Mathay 26:10 - Nau Brah Ndu Ngơi 2023

¹⁰ Ƀiălah Brah Yêsu gĭt nau nây jêh ri lah ma phung oh mon: “Mâm ƀư khân may ƀư rsuak bu ur nây? Bunuyh aơ ƀư du nau ueh ma Gâp jêh.

Bunong Bible Latin Script Cambodian dialect

¹⁰ Yơn ma Brah Yêsu gĭt nau khân păng ngơi, Păng lah ma khân păng: “Mơm dâng khân may jan ăn bu ur i nây geh nau rngot kơt nây? Păng lĕ jan nau ueh ăn ma Gâp.

Bunong

¹⁰ យើន​មា​ឞ្រាស​យេឆូ  ​គឹត​នាវ​ខាន់​ពាង់​ងើយ ពាង់​លាស​មា​ខាន់​ពាង់៖ “មើម​ទឹង​ខាន់​មៃ​ជាន​អ៝ន់​ឞូ​អូរ​អី​នៃ​គែស​នាវ​រាង៝ត​កើត​នៃ? ពាង់​លែៈ​ជាន​នាវ​អ្វែស​អ៝ន់​មា​គ៝ប់។

Mathay 26:10 Iomraidhean Croise

Nêhêmi 2:18

Gâp mbơh ma khân păng ma mpang ti ueh Brah Ndu hŏ kâp kơl gâp jêh ri tâm ban lĕ ma nau ngơi hađăch mbơh jêh ma gâp. Khân păng lah: “Kay lŏng, ăn he ntơm ndâk njêng tay ro!” Pôri, khân păng janh ktang tâm rnglăp ƀư nau kan ueh aơ.

Ndrom Samƀŭt bơh Yôp 13:7

Di lĕ yor Brah Ndu dĭng khân may ngơi nau djơh mhĭk? Mâu lah yor Păng dĭng khân may njêng nau ngơi ƀlêp ƀlêr?

Mathay 26:11

Yorlah khân may geh ƀaƀơ bunuyh o ach gŭ jŭm khân may nơm, ƀiălah mâu di Gâp gŭ jŏ ôh.

Mathay 26:9

Yorlah tăch dak ƀâu kah aơ sŏk rnoh prăk âk nây, djôt kơl ma bunuyh o ach.”

Markôs 14:6

Ƀiălah Brah Yêsu lah: “Kđôi păng. Mâm ƀư khân may ƀư rsuak ma păng? Păng ƀư jêh nau ueh ma Gâp.

Luka 8:49

Dôl Păng gŭ ngơi, geh du huê tă bơh kôranh mât uănh ngih rƀŭn hăn tât mbơh: “Kon bu ur may khĭt jêh; lơi hôm ƀư rsuak Nơm Nti đŏng.”

II Kôrintô 9:8

Brah Ndu geh nau dơi ăn ma khân may nau yô̆ âk rmeh gay ƀư tŏng lĕ rngôch nau khân may ŭch, lŏ geh âk rmeh gay ƀư ăp ntil kan ueh,

Galati 1:7

Mâu geh nau mhe mhan ueh êng ôh, ƀiălah geh knŏng ƀaƀă bunuyh ƀư rsuak khân may jêh ri ŭch nsak nkhăng Nau Mhe Mhan Ueh Brah Krist.

Galati 5:12

Ŭch ngăn ma phung ƀư rŭng ma khân may, koh char êng săk khân păng nơm jêng lơn!

Galati 6:17

Ŭch ngăn ntơm bơh aƀaơ tât kăndơ̆, mâu geh mbu nơm ƀư rsuak gâp đŏng, yorlah gâp djôt lĕ têl Brah Yêsu ta klơ săk jăn gâp.

Êphêsô 2:10

Yorlah he jêng kan bơh ti Păng, dơi rhăk njêng tâm Brah Yêsu Krist gay ƀư lĕ nau kan ueh Brah Ndu nkra jêh bơh lor gay ma he kơt ƀư.

Kôlôh 1:10

gay gŭ rêh tâm di ma Kôranh Brah, ƀư ueh nuih n'hâm Păng tâm lĕ kan, geh play tâm lĕ rngôch nau ƀư ueh, jêh ri văch ma toyh tâm nau gĭt rbăng Brah Ndu.

II Têsalônik 2:17

n'hao nuih n'hâm khân may, ƀư ma khân may ăn dơi nâp tâm lĕ kan jêh ri nau ngơi ueh!

I Timôthê 3:1

Aơ jêng nau khư rnơm nsing: Tơlah geh du huê ŭch jêng kôranh chiă uănh, păng ŭch ma du ntil kan khlay ngăn.

I Timôthê 5:10

ăn păng dơi geh nau bu rnê nau ueh tâm ban ntĭm nti jêh phung kon, vơt rom phung bu năch, rao jâng ma phung kloh ueh, kơl an phung rêh ni, jêh ri nsrôih ƀư ăp ntil kan ueh.

II Timôthê 2:21

Yor ri, tơlah bu ƀư kloh păng nơm bơh lĕ nau ƀơ̆ ƀơch nây, păng mra plơ̆ jêng ndô ndơ ma nau khlay, geh nau kloh ueh, geh nau khlay ma kôranh păng jêh ri rơm ndrăp jêh ma lĕ kan ueh.

Titus 1:16

Khân păng kơp êng khân păng nơm jêng gĭt năl Brah Ndu, ƀiălah nau kan khân păng ƀư jêng dun Păng. Khân păng khư tâm rmot, mâu tông bâr, mâu dơi ƀư du ntil kan ueh ôh.

Titus 2:14

jêng Nơm hŏ sân săk jêh yor ma he gay tâm chuai he bơh lĕ nau djơh mhĭk, jêh ri ƀư kloh he jêng du phung ƀon lan knŏng êng ma Păng nơm, jêng phung ƀon lan geh nau duh nđơr ƀư lĕ nau kan ueh.

Titus 3:1

Nkah hom ma phung chroh blau tông phung kôranh chiă uănh jêh ri phung geh nau dơi, ăn tông bâr jêh ri rơm ndrăp jêh ri ƀư lĕ kan ueh,

Titus 3:14

Ăn phung chroh he nti nsrôih ƀư kan ueh, gay ma kơl ăn ma lĕ nau geh nau kan ndal, pôri lơi gŭ rêh du nau rêh mâu geh play.

Titus 3:8

Aơ jêng nau ngơi ngăn. Gâp ŭch ma may ƀư ngăn lĕ nau aơ, gay ma phung chroh jêh ma Brah Ndu mra nsrôih ƀư kan ueh jêh ri khlay ma lĕ rngôch bunuyh.

ហេឞ្រើ 13:21

ăn ma khân may lĕ nau ueh gay tĭng nau Păng ŭch, jêh ri ƀư nau ueh nuih n'hâm Păng ma he tâm Brah Yêsu Krist. Ăn nau chrêk rmah jêng ndơ Păng n'ho ro ƀaƀơ! Amen.

I Pêtrôs 2:12

Ăn khân may gŭ ngao sŏng ta nklang phung bu năch, gay ma tơlah khân păng ngơi mhĭk khân may jêng bunuyh djơh mhĭk, khân păng ăt saơ nau ueh khân may ƀư jêh ri tâm rnê Brah Ndu tâm nar Păng chop khâl.