Mathay 26:29 - Nau Brah Ndu Ngơi 2023

²⁹ Gâp lah ma khân may, Gâp mâu mra nhêt dak krăk ƀâu aơ đŏng, kŏ tât nar Gâp mra nhêt dak krăk ƀâu mhe ndrel khân may tâm ƀon bri hađăch Mbơ̆ Gâp.”

Bunong Bible Latin Script Cambodian dialect

²⁹ Gâp mbơh ăn ma khân may gĭt, Gâp mâu hôm ôh nhêt ndrănh play yŭng yar ƀon dja jât, n'ho ma tât nar Gâp nhêt ndrănh play yŭng yar ƀon mhe tât nau Bơ̆ Gâp mât uănh lĕ tât ngăn mơ.”

Bunong

²⁹ គ៝ប់​មឞើស​អ៝ន់​មា​ខាន់​មៃ​គឹត គ៝ប់​មោ​ហោម​អោស​ញេត​នទ្រាញ់​ព្លៃ​យុងយារ​ប៝ន​អ្យា​ជឹត នហ៝​មា​ត៝ត់​នារ​គ៝ប់​ញេត​នទ្រាញ់​ព្លៃ​យុងយារ​ប៝ន​មហែ​ត៝ត់​នាវ​ឞឹ​គ៝ប់​ម៝ត់​អ្វាញ់​លែៈ​ត៝ត់​ងាន់​មើ”។

Mathay 26:29 Iomraidhean Croise

Nau Mprơ Ơm 104:15

Ndrănh play krăk ƀâu ƀư maak nuih n'hâm bunuyh, Dak ngi ăn muh măt chrat ang, Jêh ri ƀănh gay ma sa bah ji ngot.

Nau Mprơ Ơm 4:7

May ăn nuih n'hâm gâp bêng ler nau maak, Rlau lơn ma nau maak khân păng tơlah geh ba ƀlê jêh ri rmeh âk ndrănh krăk ƀâu.

Nau Mprơ Ơm 40:3

Păng dơm tâm trôm mbung gâp du nau mprơ mhe, Nây jêng nau mprơ tâm rnê ma Brah Ndu he. Âk bunuyh mra saơ nau nây jêh ri klach yơk Djôt nuih n'hâm rnơm nsing ma Brah Yêhôva.

Nau Mprơ Ueh 5:1

Hơi oh gâp, ƀăn gâp, Gâp hŏ lăp tâm đang gâp jêh! Gâp hŏ pĕ si tăng jêh ri ndơ ƀâu kah, Sa mpơng sŭt nđâp dak sŭt gâp, Nhêt ndrănh đah dak toh. Hơi mĭt jiăng, sa hom! Hơi băl mpôl, nhŭl hom ndrui nau rŏng!

Êsai 25:6

Ta yôk aơ, Brah Yêhôva ma phung tahan ma lĕ rngôch phung ƀon lan Du nhêt sa maak ma ndơ kah, ndrănh kah, Ndơ sa lay geh glo nting, ndrănh kah bu trih jêh.

Êsai 53:11

Tă bơh nau rêh ni huêng Păng, Păng mra saơ play kao jêh ri maak. Oh mon sŏng srăng Gâp mra sŏk nau gĭt rbăng păng nơm Ƀư ăn âk bunuyh dơi kơp sŏng srăng, Yorlah Păng tuy nau tih khân păng.

Sôphôni 3:17

Yêhôva Brah Ndu may gŭ ta nklang may, Păng jêng Nơm geh nau brah mra tâm rklaih may; Păng mra rhơn răm ngăn yor ma may, Yor nuih n'hâm rŏng, Păng mra gŭ rklăk, Jêh ri yor ma may, Păng mra mprơ ma nau rhơn răm.”

Sakari 9:17

Ngăn yơh, ueh reh ngăn lĕ rngôch nau ueh! Ba mra ƀư ăn dăng phung mom ndăm, Jêh ri ndrănh mhe ƀư răm maak ma phung bu ur druh.

Mathay 13:43

Nôk nây, phung sŏng srăng mra geh nchrat ang nâm bu nar tâm ƀon bri hađăch Mbơ̆ khân păng. Mbu nơm geh tôr rkêng iăt hom!”

Mathay 16:28

Nanê̆ ngăn, Gâp lah ma khân may, geh ƀaƀă bunuyh gŭ ta aơ mâu mra khĭt ôh lor saơ Kon Bunuyh văch tâm ƀon bri hađăch Păng.”

