Mathay 27:25 - Nau Brah Ndu Ngơi 2023

²⁵ Lĕ phung ƀon lan plơ̆ lah da dê: “Dăn mham păng tŭp ta hên jêh ri ta phung kon sau hên!”

Bunong Bible Latin Script Cambodian dialect

²⁵ Dâng lĕ phung ƀon lan ơh drơu: “Lah Păng mâu geh nau tih, ăn dôih i nây tŭp ta hên nơm, ndrel ma kon sau hên nơm mham Păng i nây!”

Bunong

²⁵ ទឹង​លែៈ​ផូង​ប៝ន​លាន​អើស​ទ្រើវ៖ “លាស​ពាង់​មោ​គែស​នាវ​តីស អ៝ន់​ទោយ្ស​អី​នៃ​តុប​តា​ហេន​នើម នទ្រែល​មា​ក៝ន​ឆៅ​ហេន​នើម​មហាម​ពាង់​អី​នៃ!”

Mathay 27:25 Iomraidhean Croise

II Samuel 1:16

Y-Đavit lah ma păng: “Ăn mham may nkhŭt tay ta klơ bôk may nơm! Yorlah trôm mbung may nơm lĕ nkoch ma nau tih may nơm, yorlah may hŏ lah pô aơ: ‘Gâp nkhĭt jêh nơm Brah Yêhôva tŏ jêh ma dak ƀâu kah.’”

I Phung Hađăch 2:32

Brah Yêhôva mra ƀư ăn ma mham păng nkhŭt tay ta klơ bôk păng, yorlah păng hŏ rduh dăch bar hê bunuyh sŏng srăng jêh ri ueh lơn ma păng, nkhĭt khân păng ma đao, ƀiălah Y-Đavit, mbơ̆ gâp, mâu gĭt du ntil ndơ ôh; nây jêng Y-Apner, kon Y-Ner, kôranh chiă uănh tahan Israel, jêh ri Y-Amasa, kon Y-Jêther, kôranh chiă uănh tahan Yuđa.

Nau Ngluh Êjipt 20:5

May mâu dơi chon mon ta rup nây mâu lah yơk mbah khân păng; yorlah Gâp jêng Yêhôva Brah Ndu may, jêng Brah Ndu blau ntôn. Đah phung bunuyh tâm rmot Gâp, yor nau tih chô yau Gâp mra tâm rmal ma kon sau khân păng tât rô̆ tal pe, tal puăn.

Nau Kơp Bunuyh 35:33

Khân may lơi ƀư ƀơ̆ ôh n'gor khân may mra gŭ. Yorlah mham ƀư ƀơ̆ neh jêh ri mâu geh ôh nau ƀư kloh neh yor mham nkhŭt ta nây, knŏng đah mham nơm hŏ ƀư nkhŭt mham.

Mathay 21:44

Mbu nơm prah jŭr ta klơ lŭ nây mra nchah rai, ƀiălah lŭ aơ tŭp di tâm mbu nơm mra rchiăt hăch bunuyh nây.”

Kôranh Oh Mon 18:6

Ƀiălah yorlah khân păng tâm rdâng jêh ri ngơi sưr rlau ma păng, păng rtuh bok ao păng jêh ri lah pô aơ: “Ăn mham khân may tŭp ta bôk khân may nơm! Bi gâp mâu geh nau tih. Ntơm bơh aƀaơ aơ, gâp mra hăn ta phung bu năch.”

Kôranh Oh Mon 5:28

“Hên hŏ buay khân may ktang ngăn, mâu ăn nti lah ma amoh bunuyh nây ôh, ƀiălah aƀaơ ri khân may hŏ ƀư jêh ma ƀon Yêrusalem bêng ler nau khân may nti, khân may ŭch ăn mham Bunuyh nây nkhŭt tay ta hên!”

Kôranh Oh Mon 7:52

Mbu tâm phung nơm mbơh lor, dĭng phung chô yau khân may mâu ƀư mhĭk? Khân păng nkhĭt jêh phung ngơi nau mbơh lor ma Nơm Sŏng mra văch, jêng Nơm aƀaơ aơ khân may rlăng jêh ri nkhĭt lơi jêh.

Nau Vay Nkah Tay 19:10

Pônây mham mâu geh nau tih mâu mra hŭk ta nklang n'gor Yêhôva Brah Ndu khân may ăn ma khân may jêng drăp ndơn jêh ri khân may kŏ mâu đŏng khan nau tih ƀư nkhŭt mham.

Nau Vay Nkah Tay 19:13

Lơi uănh păng ma nau yô̆, ƀiălah ƀư ăn kloh mham nơm mâu geh nau tih luh bơh phung Israel, ri mơ khân may dơi geh nau ueh uĭn.

Yôsuê 2:19

Tơlah du huê bunuyh hăn luh tă bơh mpông ngih ay, mham bunuyh nây mra nkhŭt ta klơ păng nơm, bi hên mâu geh nau tih ôh. Ƀiălah mbu nơm lăp ƀư mhĭk ma du huê nơm gŭ ndrel ma ay tâm trôm ngih, mham nơm nây mra nkhŭt ta klơ bôk hên.