Mathay 27:19 - Nau Brah Ndu Ngơi 2023

¹⁹ Rlau ma nây, dôl păng gŭ ta ntŭk phat dôih, ur păng njuăl bu lah ma păng pô aơ: “Lơi ta pah bi ma bunuyh sŏng srăng nây, yor ma bunuyh nây măng aơ gâp geh nau ji ta nuih n'hâm hâu ngăn tâm nau mbơi.”

Bunong Bible Latin Script Cambodian dialect

¹⁹ Nôk Pilat hôm gŭ ta ntŭk phat dôih nây, ur păng đă bu hăn mbơh ma păng: “Lơi ôh jan ma bunuyh i nây, Păng mâu ôh geh nau tih. Yor ma bunuyh i nây măng to nơh gâp mbơi djơh hô ngăn.”

Bunong

¹⁹ នោក​ពីលាត  ​ហោម​គុ​តា​នតុក​ផាត​ទោយ្ស​នៃ អូរ​ពាង់​ដាៈ​ឞូ​ហាន់​មឞើស​មា​ពាង់៖ “លើយ​អោស​ជាន​មា​ឞូនុយ្ស​អី​នៃ ពាង់​មោ​អោស​គែស​នាវ​តីស។ យ៝រ​មា​ឞូនុយ្ស​អី​នៃ​មាង់​ត៝​នើស​គ៝ប់​មឞើយ​អ្យើស​ហោ​ងាន់”។

Mathay 27:19 Iomraidhean Croise

Nau Ntơm 31:11

Tông mpăr Brah Ndu kuăl gâp tâm nau mbơi: ‘Hơi Y-Yakôb!’ Gâp ơh: ‘Gâp ta aơ!’

Nau Ntơm 31:24

Ƀiălah nôk măng, tâm nau mbơi, Brah Ndu tâm mpơl tât ma Y-Laban, bunuyh Aram, jêh ri lah ma păng: “Nđâp tơlah nau ueh mâu lah nau mhĭk, njrăng hom, lơi ngơi janh ma Y-Yakôb.”

Nau Ntơm 31:29

Lah gâp ƀư mhĭk ma may mâu jêng, ƀiălah Brah Ndu chô yau may ngơi jêh pô aơ đah gâp măng ndơh: ‘Nđâp tơlah nau ueh mâu lah nau mhĭk, njrăng hom, lơi ngơi janh ôh ma Y-Yakôb.’

Nau Hôr 29:1

Bunuyh bu nduyh ƀaƀơ lơ hô ƀư dăng ko, Mra rai yot ƀât lât dơm, mâu hôm geh trong dơi săm ôh.

Êsai 53:11

Tă bơh nau rêh ni huêng Păng, Păng mra saơ play kao jêh ri maak. Oh mon sŏng srăng Gâp mra sŏk nau gĭt rbăng păng nơm Ƀư ăn âk bunuyh dơi kơp sŏng srăng, Yorlah Păng tuy nau tih khân păng.

Sakari 9:9

Hơi kon bu ur ƀon Siôn, lĕ rngôch hâk răm hom! Hơi kon bu ur ƀon Yêrusalem, troh nter răm maak hom! Aơ, Hađăch may văch ma may; Păng jêng Nơm Sŏng Srăng jêh ri ăn nau tâm rklaih, Dêh rhêt jêh ri ncho seh bri, Du mlâm seh bri kon, jêng kon bơh seh bri me.

Nau Kơp Bunuyh 12:6

Păng lah: “Iăt hom nau Gâp. Tơlah geh du huê nơm mbơh lor gŭ tâm nklang khân may Gâp jêng Brah Yêhôva mra tâm mpơl ma păng tâm nau tâm saơ Jêh ri Gâp ngơi ma păng tâm nau mbơi.

Mathay 1:20

Dôl nôk Y-Yôsep gŭ mĭn nau nây geh du huê tông mpăr Kôranh Brah mpơl ma păng tâm nau mbơi jêh ri lah pô aơ: “Hơi Y-Yôsep, kon sau Y-Đavit, lơi may klach ôh sŏk H'Mari jêng ur may, yorlah kon păng ntreo tă bơh Brah Huêng Ueh yơh ăn.

