Mathay 27:32 - Nau Brah Ndu Ngơi 2023

³² Dôl khân păng hăn luh, khân păng saơ du huê bunuyh tă bơh ƀon Siren amoh păng Y-Simôn, jêh ri đă bunuyh nây tuy si tâm rkăng Brah Yêsu.

Bunong Bible Latin Script Cambodian dialect

³² Nôk lôh bơh ƀon, phung tahen mâp du huê bu klô rnha păng Simôn tă bơh ƀon kuŏng Kiren, bu đă ôbăl tui si tâm rkăng Brah Yêsu

Bunong

³² នោក​លោស​ឞើស​ប៝ន ផូង​តាហែន​ម៝ប់​ទូ​ហ្វេ​ឞូ​ក្លោ​រាញា​ពាង់​ឆីមោន  ​តាៈ​ឞើស​ប៝ន​ក្វ៝ង់​កីរេន  ឞូ​ដាៈ​អោឞាល់​តូយ​ឆី​តឹម​រាកាង់​ឞ្រាស​យេឆូ

Mathay 27:32 Iomraidhean Croise

I Phung Hađăch 21:10

Dơm hom tanăp măt păng bar hê phung mhĭk gay khân păng phong păng pô aơ: ‘May hŏ rak rtăp Brah Ndu jêh ri hađăch,’ jêh nây djôt leo păng luh padih jêh ri klŭp lŭ nkhĭt păng.”

I Phung Hađăch 21:13

Nôk nây, bar hê phung mhĭk văch gŭ panăp Y-Nabôt. Bar hê phung mhĭk nây phong mƀruh ma Y-Nabôt panăp phung ƀon lan pô aơ: “Y-Nabôt rak rtăp jêh ma Brah Ndu jêh ri ma hađăch.” Jêh nây khân păng njŭn leo păng luh padih ƀon jêh ri klŭp păng ma lŭ kŏ tât khĭt.

Kan Lêvi 4:12

jêng lĕ rngôch ndơ hôm e tă bơh ndrôk, ăn kôranh ƀư brah njŭn luh padih ngih bok, tât ta du ntŭk kloh jêng ntŭk bu nkhŭt ŭnh buh, jêh nây bun ta klơ long gay ma su, jêng su ta ntŭk bu nkhŭt ŭnh buh.

Kan Lêvi 4:21

Jêh nây, ăn păng njŭn ndrôk luh padih rmlak tahan jêh ri su păng tâm ban ma păng hŏ su jêh ndrôk tal lor. Nĕ jêng ndơ ƀư brah chuai nau tih ăn ma phung tâm rƀŭn.

Kan Lêvi 4:3

Tơlah păng jêng kôranh ƀư brah toyh lơn dơn jêh nau bu tŏ dak ngi, ƀiălah păng ƀư tih njŭn ma phung ƀon lan khan tâm nau tih, yor nau tih păng hŏ ƀư nây, kôranh ƀư brah nây nhhơr hom ma Brah Yêhôva du mlâm ndrôk mâu geh ntŭk têl khap ôh, gay ƀư mpa ƀư brah chuai nau tih.

Mathay 16:24

Jêh nây Brah Yêsu lah ma phung oh mon pô aơ: “Tơlah mbu nơm ŭch tĭng Gâp, ăn păng dun khân păng nơm, tuy si tâm rkăng khân păng nơm gay tĭng Gâp.

Mathay 5:41

tơlah bu nchâp may hăn du vang, ăn may hăn đah păng bar vang.

Markôs 15:21

Khân păng nchâp du huê bunuyh hăn rgăn trong tuy si tâm rkăng Păng. Bunuyh nây amoh Y-Simôn, bunuyh Siren, jêng mbơ̆ Y-Aleksandrơ jêh ri Y-Ruphus, văch tă bơh ƀon tơm.

Luka 23:26

Dôl têk leo Brah Yêsu hăn, khân păng nhŭp du huê tă bơh ƀon Siren, rnha păng Y-Simôn, păng hăn hao tă bơh ƀon tơm, jêh ri khân păng nchâp păng tuy si tâm rkăng tĭng pakơi Brah Yêsu.

Yôhan 19:17

Brah Yêsu tuy si tâm rkăng hăn tât ta du ntŭk bu kuăl jêng Ntŭk Nting Bôk, nau ngơi Hêbrơ kuăl jêng Gôgôtha.

Kôranh Oh Mon 11:20

Ƀiălah, bar pe nuyh tâm phung khân păng tă bơh kôdak Syprơ jêh ri bơh ƀon Siren tât ta ƀon Antiôs, nti lah đŏng Nau Mhe Mhan Ueh ma phung Grek, nkoch mbơh Kôranh Brah jêng Brah Yêsu ma khân păng.

Kôranh Oh Mon 13:1

Tâm Phung Ngih Brah Ndu ta ƀon Antiôs geh phung nơm mbơh lor jêh ri phung kôranh nơm nti: Y-Ƀarnaƀas, Y-Simêôn, ntơ amoh Y-Niger, Y-Lusius, bunuyh Siren, Y-Manahem jêng oh mât rong hađăch Hêrôt, jêh ri Y-Sôl.

Kôranh Oh Mon 2:10

Phriji, Pamphili, Êjipt, Libi dăch Siren; ƀaƀă bu năch nsong văch tă bơh ƀon Rôm,

Kôranh Oh Mon 6:9

Nôk nây, geh ƀaƀă bunuyh tâm ngih rƀŭn rnha jêng ngih rƀŭn phung bunuyh kon me jêh ri phung bunuyh tă bơh ƀon tơm ta Siren, ta Aleksandrơ, ndrel ma phung Yuđa tă bơh n'gor Silisi jêh ri n'gor Asi, dâk jêh ri tâm rlăch đah Y-Êtiên.

Kôranh Oh Mon 7:58

têk păng du luh padih ƀon, jêh ri klŭp lŭ ma păng. Phung nơm mbơh nkoch sŏk kho ao khân păng dơm ta jâng du huê bu klâu ndăm, amoh păng Y-Sôl.