Mathay 5:16 - Nau Brah Ndu Ngơi 2023

¹⁶ Đŏng kơt nây, nau ang khân ay may ăn nchrat ang tra năp lĕ rngôch bunuyh, gay khân păng saơ kan ueh khân ay may jêh ri mât ton ma Mbơ̆ khân ay may gŭ ta klơ trôk.

Bunong Bible Latin Script Cambodian dialect

¹⁶ Lah ndri nau ang khân ay may ăn ngaang hŏm dâng lĕ bunuyh, gay ma ăn bu gĭt say nau ueh khân ay may jan, jêh ri bu rnê nau chrêk lơp Bơ̆ khân ay may nơm i gŭ ta kalơ trôk ri.”

Bunong

¹⁶ លាស​នទ្រី​នាវ​អាង​ខាន់​អៃ​មៃ​អ៝ន់​ងអាង​ហ៝ម់​ទឹង​លែៈ​ឞូនុយ្ស គៃ​មា​អ៝ន់​ឞូ​គឹត​ឆៃ​នាវ​អ្វែស​ខាន់​អៃ​មៃ​ជាន ជេសរី​ឞូ​រានេ​នាវ​ច្រេក​លើប​ឞឹ​ខាន់​អៃ​មៃ​នើម​អី​គុ​តា​កាលើ​ត្រោក​រី”។

Mathay 5:16 Iomraidhean Croise

Nau Ngluh Êjipt 34:35

Nôk nây, phung ƀon lan Israel saơ muh măt Y-Môis chrat ang rĭ dĭng Y-Môis sŏk bok nkŭm muh măt kŏ tât nôk păng lăp ŭch ngơi đah Brah Yêhôva.

Nau Hôr 4:18

Ƀiălah trong phung sŏng srăng ang nâm bu nar nchrat ang, Nau ang lơ hâu kŏ tât nar nklang bôk.

Êsai 58:8

“Rnôk nây, nau ang khân may mra nchrat tâm ban ma ƀhit rvi ang, Nau sôt rmanh khân may mra gơnh ƀư bah. Nau sŏng srăng khân may mra hăn tanăp khân may, Jêh ri nau chrêk rmah Brah Yêhôva mra king n'gang pakơi khân may.

Êsai 61:3

Gay ăn rvang kao ma phung rngot klâng ta Siôn, Ntrok ma ndruyh ŭnh buh, Ăn dak ngi nau răm ntrok nau klâng ndrê, Ăn bok ao nau tâm rnê ntrok nau huêng rngot rvê. Bu mra rnha khân păng tơm si nau sŏng srăng, Jêng tơm si Brah Yêhôva tăm jêh, gay ƀư ăn chrêk rmah ma Păng.

Mathay 23:5

Lĕ kan khân păng ƀư yorlah ŭch ma bu saơ. Yor ri, khân păng ƀư lĕ dŭng dĭ prăp nau vay, ntrŭnh grong ao ma jong;

Mathay 23:9

Lơi đŏng kuăl du huê bunuyh ta neh ntu aơ jêng mbơ̆; yorlah khân may geh knŏng du huê Mbơ̆, jêng Nơm gŭ ta klơ trôk.

Mathay 5:45

gay ma khân may plơ̆ jêng phung kon ma Mbơ̆ khân may gŭ ta klơ trôk, yorlah Păng ƀư ăn nar luh nchrat ang ma phung djơh mhĭk nđâp ma phung ueh, ăn dak mih ma phung sŏng srăng nđâp ma phung kue.

Mathay 6:16

Tơlah khân may ât sông sa, lơi ƀư ôh muh măt rngot nâm bu phung bunuyh geh nuih n'hâm nklă, yorlah khân păng jan ƀư muh măt rngot gay lĕ rngôch bunuyh gĭt ma khân păng ât sông sa. Nanê̆, Gâp lah ma khân may, phung nây hŏ dơn jêh nau nkhôm ma khân păng.

Mathay 6:9

Pôri, ăn khân may mbơh sơm pô aơ: ‘Ơ Mbơ̆ hên gŭ tâm trôk ơi; Ăn amoh May bu yơk ma nau kloh ueh.

Mathay 9:8

Phung ƀon lan saơ nau khlay nây klach da dê, jêh ri tâm rnê Brah Ndu, Nơm hŏ ăn nau dơi kơt nây ma bunuyh.

Luka 11:2

Păng lah ma khân păng: “Tơlah khân may mbơh sơm, lah hom: ‘Ơ Mbơ̆! Dăn Amoh Mbơ̆ dơi yơk nau kloh ueh. Ƀon bri hađăch Mbơ̆ dơi tât.

Yôhan 15:8

Bơh nau nây Mbơ̆ Gâp mra geh nau tâm rnê, lah khân may dơi geh play âk jêh ri khân may jêng phung oh mon Gâp.

Kôranh Oh Mon 9:36

Ta ƀon Jôpa, geh du huê bu ur oh mon, amoh păng H'Tabitha, nâm bu ntĭt Dôrkas; păng ƀư âk kan ueh jêh ri vay ăn ndơ ma phung o ach.

I Kôrintô 14:25

Lĕ nau pôn ndâp tâm nuih n'hâm khân păng mra tâm mpơl; khân păng mra chon mon yơk mbah ma Brah Ndu, jêh ri mbơh pô aơ: Brah Ndu dôl gŭ ndrel ma khân may ngăn ngên.

