Mathay 5:10 - Nau Brah Ndu Ngơi 2023

¹⁰ Ueh maak ngăn ma phung bu ƀư mhĭk yor nau sŏng srăng, Yorlah ƀon bri hađăch klơ trôk prăp ma khân păng!

Bunong Bible Latin Script Cambodian dialect

¹⁰ Ueh maak ngăn ma bu moh bu jan jêr ach ma jan tâng nau sŏng, yorlah Kôranh Brah mât uănh khân păng.

Bunong

¹⁰ អ្វែស​មអាក​ងាន់​មា​ឞូ​ម៝ស​ឞូ​ជាន​ជេរ​អាច​មា​ជាន​តឹង​នាវ​ឆ៝ង់ យ៝រ​លាស​កោរាញ​ឞ្រាស​ម៝ត់​អ្វាញ់​ខាន់​ពាង់។

Mathay 5:10 Iomraidhean Croise

Nau Mprơ Ơm 37:12

Nơm mhĭk tâm nchră ƀư rai ma nơm sŏng srăng Jêh ri rket sêk ji nuih ma păng,

Êsai 66:5

Ơ khân may jêng phung râm nsâr ma nau Ngơi Brah Yêhôva, Iăt hom nau Brah Yêhôva: “Phung oh nâu khân may tâm rmot ma khân may Jêh ri mƀăr lơi khân may yor amoh Gâp, khân păng geh lah pô aơ: ‘Ăn Brah Yêhôva geh nau chrêk rmah, Gay ma hên dơi saơ nau răm maak khân may!’ Ƀiălah khân păng yơh mra bêk.”

Mathay 10:23

Tơlah bu ƀư mhĭk ma khân may tâm ƀon nây, hăn du hom ta ƀon ri; yorlah nanê̆, Gâp lah ma khân may, khân may ê hŏ lam ôh lĕ ƀon Israel nôk nây Kon Bunuyh plơ̆ văch jêh.”

Mathay 19:14

Brah Yêsu lah: “Ăn phung kon se jê̆ văch ta Gâp, lơi buay khân păng ôh yorlah ƀon bri hađăch klơ trôk prăp ma phung bunuyh tâm ban ma phung kon se jê̆ nây.”

Mathay 25:34

Nôk nây, Hađăch mra lah ma phung mpeh pa ma pô aơ: ‘Hơi phung Mbơ̆ Gâp ăn nau ueh uĭn, văch hom dơn ƀon bri hađăch klơ trôk ndrăp nkra jêh ăn ma khân may ntơm bơh rhăk njêng neh ntu.

Mathay 5:3

“Ueh maak ngăn ma phung o ach tâm huêng nuih n'hâm, Yorlah ƀon bri hađăch klơ trôk prăp ăn ma khân păng!

Markôs 10:14

Saơ kơt nây, Păng ji nuih jêh ri lah ma phung oh mon: “Ăn hom phung kon se jê̆ văch ma Gâp, lơi ta buay khân păng ôh, yorlah ƀon bri hađăch Brah Ndu prăp ma phung nâm bu phung kon se jê̆ nây.

Markôs 10:30

ƀiălah aƀaơ aơ, ta rnôk aơ ro, mra sŏk dơn du rhiăng tơ̆ âk lơn ma ngih vâl, oh nâu, oh nur, mê̆, phung kon, neh mir lŏ, ndrel ma nau bu ƀư mhĭk, jêh ri geh nau rêh n'ho ro tâm rnôk kăndơ̆.

Luka 21:12

Ƀiălah lor ma lĕ nau nây tât geh, yorlah amoh Gâp bu mra yơr ti ƀư mhĭk, jao njŭn khân may ma ngih rƀŭn jêh ri ma ngih ndrung; bu mra njŭn khân may hăn tât tanăp măt phung hađăch jêh ri phung kôranh toyh.

