Mathay 5:19 - Nau Brah Ndu Ngơi 2023

¹⁹ Yor nây, mbu nơm chalơi du ntil dŭt jê̆ tâm lĕ nau vay aơ jêh ri nti ma bu ƀư kơt nĕ, bu mra kuăl păng dŭt jê̆ tâm ƀon bri hađăch klơ trôk; ƀiălah mbu nơm tông prăp ma lĕ nau vay aơ jêh ri nti ma bu, mra dơi uănh jêng toyh lơn tâm ƀon bri hađăch klơ trôk.

Bunong Bible Latin Script Cambodian dialect

¹⁹ Bu moh i jan tih ma du ntil nau i dŭt jê̆ jê̆ ta nau vay i nây, jêh ri nti ăn ma bu jan tâng kơt đŏng, ta nau Kôranh Brah mât uănh tay bu kuăl păng jêng bunuyh jê̆ ta nâm bu. Yơn ma bu moh jan tâng nau vay i nây, jêh ri nti ăn ma bu jan tâng kơt đŏng, ta nau Kôranh Brah mât uănh tay bu kuăl păng jêng bunuyh kuŏng ngăn.

Bunong

¹⁹ ឞូ​ម៝ស​អី​ជាន​តីស​មា​ទូ​នតីល​នាវ​អី​ទុត​ជេៈៗ​តា​នាវ​វៃ​អី​នៃ ជេសរី​នតី​អ៝ន់​មា​ឞូ​ជាន​តឹង​កើត​ដ៝ង់ តា​នាវ​កោរាញ​ឞ្រាស​ម៝ត់​អ្វាញ់​តៃ​ឞូ​ក្វាល់​ពាង់​ជេង​ឞូនុយ្ស​ជេៈ​តា​ន៝ម់​ឞូ។ យើន​មា​ឞូ​ម៝ស​ជាន​តឹង​នាវ​វៃ​អី​នៃ ជេសរី​នតី​អ៝ន់​មា​ឞូ​ជាន​តឹង​កើត​ដ៝ង់ តា​នាវ​កោរាញ​ឞ្រាស​ម៝ត់​អ្វាញ់​តៃ​ឞូ​ក្វាល់​ពាង់​ជេង​ឞូនុយ្ស​ក្វ៝ង់​ងាន់។

Mathay 5:19 Iomraidhean Croise

Nau Mprơ Ơm 119:128

N'hêl nanê̆ ngăn, gâp gĭt năl lĕ nau May ntăm ma lĕ ntil mpô mpa jêng di ngăn; Jêh ri gâp tâm rmot ma lĕ rngôch trong nau mƀruh.

Nau Mprơ Ơm 119:6

Tơlah gâp gơih mĭn ma lĕ nau vay May ntăm. Pôri gâp mâu mra bêk ôh.

Daniel 12:3

Phung gĭt rbăng mra nchrat nâm bu nau ang ta klơ trôk; jêh ri phung njŭn leo âk bunuyh tât ma nau sŏng srăng mra nchrat ang nâm bu phung mănh ƀaƀơ n'ho ro.

Mathay 11:11

Nanê̆, Gâp lah ma khân may, tâm phung bunuyh deh tă bơh bu ur, mâu geh nơm toyh lơn ma Y-Yôhan-Ƀaptist ôh; ƀiălah, nơm jê̆ lơn tâm ƀon bri hađăch klơ trôk jêng toyh lơn ma păng.

Mathay 19:28

Brah Yêsu plơ̆ lah: “Nanê̆, Gâp lah ma khân may, rnôk rô̆ lĕ rngôch ndơ rgâl mhe, tơlah Kon Bunuyh mra gŭ ta klơ sưng hađăch nau chrêk rmah Păng, khân may jêng phung bunuyh hŏ tĭng Gâp, mra gŭ đŏng ta klơ jât ma bar sưng hađăch, gay phat dôih jât ma bar ndŭl mpôl phung Israel.

Mathay 20:26

Ƀiălah ta nklang khân may mâu di pônây ôh; ƀiălah, mbu nơm ŭch jêng toyh tâm phung khân may, ăn păng jêng oh mon;

Mathay 28:20

jêh ri ntĭm nti ăn khân păng djôt prăp lĕ nau Gâp ntăm jêh ma khân may. Jêh ri aơ, Gâp hôm gŭ ndrel ma khân may ƀaƀơ kŏ tât nar lôch.”

Luka 1:15

Yorlah kon se jê̆ nây mra dơi yơk tanăp Kôranh Brah, mâu nhêt ndrănh krăk ƀâu mâu lah dak ndơ nhêt geh ndrui, jêh ri mra dơi bêng ma Brah Huêng Ueh ntơm bơh hôm tâm ndŭl mê̆.

