Mathay 4:23 - Nau Brah Ndu Ngơi 2023

²³ Brah Yêsu hăn lam n'gor Galilê, nti tâm ngih rƀŭn, mbơh nkoch Nau Mhe Mhan Ueh ma ƀon bri hađăch klơ trôk, jêh ri Păng ƀư bah ăp ntil nau ji kuet tâm phung ƀon lan.

Bunong Bible Latin Script Cambodian dialect

²³ Brah Yêsu hăn lam bri Galilê, Păng nti phung ƀon lan ta nhih rƀŭn phung Israel khân păng nơm. Păng mbơh nkoch nau mhe mhan ueh ma nau Kôranh Brah mât uănh, jêh ri jan bah dâng lĕ nau ji ăp ntil.

Bunong

²³ ឞ្រាស​យេឆូ  ​ហាន់​លាម​ឞ្រី​កាលីលេ  ពាង់​នតី​ផូង​ប៝ន​លាន​តា​ញីស​រាបុន​ផូង​អីឆ្រាអែល  ​ខាន់​ពាង់​នើម។ ពាង់​មឞើស​ងក៝ច​នាវ​មហែ​មហាន​អ្វែស​មា​នាវ​កោរាញ​ឞ្រាស​ម៝ត់​អ្វាញ់ ជេសរី​ជាន​ឞាស​ទឹង​លែៈ​នាវ​ជី​អាប់​នតីល។

Mathay 4:23 Iomraidhean Croise

Nau Mprơ Ơm 103:3

Păng yơh yô̆ an lĕ nau tih may, Ƀư bah lĕ nau ji kuet may,

Nau Mprơ Ơm 74:8

Khân păng lah: “Ăn he ƀư rai lĕ khân păng.” Khân păng su lĕ rngôch ngih rƀŭn Brah Ndu tâm n'gor.

Mathay 11:5

Bunuyh chieh măt dơi saơ ang, bunuyh rvĕn dơi hăn, bunuyh phŭng sa dơi kloh, bunuyh tê̆k dơi tăng, bunuyh khĭt dơi dâk rêh tay, jêh ri bunuyh o ach dơi tăng Nau Mhe Mhan Ueh.

Mathay 12:9

Brah Yêsu du tă bơh nây, lăp tâm ngih rƀŭn.

Mathay 13:19

Mbu tăng nau ngơi ma ƀon bri hađăch klơ trôk ƀiălah mâu gĭt rbăng ôh, brah djơh văch sŏk lơi nau bu nsrih jêh tâm nuih n'hâm păng; nây jêng nâm bu găr ntil tŭp rŏ trong.

Mathay 13:54

Păng sĭt ta n'gor Păng nơm, Păng nti lah ma phung ƀon lan tâm ngih rƀŭn, kŏ tât khân păng hih rhâl ngăn jêh ri lah: “Mbah tă luh Păng geh nau blau mĭn nây jêh ri ƀư lĕ nau brah kơt nĕ?

Mathay 14:14

Tơlah luh bơh plŭng, Brah Yêsu saơ bunuyh âk ngăn, Păng yô̆ nđach ma khân păng, jêh ri ƀư bah phung bunuyh ji kuet.

Mathay 24:14

Nau Mhe Mhan Ueh ma ƀon bri hađăch Brah Ndu bu mra mbơh nkoch lam neh ntu gay mbơh ma lĕ rngôch ntil mpôl bunuyh; nôk nây, nar nglĕ dŭt mra tât.

Mathay 3:2

“Rmal hom nau tih, yorlah ƀon bri hađăch klơ trôk dăch tât jêh!”

Mathay 9:35

Brah Yêsu hăn lam tâm ăp ƀon toyh, ƀon jê̆, nti tâm lĕ ngih rƀŭn, mbơh nkoch Nau Mhe Mhan Ueh ma ƀon bri hađăch klơ trôk jêh ri ƀư bah ăp ntil nau ji.