Luka 22:29

rĭ dĭng Gâp ăn ma ƀon bri hađăch ma khân may tâm ban ma Mbơ̆ Gâp hŏ ăn ma Gâp kơt nây,

Luka 6:20

Brah Yêsu n'gơr măt uănh ma phung oh mon jêh ri lah: “Ueh maak ngăn ma phung kon jêng phung bunuyh o ach, Yorlah ƀon bri hađăch Brah Ndu prăp ăn ma phung kon

Luka 6:22

Ueh maak yơh ma phung kon tơlah yor ma Kon Bunuyh bu tâm rmot, mprơh, ngơi mhĭk, mƀăr lơi amoh khân may tâm ban nơm djơh mhĭk.

Yôhan 15:20

Kah gĭt hom nau Gâp lah jêh ma khân may: ‘Oh mon mâu rlau ma kôranh păng ôh.’ Tơlah khân păng ƀư mhĭk ma Gâp, khân păng mra ƀư mhĭk ma khân may tâm ban lĕ. Tơlah khân păng djôt prăp nau Gâp ngơi, khân păng djôt prăp nau khân may ngơi.

Kôranh Oh Mon 5:40

Khân păng kuăl tay phung kôranh oh mon lăp, đă bu dong phung nây ma mâng jêh ri buay mâu ăn nti lah tâm amoh Brah Yêsu ôh, jêh nây mƀơk bar hê khân păng.

Kôranh Oh Mon 8:1

Y-Sôl tâm di ma nau nkhĭt Y-Êtiên. Tâm nar nây, Phung Ngih Brah Ndu tâm ƀon Yêrusalem lĕ geh nau ƀư mhĭk dŭt ngăn; lĕ rngôch phung chroh du êng êng tâm n'gor Yuđa jêh ri n'gor Samari. Hôm knŏng phung kôranh oh mon dơm.

II Kôrintô 4:17

Yorlah nau rêh ni hên n'gơch jêh ri ƀât lât mra djôt ma hên nau chrêk rmah toyh lơn jêh ri n'ho ro,

Philip 1:28

jêh ri mâu klach du ntil ndơ tă bơh phung rlăng. Nây jêng nau mbơh gay saơ khân păng mra geh nau rai yot, bi khân may geh nau tâm rklaih; jêh ri nau nây luh bơh Brah Ndu.

II Timôthê 2:12

Tơlah he srôih dơn nau rêh ni, He mra chiă uănh đŏng ndrel ma Păng; Tơlah he dun Păng, Păng mra dun he đŏng;

II Timôthê 3:11

tâm ban đŏng tâm lĕ nau bu ƀư mhĭk, nau rêh ni hŏ tât ma gâp ta ƀon Antiôs, Ikôni, jêh ri ta ƀon Listrơ. Gâp dơn jêh lĕ nau bu ƀư mhĭk nây, ƀiălah Kôranh Brah tâm rklaih jêh gâp ƀaƀơ bơh lĕ nau nây.

Yakơ 1:12

Ueh maak yơh ma mbu nơm nsrôih dơn nau rlong uănh; yorlah lôch jêh dơn nau rlong uănh, khân păng mra dơn đon hađăch nau rêh, Brah Ndu ton jêh ma phung rŏng ma Păng nơm.

Yakơ 5:11

Aơ, he kuăl phung bunuyh nâp jêh jêng geh ueh lăng ngăn. Khân may tăng jêh nkoch bri ma nau Y-Yôp nâp jêh, jêh ri dơi saơ jêh nau ŭch Kôranh Brah; yorlah Kôranh Brah bêng ma nuih n'hâm yô̆ nđach jêh ri nuih n'hâm ueh.

I Yôhan 3:12

Lơi jêng nâm bu Y-Kain jêng bunuyh luh tă bơh Brah mhĭk jêh ri nkhĭt lơi oh păng nơm. Mâm ƀư Y-Kain nkhĭt oh păng? Yorlah lĕ kan păng jêng djơh mhĭk, lĕ kan oh păng jêng sŏng srăng.

Nau Tâm Mpơl 2:10

May lơi klach ôh ma lĕ nau rêh ni may bơi dơn. Aơ, brah mhĭk dăch mƀăr ƀaƀă tâm phung khân may ăn tâm ndrung gay rlong uănh khân may; jêh ri khân may mra geh nau rêh ni tâm jât nar. Gŭ răp jăp hom tât khĭt, jêh ri Gâp mra ăn ma may đon hađăch nau rêh.’