mâu, mâu’ jêng tŏng. Jêh bi nau ntop moh nau jêng luh tă bơh brah mhĭk.

Mathay 6:10

Ăn ƀon bri hađăch Mbơ̆ gơnh tât, Ăn nau May ŭch mra jêng, ta neh ntu tâm ban ma ta klơ trôk!

Yôhan 17:15

Kon mâu dăn ma Mbơ̆ sŏk khân păng luh bơh neh ntu ôh, ƀiălah dăn Mbơ̆ mât mray khân păng bơh nau mhĭk.

I Kôrintô 10:13

Lĕ nau rlong uănh tât ma khân may, mâu geh du ntil nau rlau ir nau dăng kon bunuyh. Brah Ndu jêng Nơm răp jăp, Păng mâu ăn ma khân may geh nau rlong uănh rlau ir ma n'hâm ktang khân may ôh! Ƀiălah tâm nau rlong uănh, Păng mra pơk trong ma khân may luh, gay ma khân may dơi dơn.

I Kôrintô 14:16

Mâu lah, tơlah may tâm rnê ma huêng mâm ƀư phung bunuyh vay gŭ iăt dơi ngơi: “Amen” ma nau may lah ueh, tơlah khân păng mâu gĭt rbăng nau may ngơi?

II Kôrintô 1:20

Yorlah tâm Păng, lĕ rngôch nau Brah Ndu ton jêng “Geh” da dê. Yor nây, tă bơh Păng đŏng, he lah: “Amen” da dê gay tâm rnê Brah Ndu.

Galati 1:4

Brah Yêsu Krist hŏ sân săk Păng nơm yor nau tih he gay ma tâm rklaih he bơh rnôk rô̆ djơh mhĭk aơ, tĭng di nâm nau mĭn Brah Ndu ŭch, Mbơ̆ he.

Nau Vay Nkah Tay 8:16

Tâm bri rdah Păng ăn ma khân may sa mana, ndơ sa phung chô yau khân may ê hŏ tă gĭt ôh, gay ma khân may dơn nau rêh ni ji ngot jêh ri nau rlong uănh, gay nglĕ dŭt ăn ma nau ueh uĭn ma khân may.

Nau Vay Nkah Tay 8:2

Ăn khân may kah gĭt tay tâm du njăr trong tâm bri rdah Yêhôva Brah Ndu hŏ njŭn leo khân may hăn puăn jât năm aơ, Păng n'hŭch khân may jêh ri rlong uănh khân may gay gĭt rah vah tâm nuih n'hâm khân may, gĭt lah geh djôt prăp nau vay Păng ntăm mâu lah mâu.

I Têsalônik 1:10

jêh ri gŭ kâp Kon Păng bơh trôk, jêng Brah Yêsu, Păng hŏ ƀư ăn dâk rêh tay tă bơh nau khĭt, jêng Nơm tâm rklaih he bơh ma nau ji nuih dăch tât.

II Têsalônik 3:3

Kôranh Brah jêng răp jăp, Păng mra ƀư ma khân may ăn dăng jêh ri king n'gang khân may klaih bơh nơm djơh mhĭk.

I Timôthê 1:17

Dăn nau yơk jêh ri nau chrêk rmah n'ho ro mâu blau lôch jêng ndơ ma Hađăch lĕ rngôch rnôk, mâu blau khĭt, mâu geh rup, nâm bu ntĭt Brah Ndu, knŏng nguay! Amen.

ហេឞ្រើ 11:36

Ƀaƀă êng dơn nau bu mưch rmot, nau bu dong mbang, nau bu nkông ma rse rvăk jêh ri nau bu krŭng.

I Pêtrôs 5:8

Ăn gŭ di keh jêh ri gŭ rngeh njrăng; phung rlăng đah khân may jêng phung brah mhĭk, nâm bu yau mŭr ngrông, ndăch nsong jŭm khân may joi mbu nơm păng dơi sa hêk,

II Pêtrôs 2:9

pôri Kôranh Brah gĭt năl mâm ƀư gay tâm rklaih phung bunuyh blau yơk bơh nau rlong uănh, jêh ri prăp phung kue tâm nau rmal ma tât nar phat dôih,

I Yôhan 3:8

Mbu nơm ƀư tih jêng bunuyh brah mhĭk; yorlah brah mhĭk ƀư tih jêh ntơm bơh saơm. Yor nĕ Kon Brah Ndu tâm mpơl jêh gay ƀư rai kan brah mhĭk.

Nau Tâm Mpơl 1:18

jêng Nơm Rêh; Gâp hŏ khĭt, aƀaơ aơ Gâp rêh n'ho ro, djôt keh khuă Nau Khĭt jêh ri Ƀon Phung Khĭt.

Nau Tâm Mpơl 19:1

Jêh nau nây, gâp tăng ta klơ trôk nâm bu geh bâr ktang du mpôl bunuyh âk lah pô aơ: “Halêluya! Nau tâm rklaih, nau chrêk rmah jêh ri nau brah jêng ndơ Brah Ndu he.

Nau Tâm Mpơl 19:4

Bar jât ma puăn nuyh kôranh bu ranh jêh ri puăn mlâm mpa rêh chon mon jêh ri yơk mbah ma Brah Ndu jêng Nơm gŭ ta sưng hađăch, jêh ri lah: “Amen! Halêluya!”

Nau Tâm Mpơl 2:10

May lơi klach ôh ma lĕ nau rêh ni may bơi dơn. Aơ, brah mhĭk dăch mƀăr ƀaƀă tâm phung khân may ăn tâm ndrung gay rlong uănh khân may; jêh ri khân may mra geh nau rêh ni tâm jât nar. Gŭ răp jăp hom tât khĭt, jêh ri Gâp mra ăn ma may đon hađăch nau rêh.’

Nau Tâm Mpơl 21:4

Păng mra jut lĕ dak măt ta măt khân păng. Mâu mra geh nau khĭt ôh, mâu mra hôm geh nau klâng ndrê, nhĭm nhhiăng, mâu lah nau nđêh nji đŏng; yorlah lĕ nau tal nguay lĕ rlau lôch jêh.”

Nau Tâm Mpơl 3:10

Yorlah may djôt prăp jêh nau Gâp ntĭm nti ma nau srôih, Gâp ăt mra djôt prăp may bơh mông rlong uănh, jêng mông dăch tât tâm lam neh ntu, gay rlong uănh phung bunuyh gŭ tâm neh ntu.

Nau Tâm Mpơl 3:14

“Nchih hom ma tông mpăr Phung Ngih Brah Ndu ta ƀon Laođisê pô aơ: Aơ jêng nau ngơi Nơm Amen, Nơm mbơh nkoch răp jăp jêh ri nanê̆ ngăn, jêng tơm ma nau Brah Ndu rhăk njêng:

Nau Tâm Mpơl 5:13

Gâp tăng lĕ rngôch mpa rhăk jêh ta klơ trôk, ta neh ntu, tâm dâng neh ntu, tâm dak mƀŭt, jêh ri lĕ rngôch ndơ tâm ntŭk nĕ lah pô aơ: “Ma Nơm gŭ ta sưng hađăch jêh ri ma Kon Biăp Geh nau tâm rnê, nau yơk, nau chrêk rmah jêh ri nau dơi ma tât n'ho ro!”