II Kôrintô 9:13

Nau kơl aơ jêng nau mbơh gay khân may tâm rnê Brah Ndu, yor nau tông bâr ma Nau Mhe Mhan Ueh Brah Krist khân may mpơl jêh, jêh ri yorlah nau lŏng khân may huy ngăn ma khân păng jêh ri ma lĕ rngôch bunuyh.

Galati 1:24

Pôri, khân păng tâm rnê Brah Ndu yor gâp.

Êphêsô 2:10

Yorlah he jêng kan bơh ti Păng, dơi rhăk njêng tâm Brah Yêsu Krist gay ƀư lĕ nau kan ueh Brah Ndu nkra jêh bơh lor gay ma he kơt ƀư.

Êphêsô 5:8

Kăl e ri khân may jêng nau ngo, ƀiălah aƀaơ tâm Kôranh Brah, khân may jêng nau ang. Chuat hăn hom tâm ban ma phung kon nau ang;

I Têsalônik 2:12

tâm n'hao nuih n'hâm, tâm bonh leng jêh ri vơl dăn khân may gŭ rêh tâm di đah Brah Ndu, jêng Nơm kuăl khân may lăp ƀon bri hađăch jêh ri nau chrêk rmah Păng.

I Timôthê 2:10

ƀiălah ƀư lĕ nau kan ueh, jêng nau tâm di ma phung bu ur nau yơk.

I Timôthê 5:10

ăn păng dơi geh nau bu rnê nau ueh tâm ban ntĭm nti jêh phung kon, vơt rom phung bu năch, rao jâng ma phung kloh ueh, kơl an phung rêh ni, jêh ri nsrôih ƀư ăp ntil kan ueh.

I Timôthê 5:25

Nau ueh tâm ban lĕ: Geh kan mpơl ro, geh đŏng mâu mpơl, ƀiălah tât kăndơ̆ mâu đŏng pôn mo ƀaƀơ.

I Timôthê 6:18

Ăn khân păng ƀư kan ueh, ƀư âk kan ueh maak, geh nuih n'hâm lŏng, rơm ndrăp jêh tâm pă ma bu;

Titus 2:14

jêng Nơm hŏ sân săk jêh yor ma he gay tâm chuai he bơh lĕ nau djơh mhĭk, jêh ri ƀư kloh he jêng du phung ƀon lan knŏng êng ma Păng nơm, jêng phung ƀon lan geh nau duh nđơr ƀư lĕ nau kan ueh.

Titus 2:7

Tâm lĕ rngôch nau, may jêng nơm leo trong tâm lĕ nau kan ueh jêh ri tâm mpơl nau di, ăn gŭ ngao ueh lah may ntĭm nti;

Titus 3:14

Ăn phung chroh he nti nsrôih ƀư kan ueh, gay ma kơl ăn ma lĕ nau geh nau kan ndal, pôri lơi gŭ rêh du nau rêh mâu geh play.

Titus 3:4

Ƀiălah lah nau ueh jêh ri nau rŏng tă bơh Brah Ndu, Nơm Tâm Rklaih he, tâm mpơl jêh nau Păng rklaih he,

ហេឞ្រើ 10:24

Ăn he mĭn rvê tâm n'hao nuih ndrăng he nơm ma nau rŏng jêh ri lĕ nau kan ueh.

I Pêtrôs 2:12

Ăn khân may gŭ ngao sŏng ta nklang phung bu năch, gay ma tơlah khân păng ngơi mhĭk khân may jêng bunuyh djơh mhĭk, khân păng ăt saơ nau ueh khân may ƀư jêh ri tâm rnê Brah Ndu tâm nar Păng chop khâl.

I Pêtrôs 2:9

Ƀiălah khân may jêng phung Brah Ndu săch jêh, jêng phung kôranh ƀư brah ta ngih hađăch, jêng phung mpôl kloh ueh, jêng phung ƀon lan sŏk prăp ma Brah Ndu, gay ma khân may mbơh nkoch nau ueh dŭt toyh Nơm kuăl jêh khân may luh bơh ntŭk ngo, njŭn lăp ntŭk ang khlay Păng.

I Pêtrôs 3:1

Tâm ban lĕ, phung bunuyh ƀư ur, tông hom ma sai khân ay nơm, gay ma tơlah geh ƀaƀă sai nđâp lah mâu tông prăp ma nau chroh, ƀiălah tă bơh nau gŭ ngao bơh ur, khân păng mra plơ̆ sĭt, mâu ŭch dŏng ma nau ngơi,

I Pêtrôs 3:16

Nôk geh nau ngơi mhĭk, ăn khân may djôt prăp nuih n'hâm sŏng khân may nơm ăn kloh, gay ma phung nsak nkhăng ma nau khân may gŭ ngao ueh tâm Brah Krist geh nau đit prêng.

I Pêtrôs 4:11

Tơlah geh nơm mbơh nkoch, mbơh nkoch hom tâm ban mbơh nau ngơi bơh Brah Ndu; tơlah geh nơm pah kan, pah kan hom ma nau ktang Brah Ndu ăn, gay tâm lĕ rngôch ndơ geh nau tâm rnê bơh Brah Yêsu Krist. Dăn nau chrêk rmah jêh ri nau brah jêng ndơ Păng n'ho ro tâm lĕ rngôch rnôk. Amen.

I Pêtrôs 4:14

Tơlah bu suai rak khân may yor amoh Brah Krist, khân may geh ueh lăng ngăn, yorlah nau chrêk rmah Brah Huêng Ueh tă bơh Brah Ndu gŭ tâm khân may.