Mathay 24:30 - Nau Brah Ndu Ngơi 2023

³⁰ Nôk nây, nau mbên ma Kon Bunuyh mra tâm mpơl ta klơ trôk, Lĕ rngôch mpôl băl bunuyh ta klơ neh ntu mra nter nhĭm nhhiăng, jêh ri mra saơ Kon Bunuyh văch tâm ndâr tŭk ta klơ trôk ma nau brah toyh jêh ri nau chrêk rmah toyh.

Bunong Bible Latin Script Cambodian dialect

³⁰ Nôk nây ta trôk mpơl ndơ gĭt mbên Gâp i Kon Bunuyh tă bơh Kôranh Brah de njuăl. Jêh ri dâng lĕ mpôl bunuyh ta neh ntu dja nhŭm nđor. Khân păng mra say Gâp i Kon Bunuyh tă bơh Kôranh Brah de njuăl hăn rŏ ndŏr tŭk ta kalơ trôk, nđâp ma nau dơi, ndrel ma nau chrêk lơp dŭt hô.

Bunong

³⁰ នោក​នៃ​តា​ត្រោក​មពើល​នទើ​គឹត​មឞេន​គ៝ប់​អី​ក៝ន​ឞូនុយ្ស​តាៈ​ឞើស​កោរាញ​ឞ្រាស​ទែ​ញជ្វាល់។ ជេសរី​ទឹង​លែៈ​មពោល​ឞូនុយ្ស​តា​នែស​នតូ​អ្យា​ញុម​នអ៝រ។ ខាន់​ពាង់​មរា​ឆៃ​គ៝ប់​អី​ក៝ន​ឞូនុយ្ស​តាៈ​ឞើស​កោរាញ​ឞ្រាស​ទែ​ញជ្វាល់​ហាន់​រ៝ៈ​នទ៝រ់​តុក​តា​កាលើ​ត្រោក នអ៝ប់​មា​នាវ​ទើយ នទ្រែល​មា​នាវ​ច្រេក​លើប​ទុត​ហោ។

Mathay 24:30 Iomraidhean Croise

Daniel 7:13

Tâm lĕ nau tâm saơ dôl măng Gâp saơ geh du huê tâm ban ma kon bunuyh Văch ndrel ma ndâr tŭk bơh trôk. Nơm nây văch dăch Jêh ri bu njŭn tât na năp măt Nơm Gŭ Rêh Bơh Rnôk Kăl E.

Sakari 12:10

“Gâp mra nkhŭt huêng brah nau yô̆ jêh ri nau vơh vơl ta klơ ngih Y-Đavit jêh ri ma phung gŭ tâm ƀon Yêrusalem. Khân păng mra uănh Gâp jêng Nơm khân păng hŏ ntâp jêh, jêh ri khân păng mra nhĭm vơl ma Gâp, nâm bu nhĭm vơl ma kon bu klâu geh knŏng du huê, jêh ri khân păng klâng ma Gâp nâm bu klâng vơl ma kon bu deh ntơm bôk rah.

Sakari 12:11

Ta nar nây, nau nhĭm vơl tâm ƀon Yêrusalem mra jêng toyh, nâm bu nau nhĭm vơl Hadat-Rimôn tâm neh lâng Mêgidô.

Mathay 24:3

Dôl Păng gŭ ta klơ yôk Ôlive, phung oh mon văch ôp Păng êng pô aơ: “Lah ma hên gĭt ndah jŏ nau nây mra tât, jêh ri moh nau mbên mra mbơh lor ma nar may mra May plơ̆ văch jêh ri tâm rnôk nglĕ dŭt neh ntu?”

Mathay 24:37

Nâm bu tâm nôk Y-Nôê nâm nây, dôl Kon Bunuyh văch đŏng nâm bu pônây lĕ.

Mathay 24:39

khân păng mâu gĭt ôh tât nar dak rdŭl bŭk tât jêh ri đô̆ rdu lĕ rngôch. Nôk Kon Bunuyh văch tâm ban đŏng.

Mathay 26:64

Brah Yêsu plơ̆ lah: “May lah jêh nau nây. Ƀiălah Gâp lah ma khân may, pakơi aơ khân may mra saơ Kon Bunuyh gŭ mpeh pa ma Nơm Nau Brah jêh ri plơ̆ văch ta ndâr tŭk klơ trôk.”

Markôs 13:26

Nôk nây bu mra saơ Kon Bunuyh sŏk nau dơi toyh jêh ri nau chrêk rmah toyh văch ta nklang ndâr tŭk.

Markôs 13:4

“Dăn Nơm Nti mbơh ma hên gĭt ndah jŏ lĕ nau nây mra tât jêh ri moh nau mbên gay ma gĭt mông nglĕ dŭt lĕ rngôch nau nây?”

Luka 21:27

Nôk nây lĕ rngôch bunuyh mra saơ Kon Bunuyh văch tâm ndâr tŭk ma nau dơi toyh jêh ri ma nau chrêk rmah toyh ngăn.

Luka 22:69

Ƀiălah ntơm aƀaơ tât kăndơ̆, Kon Bunuyh mra gŭ mpeh pa ma Brah Ndu Nơm nau brah.”

Kôranh Oh Mon 1:11

jêh ri lah: “Hơi phung Galilê, mâm ƀư khân may dâk n'gơr uănh ta klơ trôk ri? Brah Yêsu aơ Brah Ndu chông hao klơ trôk tă bơh phung khân may, Păng mra plơ̆ văch tâm ban ma khân may saơ Păng hao klơ trôk nây đŏng.”

II Têsalônik 1:7

jêh ri ma khân may jêng phung dơn nau rêh ni geh nau rlu ndrel ma hên, tâm nar Kôranh Brah jêng Brah Yêsu mra tâm mpơl bơh trôk ta nklang chiông ŭnh hit, ndrel ma phung tông mpăr bêng nau dơi Păng.

Nau Tâm Mpơl 1:7

Ri, Păng văch ndrel ma lĕ ndâr tŭk! Lĕ rngôch măt mra saơ Păng, nđâp ma phung hŏ tă ntâp Păng; lĕ rngôch ndŭl mpôl ta neh ntu mra nhĭm nhhiăng yor ma Păng. Nanê̆ di nâm kơt nây! Amen.

Nau Tâm Mpơl 12:1

Jêh nây geh du nau mbên khlay toyh mpơl ta klơ trôk: Du huê bu ur geh nau nkŭm păng nơm ma nar, jâng păng dâk ta klơ khay, bôk păng ndô đon hađăch geh jât ma bar mlâm mănh mbing.