Mathay 5:11 - Nau Brah Ndu Ngơi 2023

¹¹ Ueh maak ngăn ma khân may tơlah yorlah Gâp bu suai rak, ƀư mhĭk, ngơi nchơt âk ntil nau mhĭk ma khân may.

Bunong Bible Latin Script Cambodian dialect

¹¹ Ueh maak ngăn ma khân ay may, lah bu rak suai jan jêr, ndrel ma ngơi nchơt ăp ntil ma khân ay may, ach ma iăt tâng nau Gâp.

Bunong

¹¹ អ្វែស​មអាក​ងាន់​មា​ខាន់​អៃ​មៃ លាស​ឞូ​រាក​ឆ្វាយ​ជាន​ជេរ នទ្រែល​មា​ងើយ​ញចើត​អាប់​នតីល​មា​ខាន់​អៃ​មៃ អាច​មា​អ្យាត់​តឹង​នាវ​គ៝ប់។

Mathay 5:11 Iomraidhean Croise

Nau Mprơ Ơm 35:11

Phung mbơh nau nchơt nây dâk; Ôp lĕ nau gâp mâu mâp gĭt ôh.

Nau Mprơ Ơm 44:22

N'hêl nanê̆, yor May yơh bu nkhĭt hên ăp nar, Bu uănh hên tâm ban ma biăp djôt hăn ƀư puăch.

Êsai 25:8

Păng mra ƀư rai lôch n'ho ro nau khĭt. Kôranh Brah jêng Brah Yêhôva mra jut dak măt Bơh muh măt lĕ rngôch bunuyh; Jêh ri Păng mra jut lơi nau bêk prêng phung ƀon lan Păng Bơh lam neh ntu, Yorlah Brah Yêhôva lah jêh.

Êsai 51:7

Ơ phung gĭt nau sŏng, iăt hom Gâp! Khân may jêng phung nchih nau vay Gâp tâm nuih n'hâm; Lơi klach ôh ma nau bunuyh nduyh, Mâu lĕ krit kir ma nau khân păng suai rak.

Êsai 66:5

Ơ khân may jêng phung râm nsâr ma nau Ngơi Brah Yêhôva, Iăt hom nau Brah Yêhôva: “Phung oh nâu khân may tâm rmot ma khân may Jêh ri mƀăr lơi khân may yor amoh Gâp, khân păng geh lah pô aơ: ‘Ăn Brah Yêhôva geh nau chrêk rmah, Gay ma hên dơi saơ nau răm maak khân may!’ Ƀiălah khân păng yơh mra bêk.”

Yêrêmi 37:14

Y-Yêrêmi plơ̆ lah: “Ngơi nklă! Gâp mâu geh nchuăt tĭng phung tahan Kaldê ôh.” Ƀiălah Y-Irijah mâu ŭch iăt ôh, nhŭp nchâp Y-Yêrêmi jêh ri têk leo ăn ma phung kôranh.

Mathay 10:18

Yorlah Gâp, bu mra njŭn khân may tanăp phung kôranh toyh chiă uănh jêh ri phung hađăch, gay mbơh ma khân păng jêh ri phung bu năch.

Mathay 10:22

Lĕ rngôch bunuyh mra tâm rmot ma khân may yor amoh Gâp, ƀiălah mbu nơm nâp nuih n'hâm tât lôch dŭt mra dơi rklaih.

Mathay 10:25

Oh mon dơi jêng kôranh nơm nti, oh mon jêng nâm bu kôranh păng hŏ rĭng jêh. Kôranh ngih bu rnha jêng Bêlsêbul, rlau lơn ma phung tâm ngih nây!

Mathay 10:39

Mbu nơm joi nau rêh păng nơm mra roh; ƀiălah mbu nơm yor Gâp roh nau rêh păng nơm mra joi dơi đŏng.

Mathay 19:29

Ma mbu nơm ƀư lư n'găr ma amoh Gâp ngih vâl, oh nâu, oh nur, mê̆ mbơ̆, phung kon, neh mir lŏ, yor amoh Gâp, nơm nây mra dơi dơn du rhiăng tơ̆ âk lơn, jêh ri dơn nau rêh n'ho ro.

Mathay 24:9

Rnôk nây, bu mra jao khân may, ƀư ma khân may geh nau rêh ni jêh ri nkhĭt lơi khân may; lĕ rngôch bunuyh mra tâm rmot ma khân may yor amoh Gâp.