Mathay 2:19

Tơlah hađăch Hêrôt khĭt jêh, du huê tông mpăr Kôranh Brah mpơl tâm nau mbơi ma Y-Yôsep ta Êjipt, jêh ri lah pô aơ:

Mathay 2:22

Ƀiălah tơlah păng gĭt ma Y-Arkêlôs jêng hađăch chiă uănh n'gor Yuđa ntrok hađăch Hêrôt mbơ̆ păng, Y-Yôsep klach, mâu nănh plơ̆ sĭt ta bri nây. Rlau lơn ma nĕ, Brah Ndu mbơh ma păng tâm nau mbơi pôri păng hăn gŭ ta n'gor Galilê,

Mathay 27:18

Yorlah păng gĭt, yor nau nach, khân păng jao Brah Yêsu jêh.

Mathay 27:24

Yor ri, nôk Pilat saơ păng nơm mâu dơi ƀư ôh, ƀiălah geh nau nteh uh ah lơ hâu lơn, pôri păng sŏk dak jêh ri rao ti tanăp phung ƀon lan, jêh nây lah: “Gâp mâu tih ôh đah mham bunuyh aơ; nây jêng nau khân may.”

Mathay 27:4

jêh ri lah pô aơ: “Gâp hŏ ƀư tih jêh yor jao mham mâu geh nau tih!” Ƀiălah khân păng plơ̆ lah: “Kan nây moh nau geh đah hên? Nây jêng nau may nơm.”

Luka 23:41

He geh nau rmal jêng di jêh, yorlah he sŏk dơn nau rmal khư ma nau he ƀư; ƀiălah nơm aơ mâu mâp ƀư tih ôh.”

Luka 23:47

Saơ nau tât jêh, kôranh tahan tâm rnê Brah Ndu pô aơ: “Nanê̆ bunuyh aơ jêng bunuyh sŏng srăng!”

Yôhan 19:13

Nôk Pilat tăng nau nây păng njŭn leo Brah Yêsu luh padih, jêh păng gŭ ta ntŭk phat dôih, ta ntŭk bu moh Ntŭk Lăk Lŭ, nau ngơi Hêbrơ kuăl jêng Gabatha.

Kôranh Oh Mon 12:21

Tât ta nar tâm nal, Hêrôt nsoh ao hađăch gŭ ta klơ sưng hađăch ntĭnh ntăm ma khân păng.

Kôranh Oh Mon 18:12

Ƀiălah dôl Y-Galiôn jêng kôranh toyh chiă uănh n'gor Akai, phung Yuđa du ai nau tâm rdâng đah Y-Pôl jêh ri njŭn leo păng ta ntŭk ngih phat dôih.

Kôranh Oh Mon 18:16

Jêh Y-Galiôn mprơh khân păng bơh ngih phat dôih.

Kôranh Oh Mon 18:17

Rnôk nây, khân păng nhŭp Y-Sôsthen, kôranh mât uănh ngih rƀŭn, dong păng tanăp ntŭk ngih phat dôih, ƀiălah Y-Galiôn mâu chrê ma nau nây ôh.

Kôranh Oh Mon 25:10

Y-Pôl ơh: “Gâp dôl gŭ dâk ta ntŭk ngih phat dôih Sêsar jêng ntŭk bu dơi phat dôih gâp; yorlah gâp mâu mâp tih đah phung Yuđa ôh, nâm bu may hŏ gĭt rah vah jêh.

Kôranh Oh Mon 25:17

Yor nây, nôk khân păng văch ta aơ, gay mâu roh mông, gâp gŭ ta ntŭk ngih phat dôih ta nar ôi taơ jêh ri đă bu njŭn păng ro.

Kôranh Oh Mon 25:6

Phêtus gŭ tay ma khân păng klăp lah tâm pham mâu lah jât nar, jêh nây păng hăn trŭnh ta Sêsarê; nar ôi taơ păng gŭ ta ntŭk ngih phat dôih jêh ri đă bu njŭn Y-Pôl ma păng.

I Pêtrôs 2:22

“Păng mâu mâp ƀư tih ôh, Tâm trôm mbung Păng mâu mâp saơ nau mƀruh lĕ.”

I Yôhan 2:1

Hơi phung kon jê̆ lê̆ gâp, gâp nchih lĕ nau aơ ma khân may gay ma khân may mâu ƀư tih. Ƀiălah tơlah bu ƀư tih, he geh du huê Nơm tâm kơl đah Kôranh Brah Mbơ̆ jêng Brah Yêsu Krist, Nơm Sŏng Srăng.