Mathay 24:31 - Nau Brah Ndu Ngơi 2023

³¹ Păng mra njuăl phung tông mpăr Păng uh nŭng nteh ktang tâm rgum phung Păng hŏ săch jêh lam puăn njônh, ntơm bơh jâng trôk aơ tât ta jâng trôk ri.

Bunong Bible Latin Script Cambodian dialect

³¹ Jêh ri Gâp njuăl phung tông păr Gâp hăn ăp puăn njônh bri lam neh ntu, ndrel ma ôh nŭng dŭt nteh, gay ma rgum lĕ mpôl i Kôranh Brah nơm lĕ kơih nơh bơh jŏng trôk du ding tât ma jŏng trôk du ding.”

Bunong

³¹ ជេសរី​គ៝ប់​ញជ្វាល់​ផូង​តោង​ពារ់​គ៝ប់​ហាន់​អាប់​ព្វាន់​ញជោញ​ឞ្រី​លាម​នែស​នតូ នទ្រែល​មា​អោស​នុង​ទុត​នតែស គៃ​មា​រាគូម​លែៈ​មពោល​អី​កោរាញ​ឞ្រាស​នើម​លែៈ​កើយ្ស​នើស​ឞើស​ជ៝ង់​ត្រោក​ទូ​ទីង​ត៝ត់​មា​ជ៝ង់​ត្រោក​ទូ​ទីង”។

Mathay 24:31 Iomraidhean Croise

Nau Mprơ Ơm 22:27

Lĕ rngôch lam rplay neh mra kah gĭt Jêh ri mra plơ̆ sĭt ma Brah Yêhôva, Lĕ rngôch mpôl băl bunuyh Mra chon mon mbah tanăp May.

Nau Mprơ Ơm 67:7

Brah Ndu mra ăn nau ueh lăng ma hên Jêh ri lĕ bunuyh gŭ lam rplay neh mra klach yơk ma Păng da dê.

Nau Mprơ Ơm 81:3

Uh nŭng hom dôl khay mhe luh, Rnôk khay bŏng jêh ri ăp ta nar he tâm rƀŭn.

Nau Ngluh Êjipt 19:16

Kêng ôi tâm nar tal pe, geh nglaih jêh ri ndâr tŭk mbâl ta klơ yôk n'ho ma bâr nŭng huy ngăn. Lĕ rngôch phung ƀon lan gŭ tâm ngih bok râm sâr da dê.

Êsai 11:12

Păng mra ndâk du n'ha kơ ma lĕ bri dak, Rgum lĕ phung Israel bu nsot jêh, Rgum phung Yuđa nsong mblêng Bơh puăn njônh neh ntu.

Êsai 13:5

Brah Yêhôva jêh ri ndơ tâm lơh nau Păng ji nuih, Văch bơh âk bri ngai, bơh dŭt trôk, Gay ƀư rai lĕ neh ntu.

Êsai 27:13

Tâm nar nây, bu mra uh nŭng toyh. Nôk nây, phung nhhơt jêh tâm bri Asiri jêh ri phung bu nsot jêh ta bri Êjipt mra văch yơk mbah ma Brah Yêhôva ta yôk kloh ueh ta ƀon Yêrusalem.

Êsai 42:10

Mprơ hom ma Brah Yêhôva du nau mprơ mhe, Nau mprơ tâm rnê ma Păng bơh ntŭk dŭt rplay neh! Ơ phung hăn ta dak mƀŭt, nđâp ma lĕ rngôch mpa tâm păng, Lĕ gôl dak mƀŭt ndrel phung gŭ tâm păng, Rđuh ngrông hom.

Êsai 43:6

Gâp mra lah ma mpeh pa lơ pô aơ: ‘Ăn mƀơk hom!’ Jêh ri lah ma mpeh pa dâng pô aơ: ‘Lơi kuăn prăp ôh!’ Djôt leo hom phung kon bu klâu Gâp plơ̆ sĭt tă bơh ngai, Djôt leo phung kon bu ur Gâp plơ̆ sĭt tă bơh bôl dŭt bri neh;

Êsai 45:22

Ơ lĕ rngôch mbu nơm gŭ ntŭk dŭt bri dŭt neh, Sĭt hom ma Gâp jêh ri geh nau tâm rklaih! Yorlah Gâp jêng Brah Ndu, mâu geh Brah êng ôh.

