Mathay 5:3 - Nau Brah Ndu Ngơi 2023

³ “Ueh maak ngăn ma phung o ach tâm huêng nuih n'hâm, Yorlah ƀon bri hađăch klơ trôk prăp ăn ma khân păng!

Bunong Bible Latin Script Cambodian dialect

³ “Ueh maak ngăn ma bu moh i lĕ gĭt jêh blao jan ndơ ueh lah Kôranh Brah kơl dơm, yorlah Kôranh Brah mât uănh khân păng.

Bunong

³ “អ្វែស​មអាក​ងាន់​មា​ឞូ​ម៝ស​អី​លែៈ​គឹត​ជេស​ឞ្លាវ​ជាន​នទើ​អ្វែស​លាស​កោរាញ​ឞ្រាស​កើល​ទើម យ៝រ​លាស​កោរាញ​ឞ្រាស​ម៝ត់​អ្វាញ់​ខាន់​ពាង់។

Mathay 5:3 Iomraidhean Croise

II Nau Rêh Jêng 33:12

Nôk păng gŭ tâm nau rêh ni, păng vah vơl dăn ma Yêhôva Brah Ndu, jêh ri ntrŭnh săk păng nơm tanăp Brah Ndu phung chô yau păng.

II Nau Rêh Jêng 33:19

Nau păng mbơh sơm jêh ri nau Brah Ndu dơn nau păng vơl, lĕ nau păng ƀư tih jêh ri lĕ nau păng mâu gŭ răp jăp ôh, lĕ ntŭk prêh păng hŏ ndâk, rup brah Asêrim jêh ri rup brah trah, êlor ma păng ntrŭnh săk păng nơm; lĕ rngôch bu nchih da dê tâm ndrom samƀŭt Y-Hôxai.

II Nau Rêh Jêng 33:23

Hađăch Amôn mâu ŭch ntrŭnh săk păng nơm tanăp măt Brah Yêhôva nâm bu Y-Manasê, mbơ̆ păng hŏ ƀư jêh, ƀiălah păng ƀư tih lơ hâu lơn.

II Nau Rêh Jêng 34:27

‘Tơlah may tăng jêh nau Gâp lah tâm rdâng đah ntŭk aơ jêh ri phung ƀon lan gŭ tâm ntŭk aơ, pôri may geh nuih n'hâm rdơ̆ rbăn, ntrŭnh dêh rhêt tanăp măt Gâp, nkhêk ao jêh ri nhhiăng nhĭm tanăp măt Gâp, yor ri Gâp hŏ tăng jêh nau may; Brah Yêhôva lah kơt nây.

II Nau Rêh Jêng 7:14

tơlah phung ƀon lan Gâp, jêng phung ƀon lan dơi kuăl ma amoh Gâp, dêh rhêt êng khân păng nơm, mbơh sơm, joi muh măt Gâp jêh ri chalơi trong djơh mhĭk, nôk nây tă bơh klơ trôk Gâp mra rkêng tôr iăt, yô̆ an nau tih khân păng jêh ri ƀư bah n'gor bri khân păng.

Ndrom Samƀŭt bơh Yôp 42:6

Yor nây, gâp tâm rmot êng gâp nơm. Jêh ri rmal nau tih tâm ndruyh neh.”

Nau Mprơ Ơm 1:1

Ueh maak yơh ma mbu nơm Mâu hăn tĭng ôh tâm nau nchră phung mhĭk, Mâu lĕ dâk tâm trong nau phung tih, Mâu lĕ gŭ ngau ndrel ma phung mưch.

Nau Mprơ Ơm 112:1

Halêluya! Ueh maak yơh nơm klach yơk ma Brah Yêhôva, Lĕ nuih n'hâm rŏng ngăn ma nau Păng ntăm!

Nau Mprơ Ơm 128:1

Ueh maak yơh ma mbu nơm klach yơk ma Brah Yêhôva, Hăn tâm trong păng!

Nau Mprơ Ơm 146:5

Ueh maak yơh ma nơm geh Brah Ndu Yakôb jêng nơm kơl păng, N'gân nau păng kâp gân tâm Yêhôva Brah Ndu!

Nau Mprơ Ơm 2:12

Chŭm Kon hom, klach Păng ji nuih Jêh ri khân may mra rai yot tâm trong khân may, Yorlah nau Păng ji nuih mra gơnh hao nuih. Ueh maak yơh ma mbu nơm nde krap ma Păng.

Nau Mprơ Ơm 34:18

Brah Yêhôva gŭ dăch đah phung bunuyh geh nuih n'hâm hŏt rgănh Jêh ri tâm rklaih phung geh nuih n'hâm rngot ma nau tih.

