Mathay 27:63 - Nau Brah Ndu Ngơi 2023

⁶³ jêh ri lah: “Hơi kôranh, hên kah gĭt ma bunuyh mƀruh nây, dôl păng hôm rêh lah: ‘Lôch pe nar Gâp mra dâk rêh tay.’

Bunong Bible Latin Script Cambodian dialect

⁶³ mbơh ma păng: “Ơ kôranh, hên hôm kah gĭt nau Bunuyh mƀrôh i nây lah nôk Păng hôm rêh nơh: ‘Jêh Gâp khât, tât pe nar Gâp dâk rêh tay’.

Bunong

⁶³ មឞើស​មា​ពាង់៖ “អើ​កោរាញ ហេន​ហោម​កាស​គឹត​នាវ​ឞូនុយ្ស​មរោស​អី​នៃ​លាស​នោក​ពាង់​ហោម​រេស​នើស៖ «ជេស​គ៝ប់​ខឹត ត៝ត់​ពែ​នារ​គ៝ប់​ទ៝ក់​រេស​តៃ»។

Mathay 27:63 Iomraidhean Croise

Mathay 16:21

Ntơm bơh nar nây, Brah Yêsu ntơm mbơh ma phung oh mon gĭt pô aơ Păng mra hăn tâm ƀon Yêrusalem, tuy dơn âk nau rêh ni tă bơh phung kôranh bu ranh, phung kôranh ƀư brah toyh ndrel ma phung kôranh nchih samƀŭt, phung nây mra nkhĭt Păng, ta nar tal pe Păng dâk rêh tay.

Mathay 17:23

Khân păng mra nkhĭt Păng, ƀiălah tât ta nar tal pe, Păng mra dâk rêh tay.” Phung oh mon rngot hâu ngăn.

Mathay 20:19

jêh nây jao Păng ma phung bu năch gay ma khân păng mưch rmot, dong ma mâng, jêh ri pâng kđĭn ta si tâm rkăng. Ƀiălah tât nar tal pe, Păng mra dâk rêh tay.”

Mathay 26:61

Bu phong kơt aơ: “Bunuyh aơ lah jêh: ‘Gâp dơi ƀư rai ngih brah Brah Ndu, jêh nây ndâk tay păng tâm pe nar.’ ”

Mathay 27:64

Yor ri, dăn kôranh đă bu chiă uănh môch ăn ueh tât ta nar tal pe, klach lah phung oh mon păng văch, sŏk ntŭng săk jăn, jêh nây lah ma lĕ rngôch bunuyh pô aơ ‘Păng dâk rêh tay jêh tă bơh nau khĭt,’ jêh ri nau mƀruh pakơi nây mra jêng mhĭk lơn nau mƀruh lor.”

Mathay 28:6

Păng mâu hôm gŭ ta aơ ôh, Păng hŏ dâk rêh tay jêh, nâm bu Păng lah jêh. Văch uănh hom ntŭk njor Păng.

Markôs 10:34

Bu mra njrŏ mưch ma Păng, soh dak diu ta Păng, dong ma mâng, jêh ri nkhĭt khĭt Păng; ƀiălah tăch pe nar pakơi, Păng mra dâk rêh tay.”

Markôs 8:31

Nôk nây, Brah Yêsu ntơm nti ma phung oh mon pô aơ Kon Bunuyh dơn âk nau rêh ni, phung kôranh bu ranh, phung kôranh ƀư brah toyh jêh ri phung kôranh nchih samƀŭt dun lơi, bu nkhĭt, jêh ri tăch pe nar pakơi Păng dâk rêh tay.

Markôs 9:31

yorlah Păng ntĭm nti ma phung oh mon pô aơ: “Bu mra jao Kon Bunuyh tâm ti phung bunuyh, khân păng mra nkhĭt lơi Păng; jêh ri tăch pe nar pakơi jêh bu nkhĭt, Păng mra dâk rêh tay.”

Luka 18:31

Brah Yêsu djôt leo jât ma bar kôranh oh mon ntŭk êng jêh ri lah ma khân Păng: “Aơ, he hăn ta ƀon Yêrusalem; lĕ nau phung nơm mbơh lor nchih jêh ma Kon Bunuyh mra dơi ƀư nanê̆.

Luka 18:33

Khân păng mra dong Păng ma mâng jêh ri nkhĭt Păng; tât nar rơh pe, Păng mra dâk rêh tay.”

Luka 23:2

Khân păng ntơm phong Brah Yêsu pô aơ: “Hên gĭt năl jêh bunuyh aơ nsŭk nsôr phung ƀon lan tâm rdâng, buay hên chê̆ pi ma Sêsar, jêh ri lah păng nơm jêng Brah Krist, jêng Hađăch.”

Luka 9:22

Brah Yêsu lah: “Kon Bunuyh dơn âk nau rêh ni, phung bu ranh, phung kôranh ƀư brah toyh jêh ri phung kôranh nchih samƀŭt dun lơi, bu nkhĭt Păng, ta nar tal pe Păng dâk rêh tay.”

Yôhan 2:19

Brah Yêsu lah: “Ƀư rai hom ngih brah aơ, tâm pe nar Gâp mra ndâk đŏng.”

Yôhan 7:12

Geh âk nau ngơi ƀŭk dŭk suyh ma Brah Yêsu ta nklang phung âk. Nơm lah: “Păng jêng bunuyh ueh ngăn;” nơm êng lah tay: “Mâu, păng jêng nơm ndơm phung ƀon lan.”

Yôhan 7:47

Phung Pharisi lah ma khân păng: “Khân may tŭp nau păng ndơm đŏng ƀơh?

II Kôrintô 6:8

nđâp tơlah bu rnê mâu lah bêk prêng, nđâp tơlah geh nau lư mhĭk mâu lah ueh. Bu ƀư ma hên nâm bu phung ngơi mƀruh, ƀiălah hên jêng bunuyh nanê̆ ngăn;