Êsai 49:18

N'gơr hom măt may uănh văr jŭm; Lĕ rngôch khân păng tâm rƀŭn ndrel văch ma may!” Brah Yêhôva lah: “Tĭng nâm Gâp gŭ rêh mro mrăng, May mra văn lĕ rngôch khân păng tâm ban ma ndơ nkrơ̆, Jêh ri may djôt khân păng tâm ban ma nse vân bŭt bu ur nđăp ma sai!

Êsai 60:4

N'gơr hom măt may jêh ri uănh văr jŭm; Lĕ rngôch khân păng tâm rƀŭn ndrel, văch ma may. Phung kon bu klâu may mra văch tă bơh ntŭk ngai, Bu chông ta ti phung kon bu ur may.

Daniel 7:2

Y-Daniel lah: “Dôl măng, tâm nau tâm saơ, gâp saơ sial lam puăn njônh trôk ƀư mpât dak mƀŭt.

Sakari 14:5

Khân may mra nchuăt du tâm rlŭng ăp yôk Gâp, yorlah rlŭng yôk nây jong mra tât ta ntŭk Asal. Khân may mra nchuăt du nâm bu khân may hŏ nchuăt jêh nôk n'găr neh ntu tâm rnôk rô̆ Y-Usia hađăch n'gor Yuđa. Nôk nây, Yêhôva Brah Ndu gâp mra văch, jêh ri lĕ rngôch phung kloh ueh gŭ ndrel ma păng.

Sakari 2:6

Brah Yêhôva lah: “Hơi, hơi! Du hom tă bơh bri mpeh pa lơ, yorlah Gâp hŏ srih khân may pru pra nâm bu puăn njônh sial tâm trôk.” Brah Yêhôva lah.

Sakari 6:5

Tông mpăr plơ̆ lah: “Nây jêng puăn ntil sial ta klơ trôk luh du, lah lôch jêh mpơl khân păng nơm panăp măt Kôranh Brah lam bri neh ntu.

Sakari 9:10

Gâp mra ƀư rai lơi ndeh seh bơh bri Êphraim Jêh ri seh tâm lơh tă bơh Yêrusalem; Hăr jêh ri na dŏng nôk tâm lơh bu mra nkê̆ch lơi, Jêh ri Păng mra mbơh nau đăp mpăn ăn ma lĕ bri dak; Nau dơi Păng chiă uănh mra n'hot ntơm bơh dak mƀŭt aơ tât ma dak mƀŭt ri, Ntơm bơh Dak Krong Me aơ tât ma bôl dŭt neh ntu.

Sakari 9:14

Nôk nây, Brah Yêhôva mra mpơl ăn phung ƀon lan păng saơ, Hăr Păng luh du nâm bu lơp nglaih; Brah Yêhôva mra uh nŭng, Păng hăn ndrel ma sial vănh blông mpeh pa dâng.

Mathay 13:41

Kon Bunuyh mra njuăl phung tông mpăr Păng nhŭp lĕ rngôch phung ƀư mhĭk jêh ri lĕ rngôch phung ƀư djơh ngluh lơi bơh ƀon bri hađăch Păng,

Mathay 24:22

Tơlah lĕ nar nây mâu n'hŭch lơi, pôri mâu geh du huê bunuyh dơi rklaih ôh; ƀiălah yor phung bunuyh dơi săch lĕ nar nây mra n'hŭch lơi.

Mathay 24:24

Yorlah lĕ bunuyh nklă amoh Brah Krist jêh ri phung nơm mbơh lor nklă mra mpơl jêh ri ƀư lĕ nau mbên khlay, nau khlay ngăn toyh gay ndơm, jêh ri tơlah geh dơi ƀư, khân păng ndơm nđâp ma phung hŏ săch jêh.

Mathay 24:32

Sŏk hom nau nti ntơm bơh tơm rvi: Tơlah n'gĭng păng ntơm chăt nkeh nse, luh n'ha ri mơ khân may gĭt yan vai bơi tât jêh.

Mathay 25:31

“Tơlah Kon Bunuyh mra văch tâm nau chrêk rmah Păng, ndrel ma lĕ rngôch phung tông mpăr, Păng mra gŭ ta klơ sưng hađăch chrêk rmah.

Mathay 28:18

Brah Yêsu hăn tât jêh ri lah ma khân păng pô aơ: “Lĕ rngôch nau dơi ta klơ trôk jêh ri ta neh ntu hŏ jao jêh ma Gâp.

