Mathay 25:1 - Nau Brah Ndu Ngơi 2023

¹ “Nôk nây, ƀon bri hađăch klơ trôk mra tâm ntĭt nâm bu jât nuyh bu ur druh djôt ŭnh kađen hăn tâm mâp đah bu klâu gŭ ur.

Bunong Bible Latin Script Cambodian dialect

¹ “Nôk nây nau Kôranh Brah mât uănh tâm ban ma bu ur drôh jât nuyh hăn vơt sai mhe a măng. Khân păng ndjôt ŭnh sagêng ăp bunuyh.

Bunong

¹ “នោក​នៃ​នាវ​កោរាញ​ឞ្រាស​ម៝ត់​អ្វាញ់​តឹម​ឞាន​មា​ឞូ​អូរ​ទ្រោស​ជឹត​នុយ្ស​ហាន់​វើត​ឆាយ​មហែ​អា​មាង់។ ខាន់​ពាង់​ញអោត​អុញ​ឆាគេង​អាប់​ឞូនុយ្ស។

Mathay 25:1 Iomraidhean Croise

Nau Mprơ Ơm 45:14

Păng mra nsoh ao cheh hăn mpơl tanăp hađăch; Phung bu ur druh jêng băl păng hăn tĭng mra dơi njŭn tanăp hađăch.

Nau Mprơ Ueh 1:3

Dak ngi may n'hôl ƀâu kah ngăn, Nau lư amoh may jêng nâm bu dak ƀâu kah n'hôl bu troch; Yor nây yơh bu druh tang tat rŏng ma may.

Nau Mprơ Ueh 5:16

Mbung păng dŭt njŭng ngăn, Lĕ săk păng di ma rŏng ngăn. Hơi phung bu ur Yêrusalem. Nơm gâp rŏng jêng pônây, băl gâp rŏng nâm bu pônây yơh!

Nau Mprơ Ueh 5:8

Hơi phung bu ur druh ƀon Yêrusalem, gâp vơl dăn ma khân ay, Tơlah mâp nơm gâp rŏng, Dăn mbơh ma păng pô aơ Gâp dôl kop yor nau rŏng.

Êsai 54:5

Yorlah sai ay jêng Nơm Rhăk Njêng ay; Amoh Păng jêng Brah Yêhôva ma phung tahan. Nơm Tâm Chuai ay jêng Nơm Kloh Ueh Israel, Bu mra rnha Păng jêng Brah Ndu ma lĕ neh ntu.

Daniel 2:44

Tâm rnôk phung hađăch aơ, Brah Ndu tâm trôk mra rdâk du rplay ƀon bri hađăch mâu mra mâp rai lôch ôh, nau chiă uănh ƀon bri hađăch nây mâu mra tŭp ma phung ndŭl mpôl êng. Ƀon bri hađăch nây mra dong nchah jêh ri ƀư rai lĕ rngôch ƀon bri hađăch êng, păng nơm mra hôm n'ho ro.

Mathay 13:24

Brah Yêsu lah ma khân păng ma nau hôr êng: “Ƀon bri hađăch klơ trôk tâm rđĭl nâm bu du huê bunuyh srih grăp ueh tâm mir lŏ păng.

Mathay 13:31

Brah Yêsu ngơi ntĭt ma khân păng du nau hôr êng: “Ƀon bri hađăch klơ trôk nâm bu du găr trau, bunuyh ri sŏk gay nsrih tâm mir lŏ păng.

Mathay 13:38

mir lŏ jêng neh ntu; grăp ueh jêng phung kon ƀon bri hađăch klơ trôk; gơ̆ mhĭk jêng phung kon brah djơh;

Mathay 13:47

“Ƀon bri hađăch klơ trôk tâm ban ma jal bu seng tâm dak mƀŭt, geh nhŭp ăp ntil ka.

Mathay 20:1

“Ƀon bri hađăch klơ trôk jêng nâm bu du huê kôranh mir, ơm ôi păng hăn nkhôm phung pah kan nkhôm tâm đang krăk ƀâu păng nơm.

Mathay 22:2

“Ƀon bri hađăch klơ trôk nâm bu du huê hađăch nkra nau nhêt sông tâm nkol ur sai ma kon păng.

Mathay 25:7

Phung bu ur druh dâk bê̆ch jêh ri nkra ŭnh kađen khân păng.

Mathay 3:2

“Rmal hom nau tih, yorlah ƀon bri hađăch klơ trôk dăch tât jêh!”