Markôs 1:14

Jêh bu nhŭp krŭng Y-Yôhan, Brah Yêsu hăn ta n'gor Galilê, mbơh nkoch Nau Mhe Mhan Ueh Brah Ndu.

Markôs 1:21

Brah Yêsu ndrel ma phung oh mon hăn ta ƀon Kapernum. Ta nar saƀat, Păng lăp ro tâm ngih rƀŭn jêh ri ntơm nti lah.

Markôs 1:39

Păng hăn lam tâm n'gor Galilê, mbơh nkoch tâm lĕ ngih rƀŭn jêh ri mprơh brah mhĭk.

Markôs 3:10

Păng hŏ ƀư bah jêh âk bunuyh ji; yor ri, mbu nơm geh nau ji kuet srôih hăn dăch Păng gay ma Păng pah bi.

Markôs 6:2

Tât nar saƀat, Păng ntơm ntĭm nti tâm ngih rƀŭn. Âk bunuyh iăt Păng nti lah hih rhâl jêh ri lah: “Mbah tă luh păng geh lĕ rngôch nau nây? Moh nau blau mĭn bu ăn ma păng? Mâm ƀư ti păng dơi geh âk nau brah kơt nĕ?

Markôs 6:6

Brah Yêsu hih rhâl yor nuih n'hâm khân păng mâu chroh. Jêh nây yơh Brah Yêsu hăn nti lah lam lĕ ƀon jê̆ jê̆ dăch nây.

Luka 10:9

Ƀư bah hom bunuyh ji gŭ ta nây jêh ri lah ma khân păng pô aơ: ‘Ƀon bri hađăch Brah Ndu văch dăch jêh ma khân may.’

Luka 13:10

Tâm nar saƀat, Brah Yêsu dôl nti lah tâm du ngih rƀŭn.

Luka 16:16

Nau vay jêh ri nau mbơh lor ăt hôm tât ta rnôk Y-Yôhan dơm. Ntơm nar nĕ, bu mbơh nkoch Nau Mhe Mhan Ueh ma ƀon bri hađăch Brah Ndu jêh ri lĕ rngôch bunuyh dŏng nau dơi ktang gay lăp ta nây.

Luka 20:1

Du nar, dôl Brah Yêsu ntĭm nti ma phung ƀon lan tâm ngih brah jêh ri mbơh nkoch Nau Mhe Mhan Ueh, phung kôranh ƀư brah toyh, phung kôranh nchih samƀŭt jêh ri phung bu ranh văch

Luka 4:14

Brah Yêsu plơ̆ sĭt ta n'gor Galilê tâm nau brah Brah Huêng Ueh, jêh ri nau lư n'găr Păng lam n'gor lĕ nkual chiau meng.

Luka 5:17

Du nar ri, Brah Yêsu gŭ nti lah, geh phung Pharisi jêh ri phung nơm nti nau vay tă bơh lĕ ƀon tâm n'gor Galilê, n'gor Yuđa jêh ri tă bơh ƀon Yêrusalem văch gŭ ta nây. Nau Dơi Kôranh Brah gŭ ndrel Păng gay ƀư bah nau ji kuet.

Luka 6:17

Păng hăn jŭr ndrel ma phung kôranh oh mon jêh ri dâk ta ntŭk neh lâng. Geh âk phung oh mon Păng ndrel ma phung bunuyh âk ngăn bơh lam n'gor Yuđa, bơh ƀon Yêrusalem, jêh ri tă bơh n'gor kơh dak mƀŭt ƀon Tyre, ƀon Sidôn văch gay iăt Brah Yêsu ntĭm nti jêh ri gay dơi ƀư bah nau ji kuet.

Luka 6:6

Du nar saƀat êng, Brah Yêsu lăp tâm ngih rƀŭn phung ntĭm nti. Ta nây, geh du huê bunuyh siăr ti pa ma.

Luka 7:21

Ta mông nây, Brah Yêsu ƀư bah âk bunuyh ji kuet, bunuyh lŭt jâng ti, bunuyh geh brah mhĭk lơh jêh ri ƀư ăn âk bunuyh chieh măt dơi saơ ang.