Markôs 13:27

Păng mra njuăl phung tông mpăr tâm rgum phung Păng hŏ săch jêh lam puăn njônh, ntơm bơh bôl trôk tât ma bôl dŭt neh.

Luka 24:47

bu sŏk amoh Păng gay mbơh nkoch ma lĕ rngôch bri dak ma nau rmal tih gay dơi nau yô̆ an ma nau tih, ntơm bơh ƀon Yêrusalem.

Yôhan 11:52

mâu di knŏng ma phung ƀon lan nây dơm, ƀiălah gay rgum lĕ phung kon sau Brah Ndu hŏ chah rai pru pra jêng tay du mpôl.

Samƀŭt Pôl Njuăl Ăn Ma Phung Nsing Ta Ƀon Rôm 10:18

Ƀiălah gâp ôp: Bu mâu hŏ mâp tăng hĕ? Ngăn khân păng lĕ tăng jêh, yorlah: “Bâr phung mbơh hŏ huy lam neh ntu, Jêh ri nau khân păng hŏ mbơh jêh tât ta dŭt bri dŭt neh.”

I Kôrintô 15:52

tâm ƀât lât, nâm bu mƀrêh măt, tâm mông bu uh nŭng nglĕ dŭt. Yorlah nŭng mra uh, phung khĭt mra dâk rêh tay, mâu hôm blau ôm rai ôh, jêh ri he mra dơi rgâl săk jăn.

Êphêsô 1:10

gay tât nôk bêng rĭng, rgum lĕ rngôch ndơ tâm Brah Krist, nđâp ndơ klơ trôk jêh ri ndơ tâm neh ntu.

Nau Vay Nkah Tay 30:4

Nđâp lah bu nsot khân may gŭ tâm ntŭk ngai dŭt trôk, bơh nây Yêhôva Brah Ndu khân may mra rgum tay khân may jêh ri djôt leo khân may plơ̆ sĭt.

Nau Vay Nkah Tay 4:32

“Pôri, ăn khân may mĭn ma lĕ nar kăl e, rnôk panăp ma khân may, ntơm bơh nar Brah Ndu rhăk njêng bunuyh ta neh; mĭn hom bơh bôl trôk aơ tât dŭt bôl trôk ri, prot geh nau tât toyh kơt nây, mâu lah hŏ tă tăng jêh moh nau kan tâm ban kơt nây lĕ mâu?

I Têsalônik 4:16

Yorlah lah tât nau ăn jêh, ndrel ma bâr kuăl bơh kôranh tông mpăr, jêh ri bâr nŭng Brah Ndu, pô ri Kôranh Brah nơm mra jŭr văch tă bơh trôk. Nôk nây, phung bunuyh khĭt tâm Brah Krist mra dâk rêh tay lor lơn.

II Têsalônik 2:1

Hơi phung oh nâu, nau plơ̆ văch Kôranh Brah he jêng Brah Yêsu Krist, jêh ri nau rgum he ndrel ma Păng, hên dăn khân may

ហេឞ្រើ 12:19

mâu lah bâr nŭng huy mâu lah bâr ngơi kŏ phung tăng dăn, lơi hôm ngơi du ntil ma khân păng đŏng ôh;

Nau Tâm Mpơl 1:20

Aơ jêng nau khlay ndâp ma pơh mănh mbing may saơ jêh tâm ti ma Gâp, jêh ri pơh jâng kađen mah: Pơh mănh mbing jêng phung tông mpăr ma phung pơh Ngih Brah Ndu, jêh ri pơh jâng ŭnh kađen jêng pơh Phung Ngih Brah Ndu.”

Nau Tâm Mpơl 11:15

Tông mpăr rơh pơh uh nŭng, geh bâr dŭt nteh ngăn tă bơh ta klơ trôk lah pô aơ: “Ƀon bri hađăch neh ntu jêng ndơ Kôranh Brah he, Jêh ri Brah Krist Păng. Păng mra chiă uănh n'ho ro.”

Nau Tâm Mpơl 7:1

Jêh nau nĕ, gâp saơ puăn nuyh tông mpăr dâk ta puăn njônh neh ntu, khân păng nkân lơi puăn chiông sial gay mâu geh sial khôm ta klơ neh ntu, ta klơ dak mƀŭt mâu lah klơ ăp tơm si.

Nau Tâm Mpơl 8:2

Gâp saơ pơh nuyh tông mpăr dâk tanăp Brah Ndu, jêh ri bu ăn ma khân păng pơh mlâm nŭng.