Nau Mprơ Ơm 41:1

Ueh maak yơh ma phung mêt uănh ma phung o ach! Tâm nar rêh ni, Brah Yêhôva mra rklaih bunuyh nây.

Nau Mprơ Ơm 51:17

Mpa ƀư brah ƀư maak nuih n'hâm Brah Ndu, nây jêng huêng rngot; Ơ Brah Ndu! May mâu tâm rmot ôh ma nuih n'hâm rêh ni rngot ma nau tih.

Nau Mprơ Ơm 84:12

Ơ Brah Yêhôva ma phung tahan, Ueh maak yơh ma bunuyh rnơm nsing ma May!

Nau Hôr 16:19

Ueh lơn rêh dêh rhêt gŭ ndrel bunuyh o ach Rlau lơn ma nau tâm pă ndơ sŏk pit ndrel phung sưr.

Nau Hôr 29:23

Nau sưr bơh du huê bunuyh mra ntrŭnh lơi nơm nây, Ƀiălah mbu nơm geh nuih n'hâm dêh rhêt mra geh nau yơk.

Nau Hôr 8:32

Pôri aƀaơ, hơi phung kon, iăt hom gâp! Ueh maak ngăn ma phung djôt prăp tĭng ndô̆ trong gâp.

Êsai 30:18

Nđâp lah pônây, Brah Yêhôva ăt hôm kâp gân gay ăn nau ueh ma khân may; Păng mra dâk ŭch mpơl nau yô̆ nđach ma khân may. Yorlah Yêhôva jêng Brah Ndu sŏng. Ueh maak ngăn ma lĕ rngôch phung kâp gân Păng.

Êsai 57:15

Nơm dŭt prêh, Nơm bu yơk mbah, gŭ ntŭk n'ho ro dŭt ngăn, Amoh Păng jêng Kloh Ueh; Nơm nĕ lah: “Gâp gŭ tâm ntŭk prêh jêh ri kloh ueh, Ƀiălah gŭ ndrel ma nơm geh nuih n'hâm rngot ma nau tih jêh ri nuih n'hâm dêh rhêt, Gay plơ̆ ăn rêh nuih n'hâm phung dêh rhêt, Jêh ri gay ăn rêh tay nuih n'hâm nơm rngot ma nau tih.

Êsai 61:1

Brah Huêng Ueh Kôranh Brah Yêhôva gŭ ta klơ Gâp, Yorlah Brah Yêhôva tŏ jêh dak ƀâu kah ma Gâp Gay mbơh nkoch nau mhe mhan ueh ma phung o ach. Păng njuăl jêh Gâp văch gay ƀư bah phung geh nuih n'hâm rngot; Gay mbơh nau kon me ma phung bu nă, Jêh ri pơk ngih bu nă ma phung bu krŭng;

Êsai 66:2

Ti Gâp rhăk njêng jêh lĕ rngôch ndô ndơ aơ, Jêh ri lĕ rngôch ndơ nây jêng jêh.” Brah Yêhôva lah pônây. “Aơ jêng bunuyh Gâp uănh, Jêng nơm dêh rhêt jêh ri geh huêng rngot ma nau tih, Nơm klach râm nsâr ma nau Gâp ngơi.

Mika 6:8

Hơi bunuyh! Păng hŏ tâm mpơl jêh ma may ntil nau jêng ueh, Ntil nau Brah Yêhôva gay ŭch ăn ma may ƀư. Nây mâu di jêng ƀư nau sŏng srăng, ŭch nau ueh Jêh ri chuat hăn ma nau dêh rhêt ndrel ma Brah Ndu may lĕ?

Mathay 11:25

Nôk nây Brah Yêsu ngơi pô aơ: “Ơ Mbơ̆, Kôranh Brah trôk jêh ri neh ntu, Gâp tâm rnê ma Mbơ̆, yorlah Mbơ̆ pôn jêh lĕ nau nây ma bunuyh blau mĭn, bunuyh gĭt rbăng, ƀiălah tâm mpơl jêh ma phung kon se jê̆.

Mathay 11:6

Ueh maak yơh ma mbu nơm mâu chêh prah ôh yor Gâp!”

Mathay 13:16

Ƀiălah ueh maak yơh ma măt khân may yorlah dơi saơ; ueh maak yơh ma tôr khân may yorlah dơi tăng!

Mathay 19:14

Brah Yêsu lah: “Ăn phung kon se jê̆ văch ta Gâp, lơi buay khân păng ôh yorlah ƀon bri hađăch klơ trôk prăp ma phung bunuyh tâm ban ma phung kon se jê̆ nây.”

Mathay 24:46

Ueh maak yơh ma oh mon nây, tơlah kôranh tât jêh ri saơ păng ƀư pônây!