Mathay 5:16

Đŏng kơt nây, nau ang khân ay may ăn nchrat ang tra năp lĕ rngôch bunuyh, gay khân păng saơ kan ueh khân ay may jêh ri mât ton ma Mbơ̆ khân ay may gŭ ta klơ trôk.

Mathay 9:15

Brah Yêsu plơ̆ lah: “Mâm ƀư phung bu jă râng nau nhêt sông tâm nkol ur sai ƀiălah rngot muh măt tâm nôk bu klâu ntơm gŭ ur gŭ ndrel đah khân păng? Ƀiălah tât ta nar bu kuăl bu klâu nây du tă bơh khân păng, nôk nây khân păng mra ât sông sa.

Yôhan 18:3

Pôri, Y-Yuđas njŭn leo du mpôl tahan ndrel ma phung kơl kan phung kôranh ƀư brah toyh jêh ri phung Pharisi hăn ta ntŭk nây, djôt leo ŭnh kađen, ŭnh chai jêh ri ndơ tâm lơh.

Yôhan 3:29

Mbu mhe gŭ ur, păng nây jêng klay; ƀiălah mĭt jiăng klay gŭ iăt jêh ri maak răm ngăn nôk tăng bâr klay ngơi. Nây jêng nau gâp răm maak nanê̆ rĭng ngăn.

Kôranh Oh Mon 20:8

Geh âk ŭnh kađen tâm jrô klơ ta ntŭk hên tâm rƀŭn nây.

I Kôrintô 11:2

Gâp tâm rnê ma khân may yorlah khân may kah gĭt ma gâp tâm lĕ rngôch ndơ, jêh ri răp jăp djôt prăp lĕ nau vay ơm gâp nti jêh ma khân may.

II Kôrintô 11:2

Yorlah khân may, gâp grang đah nau grang bơh Brah Ndu, yorlah gâp ƀư ndrôi jêh khân may ma knŏng du huê sai, tâm mpơl măt khân ay tâm ban du huê bu ur druh kloh ma Brah Krist.

II Timôthê 4:8

Ntơm aƀaơ đon hađăch nau sŏng srăng rơm ndrăp jêh ma gâp; Kôranh Brah jêng kôranh phat dôih sŏng mra ăn đon nây ma gâp tâm nar nây, ƀiălah mâu di knŏng ma gâp ôh ƀiălah nđâp ma phung rŏng ma nau Păng văch.

Titus 2:13

dôl gŭ kâp nau kâp gân ueh maak jêh ri nau tâm mpơl ma nau chrêk rmah Brah Ndu dŭt toyh, jêng Nơm Tâm Rklaih he đŏng jêng Brah Yêsu Krist,

Nau Tâm Mpơl 14:4

Phung bunuyh nây mâu mâp ƀư ƀơ̆ ƀơch đah bu ur ôh, yorlah khân păng jêng phung kloh. Mbah ntŭk Kon Biăp hăn, phung bunuyh nây hăn tĭng ta ntŭk nây. Bu hŏ chuai jêh khân păng tă bơh nklang kon bunuyh gay ƀư play bôk yan ma Brah Ndu jêh ri ma Kon Biăp.

Nau Tâm Mpơl 19:7

Răm maak hom, hâk maak hom, tâm rnê hom ma Păng, yorlah rƀŭn tâm nsông Kon Biăp tât jêh jêh ri Ur Păng ndrăp lor jêh săk păng.

Nau Tâm Mpơl 21:2

Gâp saơ đŏng ƀon kloh ueh, jêng Yêrusalem mhe, jŭr tă bơh ntŭk Brah Ndu ta klơ trôk, ndrăp nkra jêh nâm bu du huê bu ur mhe nkrơ̆ gŭ kâp sai păng nơm.

Nau Tâm Mpơl 21:9

Du huê tâm pơh nuyh tông mpăr djôt pơh mlâm ngan dơ bêng ma pơh nau tât nglĕ dŭt văch ngơi đah gâp pô aơ: “Văch hom, gâp mra ntĭm ma may saơ Ƀăn jêng Ur ma Kon Biăp.”

Nau Tâm Mpơl 4:5

Tă bơh sưng hađăch nây luh lơp nglaih, bâr ngơi jêh ri nglaih; geh pơh ŭnh kađen hit ang tanăp sưng hađăch, nây jêng pơh huêng Brah Ndu.

Nau Tâm Mpơl 8:10

Tông mpăr rơh pe uh nŭng, du mănh mbing toyh su hit tâm ban ma ŭnh rdo tŭp tă bơh trôk. Mănh mbing nây tŭp ta du kô̆ tâm pe lĕ dak krong jêh ri lĕ tu dak.