Mathay 27:39

Phung hăn rgăn ta nây gơm mưch, rteh bôk

Markôs 13:13

Lĕ rngôch bunuyh mra tâm rmot ma khân may yor amoh Gâp. Ƀiălah mbu nơm nâp nuih n'hâm tât lôch dŭt mra dơi rklaih.

Markôs 13:9

Bi ma khân may, ăn khân may njrăng yorlah bu mra jao khân may ma phung kôranh phat dôih; bu mra dong khân may tâm lĕ ngih rƀŭn; jêh ri yor ma Gâp, khân may mra gŭ panăp phung kôranh n'gor jêh ri phung hađăch gay mbơh ma khân păng.

Markôs 4:17

ƀiălah nau ngơi mâu sŏr reh tâm nuih n'hâm, knŏng rêh ƀât lât dơm; yor ri tơlah yor nau ngơi mâp nau rêh ni mâu lah nau bu ƀư mhĭk, khân păng cha lôt ro.

Markôs 8:35

Yorlah mbu ŭch rklaih nau rêh păng nơm, mra roh, ƀiălah mbu yor Gâp jêh ri yor Nau Mhe Mhan Ueh roh nau rêh, mra rklaih nau rêh păng nơm.

Luka 21:12

Ƀiălah lor ma lĕ nau nây tât geh, yorlah amoh Gâp bu mra yơr ti ƀư mhĭk, jao njŭn khân may ma ngih rƀŭn jêh ri ma ngih ndrung; bu mra njŭn khân may hăn tât tanăp măt phung hađăch jêh ri phung kôranh toyh.

Luka 21:17

Lĕ rngôch bunuyh mra tâm rmot ma khân may yor amoh Gâp.

Luka 6:22

Ueh maak yơh ma phung kon tơlah yor ma Kon Bunuyh bu tâm rmot, mprơh, ngơi mhĭk, mƀăr lơi amoh khân may tâm ban nơm djơh mhĭk.

Luka 9:24

Yorlah mbu ŭch rklaih nau rêh păng nơm mra roh, ƀiălah mbu yor Gâp roh nau rêh mra rklaih nau rêh păng nơm.

Yôhan 15:21

Ƀiălah yor amoh Gâp, khân păng mra ƀư lĕ nau nây ma khân may, yorlah khân păng mâu gĭt năl ôh Nơm hŏ njuăl Gâp văch.

Yôhan 9:28

Phung khân păng suai rak păng jêh ri lah: “May ƀơh jêng oh mon păng, hên jêng oh mon Y-Môis.

Kôranh Oh Mon 9:16

Gâp mra tâm mpơl ma păng gĭt âk nau rêh ni, păng mra dơn yor amoh Gâp.”

Samƀŭt Pôl Njuăl Ăn Ma Phung Nsing Ta Ƀon Rôm 8:36

Tâm ban geh nchih jêh: “Yor ma Kôranh Brah bu ŭch nkhĭt hên ăp nar; Bu uănh hên tâm ban ma biăp djôt hăn ƀư puăch.”

I Kôrintô 4:10

Hên jêng phung rluk yor ma Brah Krist, bi khân may geh nau blau mĭn tâm Brah Krist. Hên jêng rdja, bi khân may jêng ktang. Bu yơk ma khân may, bi hên bu mưch rmot.

II Kôrintô 4:11

Yorlah tâm nôk gŭ rêh, bu jao mro hên ma nau khĭt yor Brah Yêsu, gay ma nau rêh Brah Yêsu mra tâm mpơl lĕ tâm săk jăn hên blau khĭt.

Philip 1:29

Yor tă Brah Krist, khân may geh bu ăn nau yô̆ mâu di knŏng gay chroh dơm, ƀiălah ăn khân may dơn nau rêh ni yor Păng tâm ban lĕ,

I Pêtrôs 2:23

Nôk bu rak rtăp, Păng mâu rak rtăp ma bu ôh; tâm nôk dơn nau rêh ni, Păng mâu mâp thăm rmat ôh; ƀiălah jao Păng nơm ma Nơm phat dôih sŏng.

I Pêtrôs 4:14

Tơlah bu suai rak khân may yor amoh Brah Krist, khân may geh ueh lăng ngăn, yorlah nau chrêk rmah Brah Huêng Ueh tă bơh Brah Ndu gŭ tâm khân may.

Nau Tâm Mpơl 2:3

May srôih, nsrôih dơn yor amoh Gâp mâu geh nau rgănh ôh.