Mathay 25:34

Nôk nây, Hađăch mra lah ma phung mpeh pa ma pô aơ: ‘Hơi phung Mbơ̆ Gâp ăn nau ueh uĭn, văch hom dơn ƀon bri hađăch klơ trôk ndrăp nkra jêh ăn ma khân may ntơm bơh rhăk njêng neh ntu.

Mathay 3:2

“Rmal hom nau tih, yorlah ƀon bri hađăch klơ trôk dăch tât jêh!”

Mathay 8:11

Gâp lah ma khân may gĭt: Bơh mpeh luh nar, nhâp nar mra geh âk bunuyh văch gŭ sông sa ndrel ma Y-Abraham, Y-Isăk, jêh ri Y-Yakôp tâm ƀon bri hađăch klơ trôk.

Markôs 10:14

Saơ kơt nây, Păng ji nuih jêh ri lah ma phung oh mon: “Ăn hom phung kon se jê̆ văch ma Gâp, lơi ta buay khân păng ôh, yorlah ƀon bri hađăch Brah Ndu prăp ma phung nâm bu phung kon se jê̆ nây.

Luka 11:28

Ƀiălah Păng lah: “Phung iăt jêh ri djôt prăp nau Brah Ndu ngơi geh ueh lăng rlau lơn!”

Luka 18:14

Gâp mbơh ma khân may, bunuyh aơ plơ̆ sĭt ta ngih păng, dơi kơp sŏng srăng, mâu di bunuyh ri. Yorlah mbu n'hao êng mra hŭch tâm dâng, ƀiălah mbu nơm hŭch tâm dâng êng mra n'hao.”

Luka 22:29

rĭ dĭng Gâp ăn ma ƀon bri hađăch ma khân may tâm ban ma Mbơ̆ Gâp hŏ ăn ma Gâp kơt nây,

Luka 22:30

pôri khân may mra sông sa ta sưng ndrel ma Gâp tâm ƀon bri hađăch Gâp jêh ri mra gŭ ta klơ sưng hađăch gay phat dôih jât ma bar ndŭl mpôl phung Israel.”

Luka 4:18

“Brah Huêng Ueh Brah Kôranh Brah gŭ ta klơ Gâp, Yorlah Păng tŏ jêh dak ƀâu kah ma Gâp gay mbơh nkoch Nau Mhe Mhan Ueh ma phung o ach.

Yôhan 20:29

Brah Yêsu lah: “Di lĕ yorlah may saơ jêh Gâp, rĭ dĭng may chroh? Ueh maak ngăn ma phung bunuyh mâu mâp saơ, ƀiălah chroh jêh!”

Nau Vay Nkah Tay 8:2

Ăn khân may kah gĭt tay tâm du njăr trong tâm bri rdah Yêhôva Brah Ndu hŏ njŭn leo khân may hăn puăn jât năm aơ, Păng n'hŭch khân may jêh ri rlong uănh khân may gay gĭt rah vah tâm nuih n'hâm khân may, gĭt lah geh djôt prăp nau vay Păng ntăm mâu lah mâu.

Yakơ 1:10

Ƀiălah bunuyh ndrŏng tâm rnê hom ma ntŭk dêh rhêt păng nơm, yorlah păng mra rlau lôch nâm bu kao gơ̆.

Yakơ 1:12

Ueh maak yơh ma mbu nơm nsrôih dơn nau rlong uănh; yorlah lôch jêh dơn nau rlong uănh, khân păng mra dơn đon hađăch nau rêh, Brah Ndu ton jêh ma phung rŏng ma Păng nơm.

Yakơ 2:5

Khân may iăt hom, hơi phung oh nâu gâp rŏng: Mâu di hĕ Brah Ndu săch jêh phung o ach ta neh ntu aơ gay ƀư ma khân păng jêng ndrŏng tâm nau chroh, jêh ri dơn ƀon bri hađăch Păng ton jêh ma phung rŏng ma Păng?

Nau Tâm Mpơl 19:9

Tông mpăr lah ma gâp pô aơ: “Nchih hom: Ueh maak yơh ma phung bunuyh râng nhêt tâm nsông Kon Biăp!” Tông mpăr lah tay: “Aơ jêng lĕ nau ngơi nanê̆ ngăn tă bơh Brah Ndu.”

Nau Tâm Mpơl 22:14

Ueh maak yơh phung pih ao khân păng nơm gay geh nau dơi văch ta ntŭk tơm si nau rêh, jêh ri dơi lăp tâm ƀon ta lĕ mpông.

Nau Tâm Mpơl 3:17

May lah: ‘Gâp ndrŏng, gâp geh âk drăp ndơ, gâp mâu pưt ndơ ôh.’ Ƀiălah may mâu gĭt ma may nơm geh nau rêh ni, yô̆ nđach ngăn, o ach, chieh măt jêh ri rhôk.