Mathay 18:20

Yor lah ta ntŭk geh bar pe nuyh khân may tâm rƀŭn, ma amoh săk Gâp, ta nây Gâp mra gŭ ta nklang khân păng.”

Mathay 25:34

Nôk nây, Hađăch mra lah ma phung mpeh pa ma pô aơ: ‘Hơi phung Mbơ̆ Gâp ăn nau ueh uĭn, văch hom dơn ƀon bri hađăch klơ trôk ndrăp nkra jêh ăn ma khân may ntơm bơh rhăk njêng neh ntu.

Mathay 26:28

Yorlah aơ jêng mham Gâp, mham nau tâm rnglăp nkhŭt jêh ăn ma âk bunuyh dơi yô̆ an nau tih.

Mathay 26:30

Jêh mprơ samƀŭt nau mprơ, Brah Yêsu jêh ri phung oh mon luh hăn, hao klơ yôk Ôlive.

Mathay 28:20

jêh ri ntĭm nti ăn khân păng djôt prăp lĕ nau Gâp ntăm jêh ma khân may. Jêh ri aơ, Gâp hôm gŭ ndrel ma khân may ƀaƀơ kŏ tât nar lôch.”

Markôs 14:25

N'hêl nanê̆, Gâp lah ma khân may, Gâp mâu mra nhêt dak krăk ƀâu aơ đŏng, kŏ tât nar Gâp mra nhêt dak krăk ƀâu mhe tâm ƀon bri hađăch Brah Ndu.”

Luka 12:32

Hơi phung jê̆, lơi klach ôh, yorlah Mbơ̆ khân may di nuih n'hâm ăn ƀon bri hađăch Păng ma khân may jêh.

Luka 15:32

Ƀiălah di ngăn ƀư nau sông sa jêh ri răm maak, yorlah oh may aơ khĭt jêh, ƀiălah nar aơ păng dâk rêh, hŏ roh jêh ƀiălah dơi saơ.’ ”

Yôhan 15:11

Gâp lah lĕ nau aơ ma khân may, gay ma nau răm maak Gâp gŭ tâm khân may, jêh ri nau răm maak khân may dơi nŭm rĭng.

Yôhan 16:22

Khân may tâm ban lĕ, aƀaơ khân may rngot rvê, ƀiălah Gâp mra tâm mâp đŏng khân may, ri mơ nuih n'hâm khân may mra maak, jêh ri bu mâu dơi sŏk lơi ôh nau maak tâm khân may.

Yôhan 17:13

Ƀiălah aƀaơ Kon plơ̆ sĭt ma Mbơ̆, jêh ri Kon lah lĕ nau aơ dôl hôm gŭ tâm neh ntu, gay ma nau răm rhơn Kon bêng nŭm tâm khân păng nơm.

Kôranh Oh Mon 10:41

mâu di ma lĕ rngôch bunuyh ôh, ƀiălah ma hên jêng phung mbơh Brah Ndu săch jêh bơh lor, nâm bu ntĭt phung bunuyh hŏ sông sa nhêt jêh ndrel ma Păng, pakơi Păng dâk rêh tay tă bơh nau khĭt.

ហេឞ្រើ 12:2

Uănh hom ma Brah Yêsu, Nơm ntơm bơh saơm jêh ri lôch nau chroh, jêng Nơm yor nau răm maak dơm jêh tanăp măt Păng nơm, maak dơn si tâm rkăng, tâm rmot ma nau bêk prêng, jêh ri gŭ jêh mpeh pa ma sưng hađăch Brah Ndu.

Nau Tâm Mpơl 14:3

Khân păng mprơ du nau mprơ mhe tanăp sưng hađăch, tanăp puăn mlâm mpa rêh jêh ri phung kôranh bu ranh. Mâu geh bunuyh dơi nti nau mprơ nây, knŏng phung du rhiăng puăn jât ma puăn rbăn, phung bu hŏ chuai jêh bơh neh ntu.

Nau Tâm Mpơl 7:17

Yorlah Kon Biăp gŭ ta nklang sưng hađăch mra mât njrăng khân păng jêh ri njŭn leo khân păng tât ta lĕ dak n'hor rêh. Brah Ndu mra jut lơi dak măt bơh trôm măt khân păng.”