Mathay 26:41 - Nau Brah Ndu Ngơi 2023

⁴¹ Rngeh njrăng hom jêh ri mbơh sơm gay ma khân may mâu tŭp tâm nau ndơm. Huêng ŭch ngăn, ƀiălah nglay săk rdja.”

Bunong Bible Latin Script Cambodian dialect

⁴¹ Khân may njrăng hŏm n'ho ma mbơh sơm, gay ma mâu jan tih nôk geh nau ndơm. Nuih n'hâm bunuyh lĕ ŭch jan di ngăn, tih ma mâu ôh blao jan, yor ma hôm rdja.”

Bunong

⁴¹ ខាន់​មៃ​ញជ្រាង់​ហ៝ម់​នហ៝​មា​មឞើស​ឆើម គៃ​មា​មោ​ជាន​តីស​នោក​គែស​នាវ​នទើម។ នូយ្ស​នហ៝ម់​ឞូនុយ្ស​លែៈ​អុច​ជាន​ទី​ងាន់ តីស​មា​មោ​អោស​ឞ្លាវ​ជាន យ៝រ​មា​ហោម​រាអ្យា”។

Mathay 26:41 Iomraidhean Croise

Nau Mprơ Ơm 119:1

Ueh maak yơh phung mâu hôm geh bu dơi nduyh tâm trong khân păng, Phung hăn tĭng nau vay Brah Yêhôva.

Nau Mprơ Ơm 119:115

Ơ phung ƀư mhĭk, du hom bơh gâp! Gay ma gâp djôt prăp nau vay Brah Ndu ntăm.

Nau Mprơ Ơm 119:117

Dăn May chông gâp jêh ri ăn nau đăp mpăn ma gâp; Gay ma gâp gơih mĭn ƀaƀơ ma nau vay May dăp.

Nau Mprơ Ơm 119:32

Dôl May pơk huy nuih n'hâm gâp, Gâp mra nchuăt tâm trong nau vay May ntăm.

Mathay 24:42

Yor ri, rngeh njrăng hom, yorlah khân may mâu gĭt ôh moh nar Kôranh Brah khân may mra văch.

Mathay 25:13

Pôri, rngeh njrăng hom, yor khân ay may mâu gĭt nar, mâu lĕ gĭt mông đŏng.”

Mathay 26:38

Păng lah: “Huêng gâp rngot rvê ngăn kŏ tât khĭt; khân may hôm gŭ ta aơ jêh ri rngeh njrăng ndrel Gâp.”

Mathay 6:13

Lơi ta njŭn leo hên tâm nau ndơm ôh, Ƀiălah ăn May rklaih hên bơh nơm tih mhĭk! [Yor ma ƀon bri hađăch, nau brah, nau chrêk rmah jêng ndơ mbơ̆ n'ho ro. Amen.]’

Markôs 14:38

Rngeh njrăng hom jêh ri mbơh sơm, gay ma khân may mâu tŭp tâm nau ndơm. Huêng ŭch ngăn, ƀiălah nglay săk rdja.”

Luka 11:4

Dăn yô̆ an nau tih hên, yorlah hên yô̆ an jêh ma bunuyh ƀư tih đah hê. Dăn lơi ăn hên tŭp tâm nau ndơm ôh!’ ”

Luka 21:36

Pôri, rngeh njrăng jêh ri mbơh sơm ƀaƀơ hom, gay khân may tŏng n'hâm suan der luh bơh lĕ nau mra tât geh jêh ri dâk tanăp Kon Bunuyh.”

Luka 22:40

Tơlah Păng tât jêh ta ntŭk, Păng lah ma phung oh mon: “Mbơh sơm hom gay ma khân may mâu tŭp tâm nau ndơm.”

Luka 22:46

Păng lah: “Mâm ƀư khân may bê̆ch? Dâk mbơh sơm hom gay ma khân may mâu mra tŭp tâm nau ndơm.”

Luka 8:13

Lĕ grăp tŭp ta klơ lŭ jêng phung iăt nau Brah Ndu ngơi ma nau maak sŏk dơn ro, ƀiălah mâu geh reh ôh, chroh nsing knŏng ƀât lât, rĭ dĭng nôk geh nau rlong uănh khân păng tŭp.

Samƀŭt Pôl Njuăl Ăn Ma Phung Nsing Ta Ƀon Rôm 8:3

Yorlah moh nau vay mâu dơi ƀư, yor nglay săk ƀư păng rdja, Brah Ndu ƀư jêh: Păng njuăl Kon Păng nơm geh nglay săk tâm ban ma nglay săk tih gay ma dăp nkra nau tih; Păng tâm rmal jêh nau tih tâm nglay săk,

I Kôrintô 10:13

Lĕ nau rlong uănh tât ma khân may, mâu geh du ntil nau rlau ir nau dăng kon bunuyh. Brah Ndu jêng Nơm răp jăp, Păng mâu ăn ma khân may geh nau rlong uănh rlau ir ma n'hâm ktang khân may ôh! Ƀiălah tâm nau rlong uănh, Păng mra pơk trong ma khân may luh, gay ma khân may dơi dơn.

I Kôrintô 16:13

Ăn khân may gŭ njrăng hơm, gŭ nâp tâm nau chroh, ăn khân may nănh nuih n'hâm jêh ri ktang.

I Kôrintô 9:27

Ƀiălah gâp nsrôih nsram đăp ma săk jăn gâp tâm nau dăng ngăn, nchâp păng ăn tông, klach lah jêh gâp nti lah ma bunuyh êng, ƀiălah Brah Ndu mƀăr lơi gâp nơm.

Galati 5:24

Pônây phung jêng bunuyh Brah Yêsu Krist bu pâng kđĭn jêh nglay săk ndrel ma lĕ nau kơnh hâu ir jêh ri nau kơnh ŭch khân păng nơm ta si tâm rkăng jêh.

Êphêsô 6:18

Dŏng ƀaƀơ nau mbơh sơm, vơh vơl, jêh ri mbơh sơm tâm Brah Huêng Ueh. Gay dơi geh nau ntrâng aơ, srôih hom, rngeh njrăng, jêh ri mbơh sơm ma lĕ rngôch phung kloh ueh.

I Pêtrôs 4:7

Nau nglĕ dŭt lĕ rngôch ntil ndơ dăch tât jêh; pôri ăn khân may gĭt mĭn jêh ri di keh gay ma mbơh sơm.

I Pêtrôs 5:8

Ăn gŭ di keh jêh ri gŭ rngeh njrăng; phung rlăng đah khân may jêng phung brah mhĭk, nâm bu yau mŭr ngrông, ndăch nsong jŭm khân may joi mbu nơm păng dơi sa hêk,

II Pêtrôs 2:9

pôri Kôranh Brah gĭt năl mâm ƀư gay tâm rklaih phung bunuyh blau yơk bơh nau rlong uănh, jêh ri prăp phung kue tâm nau rmal ma tât nar phat dôih,

Nau Tâm Mpơl 16:15

“Aơ, gâp văch nâm bu du huê bunuyh ntŭng, ueh maak yơh ma mbu nơm gŭ njrăng jêh ri mât mray ma kho ao păng nơm, gay ma lơi ăn păng rhôk, lơi ăn bu saơ nau bêk păng nơm!”

Nau Tâm Mpơl 3:10

Yorlah may djôt prăp jêh nau Gâp ntĭm nti ma nau srôih, Gâp ăt mra djôt prăp may bơh mông rlong uănh, jêng mông dăch tât tâm lam neh ntu, gay rlong uănh phung bunuyh gŭ tâm neh ntu.