Luka 11:42

Rêh ni yơh ma khân may, phung Pharisi! Yorlah khân may chê̆ du kô̆ tâm jât klôih, ndơ ƀâu kah, nđâp lĕ rngôch ntil trau, ƀiălah chuêl ma nau di jêh ri ma nuih n'hâm yơk rŏng Brah Ndu! Ăn khân may ƀư lă nau aơ ƀiălah mâu dơi đŏng chuêl lĕ nau ri.

Luka 9:48

jêh ri lah ma khân păng: “Mbu nơm rom kon se jê̆ aơ tâm amoh Gâp nâm bu ntĭt rom Gâp, bi mbu rom Gâp nâm bu ntĭt rom Nơm hŏ njuăl Gâp. Yorlah mbu nơm dŭt jê̆ tâm phung khân may jêng bunuyh dŭt toyh.”

Kôranh Oh Mon 1:1

Hơi Y-Thêôphil ơi, tâm ndrom samƀŭt tal nguay, gâp hŏ nchih jêh ma lĕ rngôch nau Brah Yêsu ƀư jêh ri nti ntơm bơh saơm

Samƀŭt Pôl Njuăl Ăn Ma Phung Nsing Ta Ƀon Rôm 3:8

Pôri mâm ƀư he mâu “ƀư nau mhĭk gay geh nau ueh”? — tâm ban ma ƀaƀă bunuyh ngơi nchơt ma hên nti jêh nau nây — Khân păng geh nau phat dôih jêng di ngăn.

Samƀŭt Pôl Njuăl Ăn Ma Phung Nsing Ta Ƀon Rôm 6:1

Pôri mâm he mra lah? He ăt hôm gŭ rêh tâm nau tih gay geh nau yô̆ âk rmeh lĕ?

Samƀŭt Pôl Njuăl Ăn Ma Phung Nsing Ta Ƀon Rôm 6:15

Pôri mâm ƀư? Di lĕ yorlah he mâu gŭ tâm dâng nau vay, ƀiălah gŭ tâm dâng nau yô̆, rĭ dĭng he mra hôm ƀư tih? Mâu mâp tâm ban pô nây!

Nau Vay Nkah Tay 12:32

Ăn khân may blau njrăng, ƀư tĭng lĕ rngôch nau gâp ntĭnh jêh ma khân may, mâu dơi ôh ntop mâu lah n'hŭch lơi.”

Nau Vay Nkah Tay 27:26

‘Khư ma rak rtăp ngăn ma mbu nơm mâu ƀư tĭng kơt ôh rplay ngơi nau vay aơ!’ Ăn lĕ rngôch phung ƀon lan mra plơ̆ lah: ‘Amen!’ ”

I Timôthê 6:11

Ƀiălah hơi Y-Timôthê may jêng bunuyh Brah Ndu, der ngai hom lĕ nau nây jêh ri tĭng joi nau sŏng srăng, nau klach yơk, nau chroh, nau rŏng, nau srôih, nau rdơ̆ rbăn.

Titus 3:8

Aơ jêng nau ngơi ngăn. Gâp ŭch ma may ƀư ngăn lĕ nau aơ, gay ma phung chroh jêh ma Brah Ndu mra nsrôih ƀư kan ueh jêh ri khlay ma lĕ rngôch bunuyh.

I Pêtrôs 5:4

Jêh ri tơlah Nơm Rmăk Biăp dŭt prêh ta klơ tâm mpơl, khân may mra dơn đon hađăch nau chrêk rmah mâu blau rai ôh.

I Yôhan 3:4

Mbu nơm ƀư tih jêng rlau nau vay; yorlah nau tih jêng mâu di nau vay.

Nau Tâm Mpơl 2:20

Ƀiălah geh nau Gâp nduyh may, nây jêng may ăn ma H'Jêsêbel, bu ur kơp êng săk păng nơm jêng nơm mbơh lor, ntĭm nti jêh ri ndơm phung oh mon Gâp, gay ma khân păng ƀư tih nau văng tĭr jêh ri sa ndơ ƀư brah ma rup brah.

I Samuel 2:30

Yor ri, Yêhôva Brah Ndu Israel lah: ‘Gâp hŏ tă lah jêh pô aơ ngih may jêh ri ngih mbơ̆ may mra n'ho ro pah kan tanăp măt Gâp.’ Ƀiălah aƀaơ Brah Yêhôva lah, nau nây mâu hôm geh tâm ban pônây ôh! Yorlah mbu nơm yơk ma Gâp, Gâp mra yơk ma păng, bi mbu tâm rmot ma Gâp, Gâp mra tâm rmot ma păng.