Mathay 24:3 - Nau Brah Ndu Ngơi 2023

³ Dôl Păng gŭ ta klơ yôk Ôlive, phung oh mon văch ôp Păng êng pô aơ: “Lah ma hên gĭt ndah jŏ nau nây mra tât, jêh ri moh nau mbên mra mbơh lor ma nar may mra May plơ̆ văch jêh ri tâm rnôk nglĕ dŭt neh ntu?”

Bunong Bible Latin Script Cambodian dialect

³ Nôk Brah Yêsu gŭ ta yôk tơm Ôlive, mpôl oh mon hăn êng a Păng, ôp Păng: “Hơi Nơm Nti, lŏng May mbơh ăn ma hên gĭt đŏng, dah hôm jŏ nar tât nau i nây mêh? Lah ndri moh ndơ mbên ăn ma hên gĭt lah nar May plơ̆ văch, ndrel ma ta nar n'glĕ dŭt neh ntu tay?”

Bunong

³ នោក​ឞ្រាស​យេឆូ  ​គុ​តា​យោក​តើម​អោលីវ  មពោល​អ៝ស​ម៝ន​ហាន់​អេង​អា​ពាង់ អោប​ពាង់៖ “ហើយ​នើម​នតី ល៝ង់​មៃ​មឞើស​អ៝ន់​មា​ហេន​គឹត​ដ៝ង់ ទាស​ហោម​ជ៝ៈ​នារ​ត៝ត់​នាវ​អី​នៃ​មេស? លាស​នទ្រី​ម៝ស​នទើ​មឞេន​អ៝ន់​មា​ហេន​គឹត​លាស​នារ​មៃ​ព្លឹ​វាច់ នទ្រែល​មា​តា​នារ​ងគ្លែៈ​ទុត​នែស​នតូ​តៃ?”

Mathay 24:3 Iomraidhean Croise

Mathay 13:36

Nôk Păng ăn ma phung ƀon lan plơ̆ sĭt, Brah Yêsu lăp tâm ngih. Phung oh mon hăn dăch, lah ma Păng: “Dăn Kôranh rblang ma hên nau hôr ma gơ̆ mhĭk tâm mir lŏ.”

Mathay 13:49

Nâm bu pônây lĕ ta nar lôch neh ntu, phung tông mpăr mra văch, tâm pă phung mhĭk bơh phung sŏng srăng,

Mathay 15:12

Pakơi nây phung oh mon hăn dăch, lah ma Păng: “May gĭt lĕ phung Pharisi geh nau ƀư rngot, yorlah tăng jêh nau ngơi pônây?”

Mathay 16:27

Yorlah Kon Bunuyh mra văch tâm nau chrêk rmah Mbơ̆ Păng ndrel ma phung tông mpăr. Nôk nây, Păng mra ăn nau nkhôm ma ăp nơm, tĭng nâm nau kan păng hŏ pah jêh.

Mathay 16:28

Nanê̆ ngăn, Gâp lah ma khân may, geh ƀaƀă bunuyh gŭ ta aơ mâu mra khĭt ôh lor saơ Kon Bunuyh văch tâm ƀon bri hađăch Păng.”

Mathay 17:19

Phung oh mon hăn dăch tâm mâp đah Brah Yêsu jêh ri ơh pô aơ: “Mâm ƀư hên mâu dơi mprơh brah mhĭk nây?”

Mathay 21:1

Tơlah Brah Yêsu jêh ri phung oh mon dăch tât ta ƀon Yêrusalem, nôk hăn lăp ta Bêtphajê, êp yôk Ôlive, Păng njuăl bar hê oh mon hăn,

Mathay 24:27

Yorlah nâm bu lơp nglaih luh tă bơh mpeh luh nar, lơp ang tât mpeh nhâp nar nâm nây, ri mơ Kon Bunuyh mra văch đŏng nâm bu pônây.

Mathay 24:30

Nôk nây, nau mbên ma Kon Bunuyh mra tâm mpơl ta klơ trôk, Lĕ rngôch mpôl băl bunuyh ta klơ neh ntu mra nter nhĭm nhhiăng, jêh ri mra saơ Kon Bunuyh văch tâm ndâr tŭk ta klơ trôk ma nau brah toyh jêh ri nau chrêk rmah toyh.

Mathay 24:37

Nâm bu tâm nôk Y-Nôê nâm nây, dôl Kon Bunuyh văch đŏng nâm bu pônây lĕ.

Mathay 24:39

khân păng mâu gĭt ôh tât nar dak rdŭl bŭk tât jêh ri đô̆ rdu lĕ rngôch. Nôk Kon Bunuyh văch tâm ban đŏng.

Mathay 24:43

Gĭt hom nau nây, tơlah du huê kôranh ngih gĭt moh mông bunuyh ntŭng văch, păng mra rngeh njrăng, mâu ăn bunuyh ntŭng lăp tâm ngih păng.

Mathay 28:20

jêh ri ntĭm nti ăn khân păng djôt prăp lĕ nau Gâp ntăm jêh ma khân may. Jêh ri aơ, Gâp hôm gŭ ndrel ma khân may ƀaƀơ kŏ tât nar lôch.”

Luka 21:7

Khân păng ôp Brah Yêsu: “Hơi Nơm Nti, ndah jŏ lĕ nau nây mra tât, jêh ri moh nau ăn ma hên gĭt lĕ kan nây bơi tât?”

Kôranh Oh Mon 1:7

Păng plơ̆ lah: “Ma rnôk jêh ri mông nar Mbơ̆ nơm geh nau dơi tâm nal, nây jêng nau khân may mâu gĭt ôh.

ហេឞ្រើ 9:26

Yorlah pônây, bơh ntơm rhăk njêng neh ntu kŏ tât nar aơ, Păng dơn jêh nau rêh ni âk tơ̆. Ƀiălah aƀaơ, Păng tâm mpơl jêh knŏng du tơ̆ rĭng jêh tâm nglĕ dŭt tâm lĕ rnôk rô̆ gay nhhơr Păng nơm ƀư mpa ƀư brah sŏk lơi nau tih.