Mathay 4:7 - Nau Brah Ndu Ngơi 2023

⁷ Brah Yêsu lah: “Geh đŏng nau nchih: ‘May lơi rlong uănh Kôranh Brah, jêng Brah Ndu may ôh.’ ”

Bunong Bible Latin Script Cambodian dialect

⁷ Brah Yêsu ơh ma păng: “Ta Nau Kôranh Brah Ngơi lĕ nchih kơt nđa: ‘Lơi ôh rlong nau dơi Kôranh Brah i brah khân ay may yơk mbah’.”

Bunong

⁷ ឞ្រាស​យេឆូ  ​អើស​មា​ពាង់៖ “តា​នាវ​កោរាញ​ឞ្រាស​ងើយ​លែៈ​ញចីស​កើត​នអា៖ «លើយ​អោស​រាល៝ង​នាវ​ទើយ​កោរាញ​ឞ្រាស​អី​ឞ្រាស​ខាន់​អៃ​មៃ​យើក​មឞាស»”។

Mathay 4:7 Iomraidhean Croise

Nau Mprơ Ơm 106:14

Nuih n'hâm khân păng kơnh ngăn tâm ndrêch rdah, Jêh ri khân păng rlong uănh Brah Ndu tâm ntŭk bri hŏng.

Nau Mprơ Ơm 78:18

Khân păng ndra ma rlong uănh Brah Ndu, Gay ma geh ndơ sông sa tĭng nâm khân păng ŭch.

Nau Mprơ Ơm 78:41

Khân păng ƀaƀơ nau rlong uănh Brah Ndu, Ƀư rmanh Nơm Kloh Ueh Israel.

Nau Mprơ Ơm 78:56

Nđâp lah pônây khân păng ăt rlong uănh Jêh ri tâm rdâng đah Brah Ndu Nơm Dŭt Prêh, Mâu tĭng djôt prăp ôh nau Brah Ndu ntĭnh.

Nau Mprơ Ơm 95:9

Jêng ntŭk phung chô yau khân may rlong uănh jêh Gâp, Sek uănh Gâp jêh ri saơ kan Gâp.

Nau Ngluh Êjipt 17:2

Phung ƀon lan tâm rlăch đah Y-Môis jêh nây lah: “Ăn hom dak ma hên nhêt.” Y-Môis ơh ma khân păng: “Mâm ƀư khân may joi nau đah gâp? Mâm ƀư khân may janh rlong uănh Brah Yêhôva?”

Nau Ngluh Êjipt 17:7

Y-Môis rnha ntŭk nây jêng Masa jêh ri Mêriba, yorlah phung ƀon lan Israel hŏ joi nau đah păng jêh ri janh rlong uănh Brah Yêhôva dôl khân păng lah: “Brah Yêhôva geh gŭ ta nklang phung hên mâu lah mâu?”

Êsai 8:20

Hăn tĭng hom nau vay jêh ri nau mbơh! Tơlah khân păng mâu ngơi tâm ban pônây, n'hêl nanê̆ mâu mra geh nau ƀhit rvi ang ma khân păng ôh.

Malachi 3:15

Aƀaơ, hên kơp phung sưr jêng geh ueh lăng ngăn; phung ƀư nau djơh mhĭk mâu knŏng dơi geh nau chăt hao, ƀiălah khân păng hôm e rlong uănh Brah Ndu, jêh ri hŏ dơi klaih jêh!”

Nau Kơp Bunuyh 14:22

lĕ rngôch phung saơ jêh nau chrêk rmah jêh ri nau mbên khlay Gâp hŏ ƀư jêh tâm n'gor Êjipt jêh ri tâm bri rdah, ƀiălah hŏ rlong uănh jêh Gâp jât tơ̆, tâm ban đŏng mâu tông bâr Gâp ôh,

Mathay 21:16

jêh ri lah ma Brah Yêsu pô aơ: “May tăng lĕ nau phung kon se aơ lah?” Brah Yêsu plơ̆ lah: “Ơ, khân may mâu mâp uănh hĕ nau nchih jêh pô aơ: May geh jêh nau tâm rnê tă bơh trôm mbung kon se jê̆ jêh ri kon se dôl pu?”

Mathay 21:42

Brah Yêsu lah ma khân păng: “Khân may ê hŏ mâp geh rŏ nau aơ tâm Nau Brah Ndu Ngơi: ‘Glo lŭ phung ƀư ngih mƀăr lơi jêh Hŏ jêng lŭ njônh ngih; Aơ jêng kan Kôranh Brah ƀư, Jêh ri nây jêng nau khlay ngăn tanăp măt he’?

Mathay 4:10

Brah Yêsu lah ma păng: “Hơi Satan, rŭch plơ̆ hom! Yorlah geh nau nchih jêh pô aơ: ‘Ăn may yơk mbah ma Kôranh Brah jêng Brah Ndu may, jêh ri knŏng pah kan knŏng du huê Păng dơm yơh.’ ”

Mathay 4:4

Brah Yêsu plơ̆ lah: “Geh nau nchih pô aơ: ‘Bunuyh gŭ rêh mâu di ôh knŏng bơh piăng let dơm, ƀiălah ăt geh đŏng bơh lĕ nau ngơi luh bơh bâr mbung Brah Ndu.’ ”

Luka 4:12

Brah Yêsu plơ̆ lah: “Geh nau lah: ‘May lơi rlong uănh Kôranh Brah, jêng Brah Ndu may ôh.’ ”

Kôranh Oh Mon 15:10

Pôri aƀaơ, mâm ƀư khân may janh rlong uănh Brah Ndu, dơm ta trô ko phung oh mon du mlâm mâng mbăk, phung chô yau he mâu lah he nơm ăt mâu dơi mbăk lĕ.

Kôranh Oh Mon 5:9

Y-Pêtrôs lah: “Mâm ƀư khân ay du ai tâm chră jêh gay ma rlong uănh Brah Huêng Ueh Kôranh Brah? Ri, jâng phung bunuyh hăn tâp jêh sai ay dôl gŭ padih mpông, khân păng mra tung tâp ay đŏng.”

I Kôrintô 10:9

Lơi he rlong uănh Kôranh Brah ôh nâm bu phung ƀaƀă tâm khân păng, jêh ri khân păng khĭt đah nau bêh chôk.

Nau Vay Nkah Tay 6:16

Lơi ta khân may rlong uănh Yêhôva Brah Ndu khân may nâm bu may hŏ rlong uănh jêh Păng ta Masa.

ហេឞ្រើ 3:9

Ta ntŭk phung chô yau khân may saơ jêh kan Gâp ƀư tâm puăn jât năm, Hôm ma rlong uănh Gâp!