Mathay 4:4 - Nau Brah Ndu Ngơi 2023

⁴ Brah Yêsu plơ̆ lah: “Geh nau nchih pô aơ: ‘Bunuyh gŭ rêh mâu di ôh knŏng bơh piăng let dơm, ƀiălah ăt geh đŏng bơh lĕ nau ngơi luh bơh bâr mbung Brah Ndu.’ ”

Bunong Bible Latin Script Cambodian dialect

⁴ Yơn ma Brah Yêsu ơh ma păng: “Mâu ôh. Lĕ bu nchih jêh ta Nau Kôranh Brah Ngơi: ‘Bunuyh mâu ôh rêh tă bơh ndơ sông sa dơm, Rêh tă bơh dâng lĕ nau ngơi lôh tă bơh mbung Kôranh Brah’.”

Bunong

⁴ យើន​មា​ឞ្រាស​យេឆូ  ​អើស​មា​ពាង់៖ “មោ​អោស។ លែៈ​ឞូ​ញចីស​ជេស​តា​នាវ​កោរាញ​ឞ្រាស​ងើយ៖ «ឞូនុយ្ស​មោ​អោស​រេស​តាៈ​ឞើស​នទើ​ឆោង​ឆា​ទើម‌ រេស​តាៈ​ឞើស​ទឹង​លែៈ​នាវ​ងើយ​លោស​តាៈ​ឞើស​មឞូង​កោរាញ​ឞ្រាស»”។

Mathay 4:4 Iomraidhean Croise

Nau Ngluh Êjipt 16:15

Saơ kơt nây, phung ƀon lan Israel tâm ôp ndrăng nơm: “Moh ndơ nây?” Yorlah khân păng mâu gĭt ôh moh ndơ nây jêng. Y-Môis lah ma phung ƀon lan: “Ndơ nây jêng piăng let Brah Yêhôva ăn ma khân may gay ƀư ndơ sa.”

Nau Ngluh Êjipt 16:35

Phung ƀon lan Israel sa mana tâm puăn jât năm, kŏ tât lăp tâm n'gor khân păng gŭ. Khân păng hŏ sa mana kŏ tât lăp n'har bri n'gor Kanaan.

Nau Ngluh Êjipt 16:8

Y-Môis lah: “Mhaơ aơ Brah Yêhôva mra ăn puăch ma khân may sa, jêh ri kêng ôi ăn piăng let mra rmeh ler yorlah Brah Yêhôva hŏ tăng jêh nau khân may nduyh Păng. Bi ma hên mbu jêng? Mâu di ma hên ôh khân may nduyh, ƀiălah nduyh ma Brah Yêhôva ya.”

Nau Ngluh Êjipt 23:15

Ăn may djôt prăp nau rƀŭn Piăng Let Mâu Geh Ndrui. Tâm pơh nar, ăn sa piăng let mâu geh ndrui tâm nar lĕ nal jêh tâm khay Abip, nâm Gâp hŏ ntăm ntĭnh jêh kon, yor tâm khay nây kon hŏ luh jêh bơh n'gor Êjipt. Mâu geh ăn du huê hăn ti dơm văch tanăp măt Gâp.

Mathay 15:11

Mâu di ndơ lăp tâm trôm mbung ôh ƀư ƀơ̆ bunuyh; ƀiălah ndơ luh tă bơh mbung, ndơ nây yơh ƀư ƀơ̆ bunuyh.”

Mathay 4:10

Brah Yêsu lah ma păng: “Hơi Satan, rŭch plơ̆ hom! Yorlah geh nau nchih jêh pô aơ: ‘Ăn may yơk mbah ma Kôranh Brah jêng Brah Ndu may, jêh ri knŏng pah kan knŏng du huê Păng dơm yơh.’ ”

Mathay 4:7

Brah Yêsu lah: “Geh đŏng nau nchih: ‘May lơi rlong uănh Kôranh Brah, jêng Brah Ndu may ôh.’ ”

Markôs 7:20

Păng lah tay: “Moh ndơ luh tă bơh bunuyh jêng ƀư ƀơ̆ păng.

Luka 4:12

Brah Yêsu plơ̆ lah: “Geh nau lah: ‘May lơi rlong uănh Kôranh Brah, jêng Brah Ndu may ôh.’ ”

Luka 4:4

Brah Yêsu plơ̆ lah: “Geh nau nchih jêh: ‘Bunuyh gŭ rêh mâu di ôh knŏng bơh piăng let dơm.’ ”

Luka 4:8

Brah Yêsu plơ̆ lah: “Geh nau nchih: ‘Ăn may yơk mbah ma Kôranh Brah, jêng Brah Ndu may, jêh ri knŏng pah kan knŏng du huê Păng dơm yơh!’ ”

Yôhan 15:26

Ƀiălah dôl Nơm Bonh Leng văch, jêng Nơm Gâp mra njuăl văch ma khân may tă bơh Mbơ̆, jêng Brah Nau Ngăn luh tă bơh Mbơ̆, Păng yơh mra mbơh ma Gâp.

Yôhan 6:63

Brah huêng yơh ƀư ăn nau rêh, nglay săk mâu khlay ôh. Lĕ nau Gâp ngơi jêh ma khân may jêng huêng brah jêh ri nau rêh.

Samƀŭt Pôl Njuăl Ăn Ma Phung Nsing Ta Ƀon Rôm 15:4

Lĕ nau bu nchih jêh bơh kăl e jêng gay ma ntĭm nti he, gay ma tă bơh nau nâp jêh ri n'hao nuih n'hâm Nau Brah Ndu Ngơi he geh nau kâp gân.

Êphêsô 6:17

Ndô hom môk nau tâm rklaih jêh ri djôt đao Brah Huêng Ueh, jêng nau ngơi Brah Ndu.

Nau Vay Nkah Tay 8:3

Păng hŭch khân may, jêh ri ƀư ăn khân may mâp nau ji ngot jêh nây ăn ma khân may sa mana, khân may jêh ri lĕ phung chô yau khân may ê hŏ tă gĭt năl, gay nti ăn khân may gĭt kon bunuyh gŭ rêh mâu di ôh knŏng bơh piăng let dơm, ƀiălah ăt geh đŏng bơh lĕ nau ngơi luh bơh bâr mbung Brah Yêhôva.