Luka 7:22

Păng plơ̆ lah ma phung nây: “Plơ̆ sĭt nkoch tay hom ma Y-Yôhan lĕ nau khân may hŏ saơ jêh ri hŏ tăng jêh: Bunuyh chieh măt dơi saơ ang, bunuyh rvĕn dơi hăn, bunuyh phŭng sa dơi kloh, bunuyh tê̆k dơi tăng, bunuyh khĭt dơi dâk rêh tay, bunuyh o ach dơi tăng Nau Mhe Mhan Ueh.

Luka 8:1

Pakơi nây, Brah Yêsu hăn ntơm bơh ƀon aơ tât ta ƀon ri, ƀon jê̆ aơ tât ta ƀon jê̆ jê̆ êng, jêh ri mbơh nkoch Nau Mhe Mhan Ueh ma ƀon bri hađăch Brah Ndu. Jât ma bar kôranh oh mon hăn ndrel ma Păng.

Luka 9:11

Lah phung ƀon lan dơi gĭt, ri mơ hăn tĭng Păng. Brah Yêsu vơt rom khân păng, mbơh nkoch ăn khân păng ma ƀon bri hađăch Brah Ndu, jêh ri ƀư bah ăn phung ŭch bah nau ji.

Luka 9:60

Ƀiălah Brah Yêsu lah: “Ăn bunuyh khĭt tâp bunuyh khĭt khân păng; bi may, hăn hom jêh ri mbơh nkoch ƀon bri hađăch Brah Ndu.”

Yôhan 18:20

Brah Yêsu plơ̆ lah: “Gâp hŏ ngơi rah vah jêh ma lĕ rngôch ntil mpôl bunuyh. Gâp vay nti tâm ngih rƀŭn jêh ri tâm ngih brah, ntŭk lĕ rngôch phung Yuđa gŭ rgum, Gâp mâu mâp ngơi du ntil nau ndâp ôh.

Yôhan 6:59

Brah Yêsu ngơi lĕ nau aơ dôl Păng ntĭm nti tâm ngih rƀŭn ta ƀon Kapernum.

Yôhan 7:1

Jêh ma nau nây, Brah Yêsu hăn tâm n'gor Galilê; Păng mâu ŭch hăn ôh tâm n'gor Yuđa, yorlah phung Yuđa joi ŭch nkhĭt Păng.

Kôranh Oh Mon 10:38

mâm nau Brah Ndu hŏ tŏ dak ƀâu kah ma Brah Yêsu, bunuyh ƀon Nasaret ma Brah Huêng Ueh jêh ri nau brah, jêh Păng hăn lam ntŭk ƀư ueh jêh ri ƀư bah lĕ rngôch bunuyh brah mhĭk tŭn jot, yorlah Brah Ndu gŭ ndrel ma Păng.

Kôranh Oh Mon 18:4

Ăp nar saƀat, Y-Pôl mbơh nkoch tâm ngih rƀŭn, srôih jă phung Yuđa jêh ri phung Grek.

Kôranh Oh Mon 20:25

Aƀaơ, gâp gĭt tâm lĕ rngôch khân may phung gâp mbơh nkoch jêh ma nau ƀon bri hađăch Brah Ndu, mâu du huê nuyh mra saơ muh măt gâp đŏng ôh.

Kôranh Oh Mon 28:31

nti lah ma ƀon bri hađăch Brah Ndu, jêh ri nti ma Kôranh Brah jêng Brah Yêsu Krist ma nau kon me, mâu geh nơm buay păng.

Samƀŭt Pôl Njuăl Ăn Ma Phung Nsing Ta Ƀon Rôm 10:15

Tơlah mâu geh bunuyh bu njuăl nsong, mâm ƀư geh bunuyh hăn mbơh nkoch? Tĭng nâm nau nchih jêh: “Ueh lăng âk ngăn mpang jâng phung hăn mbơh nkoch Nau Mhe Mhan Ueh!”