Mathay 25:6 - Nau Brah Ndu Ngơi 2023

⁶ Ƀiălah, n'gul măng geh bâr kuăl: ‘Ri, bu klâu gŭ ur văch! Luh hăn ran chuă păng!’

Bunong Bible Latin Script Cambodian dialect

⁶ Tât n'gul măng ri, tăng bu nter: ‘Sai mhe lĕ tât jêh! Ran vơt păng hŏm!’

Bunong

⁶ ត៝ត់​ងគូល​មាង់​រី តាង់​ឞូ​នតែរ៖ «ឆាយ​មហែ​លែៈ​ត៝ត់​ជេស! រាន​វើត​ពាង់​ហ៝ម់!»

Mathay 25:6 Iomraidhean Croise

Nau Mprơ Ơm 96:13

Tanăp Brah Yêhôva; yorlah Păng dôl văch, Păng dôl văch gay phat dôih neh ntu; Păng sŏk nau sŏng srăng gay phat dôih neh ntu, Sŏk nau ngăn gay phat dôih lĕ rngôch mpôl băl bunuyh.

Nau Mprơ Ơm 98:9

Yorlah Păng văch phat dôih neh ntu; Păng mra phat dôih neh ntu tĭng nau sŏng srăng, Jêh ri phat dôih phung ƀon lan tĭng ma nau di.

Êsai 25:9

Tâm nar nây, bu mra lah: “Ri, aơ jêng Brah Ndu he; He kâp gân Păng, jêh ri Păng hŏ tâm rklaih he jêh. Aơ yơh jêng Brah Yêhôva he kâp gân, Ăn he hâk răm jêh ri maak yor nau Păng tâm rklaih!”

Amôt 4:12

“Hơi Israel, yor nây, Gâp mra ƀư ma may tâm ban pônây; Hơi Israel, yorlah Gâp mra ƀư ma may tâm ban pônây, Pôri may nkra hom ma nau tâm mâp đah Brah Ndu may.”

Mathay 24:31

Păng mra njuăl phung tông mpăr Păng uh nŭng nteh ktang tâm rgum phung Păng hŏ săch jêh lam puăn njônh, ntơm bơh jâng trôk aơ tât ta jâng trôk ri.

Mathay 24:44

Yor ri, ăn khân may rơm ndrăp jêh, yorlah Kon Bunuyh văch tâm mông khân may mâu geh mĭn.

Mathay 25:1

“Nôk nây, ƀon bri hađăch klơ trôk mra tâm ntĭt nâm bu jât nuyh bu ur druh djôt ŭnh kađen hăn tâm mâp đah bu klâu gŭ ur.

Mathay 25:31

“Tơlah Kon Bunuyh mra văch tâm nau chrêk rmah Păng, ndrel ma lĕ rngôch phung tông mpăr, Păng mra gŭ ta klơ sưng hađăch chrêk rmah.

Mathay 25:5

Yorlah bu klâu gŭ ur văch jŏ ngăn, lĕ rngôch khân păng ji bê̆ch jêh ri hăk bê̆ch.

Mathay 25:7

Phung bu ur druh dâk bê̆ch jêh ri nkra ŭnh kađen khân păng.

Luka 12:20

Ƀiălah Brah Ndu lah ma păng: ‘Hơi bunuyh rluk! Tâm măng aơ mra sŏk huêng may; kơt nây, drăp ndơ may prăp nkrem jêh mra jêng ndơ ma mbu moh?’

Luka 12:46

Kôranh păng mra văch tâm nar păng mâu gĭt, tâm mông păng mâu gĭt ôh, mra tâm rmal păng âk ngăn jêh ri ăn ma păng dơn nsum mrô nal ndrel ma phung mâu răp jăp.

I Têsalônik 4:16

Yorlah lah tât nau ăn jêh, ndrel ma bâr kuăl bơh kôranh tông mpăr, jêh ri bâr nŭng Brah Ndu, pô ri Kôranh Brah nơm mra jŭr văch tă bơh trôk. Nôk nây, phung bunuyh khĭt tâm Brah Krist mra dâk rêh tay lor lơn.

II Pêtrôs 3:10

Nđâp lah kơt nĕ, nar Kôranh Brah mra tât nâm bu nơm ntŭng, nôk nĕ lĕ ndâr trôk mra roh tâm nau nteh ktang, lĕ ndơ mra lêk hoch tâm ŭnh, neh ntu jêh ri lĕ rngôch kan ndâk klơ nây ŭnh mra sa lĕ.

Nau Tâm Mpơl 16:15

“Aơ, gâp văch nâm bu du huê bunuyh ntŭng, ueh maak yơh ma mbu nơm gŭ njrăng jêh ri mât mray ma kho ao păng nơm, gay ma lơi ăn păng rhôk, lơi ăn bu saơ nau bêk păng nơm!”