Mathay 25:36 - Nau Brah Ndu Ngơi 2023

³⁶ Gâp gŭ săk hưl, khân may nsoh ao ma Gâp; Gâp ji kuet, khân may hăn mât mray Gâp; bu krŭng Gâp, khân may chop khâl Gâp.’

Bunong Bible Latin Script Cambodian dialect

³⁶ nôk Gâp gŭ săk kuh khân ay may ăn bok ao nsoh, nôk Gâp geh nau ji khân ay may hăn chop, nôk Gâp geh ndrung khân ay may hăn khŏl kơl Gâp đŏng’.

Bunong

³⁶ នោក​គ៝ប់​គុ​ឆាក់​កុស​ខាន់​អៃ​មៃ​អ៝ន់​ឞ៝ក​អាវ​ញឆ៝ស នោក​គ៝ប់​គែស​នាវ​ជី​ខាន់​អៃ​មៃ​ហាន់​ច៝ប នោក​គ៝ប់​គែស​នទ្រូង​ខាន់​អៃ​មៃ​ហាន់​ខ៝ល់​កើល​គ៝ប់​ដ៝ង់»។

Mathay 25:36 Iomraidhean Croise

Êsai 58:7

Mâu di hĕ jêng nau tâm pă ndơ sông sa khân may ma nơm ji ngot, Njŭn leo phung o ach mâu geh ngih ôh plơ̆ sĭt tâm ngih khân may nơm, Lah khân may saơ nơm rhôk, sâm soh an păng, Jêh ri lơi dun ma ndŭl mpôl dăch khân may ôh?”

Êsêkiêl 18:16

mâu tŭn jot bu, mâu sŏk ndơ nchăm phung geh rnon, mâu lĕ ntŭng ndơ bu, ƀiălah ăn piăng let ma phung ji ngot jêh ri sâm nsoh bok ao ma nơm rhôk;

Êsêkiêl 18:7

mâu tŭn jot bu ôh ƀiălah mplơ̆ sĭt ndơ nchăm ăn ma nơm geh rnon; mâu ntŭng ôh ndơ bu ƀiălah ăn piăng let ma nơm ji ngot jêh ri sâm nsoh bok ao ăn ma nơm rhôk;

Êsêkiêl 34:4

Khân may mâu ƀư ôh ma phung kon biăp kuet rôi ăn dơi jêng ktang, mâu ŭch săm ăn bah phung ji, mâu ŭch put ôh ma dak si phung sôt rmanh; mâu ŭch njŭn sĭt ôh phung tă bu mprơh du plơ̆ sĭt, mâu ŭch joi ôh phung lĕ nhhơt roh, ƀiălah khân may ƀư nau janh ƀai, nchâp nđâl chiă uănh khân păng.

Mathay 25:37

Dôl nây, phung sŏng srăng mra plơ̆ lah ma Păng: ‘Ơ Kôranh Brah, ndah jŏ hên mâp saơ May ji ngot jêh ri ăn May sông sa, mâu lah May ji hir jêh ri ăn May nhêt dak?

Mathay 25:43

Gâp jêng bu năch, khân may mâu mâp vơt rom Gâp; Gâp gŭ săk hưl, khân may mâu nsoh ao ma Gâp; Gâp ji kuet jêh ri bu krŭng Gâp, khân may mâu mâp chop khâl Gâp.’

Luka 3:11

Păng plơ̆ lah: “Mbu nơm geh bar ao, pă hom ma nơm mâu hŏ geh; mbu nơm geh ndơ sông sa ƀư tâm ban lĕ.”

Kôranh Oh Mon 20:35

Gâp hŏ tă ntĭm nti jêh ma khân may, tâm lĕ nau kan, he gơih ƀư kan kơt nĕ gay sâm kơl phung ji kuet, jêh ri kah gĭt tay Kôranh Brah yơh jêng Brah Yêsu hŏ ntăm jêh: ‘Ăn ma bu jêng nau ueh lơn ma sŏk dơn.’ ”

ហេឞ្រើ 10:34

Yorlah khân may geh jêh nau yô̆ nđach ma phung bu nă, jêh ri maak nuih n'hâm dơn ma nau bu sŏk pit in drăp ndơ khân may nơm, yorlah khân may gĭt khân may nơm geh drăp ndơ khlay lơn jêh ri hôm e n'ho ro.

ហេឞ្រើ 13:3

Kah gĭt hom ma phung bu krŭng tâm ban ma khân may nơm bu krŭng ndrel ma khân păng; jêh ri kah gĭt hom ma phung bu ƀư mhĭk, yorlah khân may nơm geh đŏng săk jăn tâm ban ma khân păng.

Yakơ 1:27

Nau chroh kloh ngăn, mâu ƀơ̆ ôh tanăp Brah Ndu, Mbơ̆ he, jêng jô̆ khâl phung kon đơi, phung bu ur ndrô dôl khân păng geh nau rêh ni, jêh ri mât mray khân may nơm bơh nau ƀơ̆ tă bơh neh ntu.