Mathay 23:4 - Nau Brah Ndu Ngơi 2023

⁴ Khân păng nchâp jêh ri bun lĕ ndơ jâk ngăn ta nglik bu, ƀiălah khân păng nơm mâu ŭch pah du nglau ti khân păng ôh.

Bunong Bible Latin Script Cambodian dialect

⁴ Khân păng njêng nau vay dŭt jêr dŭt jŏk ngăn ăn ma bunuyh ndjôt, yơn ma khân păng nơm mâu ŭch ôh pah, bol lah pah đê̆ mâu ŭch đŏng.

Bunong

⁴ ខាន់​ពាង់​ញជេង​នាវ​វៃ​ទុត​ជេរ​ទុត​ជ៝ក់​ងាន់​អ៝ន់​មា​ឞូនុយ្ស​ញអោត យើន​មា​ខាន់​ពាង់​នើម​មោ​អុច​អោស​ពាស ឞ៝ល​លាស​ពាស​ដេៈ​មោ​អុច​ដ៝ង់។

Mathay 23:4 Iomraidhean Croise

Êsai 46:1

Brah Bel cha lôt, brah Nêbô prah sơmok, Rup brah khân păng bu rdeng ta klơ ndŭr kơi mpa bri jêh ri mpô mpa rong. Phung rup khân may vay tung Jêng du ndơ jâk, ƀư rgănh mpô mpa.

Mathay 23:23

Rêh ni yơh ma khân may, phung kôranh nchih samƀŭt jêh ri phung Pharisi, jêng phung geh nuih n'hâm nklă! Yorlah khân may nhhơr du kô̆ tâm jât klôih, ndơ ƀâu kah, trau gir, ƀiălah khân may chuêl lĕ nau khlay lơn tâm nau vay jêng nau sŏng, nau yô̆ nđach jêh ri nau chroh. Ăn khân may ƀư lĕ nau nây, ƀiălah mâu dơi đŏng chuêl lĕ nau ri.

Mathay 23:3

Pôri, ƀư tĭng hom jêh ri djôt prăp lĕ nau khân păng đă ma khân may; ƀiălah lơi tĭng kơt lĕ nau khân păng ƀư, yorlah khân păng knŏng lah ƀiălah mâu ƀư ôh.

Luka 11:46

Brah Yêsu plơ̆ lah: “Rêh ni yơh ma khân may đŏng, jêng phung nơm nti nau vay! Yorlah khân may ăn bu anh ndơ jâk, ƀiălah khân may nơm mâu pah bi du nglau ti ôh!

Kôranh Oh Mon 15:10

Pôri aƀaơ, mâm ƀư khân may janh rlong uănh Brah Ndu, dơm ta trô ko phung oh mon du mlâm mâng mbăk, phung chô yau he mâu lah he nơm ăt mâu dơi mbăk lĕ.

Kôranh Oh Mon 15:28

Yorlah Brah Huêng Ueh jêh ri hên hŏ dơn jêh, mâu dơm ntop nau jâk jêr ma khân may ôh, knŏng lĕ nau khlay aơ:

Galati 6:13

Yorlah phung nây dơn nau koh ntâu jêh ƀiălah mâu djôt prăp nau vay ôh, ƀiălah khân păng ŭch ma khân may dơn nau koh ntâu gay ngơi hưn ma tâm nglay săk khân may.

I Yôhan 5:3

He rŏng ma Brah Ndu nâm bu ntĭt he tông prăp lĕ nau vay Păng ntăm; nau vay Păng ntăm mâu jâk jêr ôh.

Nau Tâm Mpơl 2:24

Ƀiălah Gâp lah đah phung bunuyh khân may hôm e ta ƀon Thiatir, jêng phung bunuyh mâu sŏk dơn ôh nau nti nây, mâu mâp gĭt năl ôh mâm bu rnha nau jru brah Satan, pô aơ: Gâp mâu dơm nau jâk jêr êng ma khân may.