Mathay 23:38 - Nau Brah Ndu Ngơi 2023

³⁸ Aơ, ngih khân may mra jêng rngol!

Bunong Bible Latin Script Cambodian dialect

³⁸ Lŏng uănh, ƀon khân ay may tay Kôranh Brah ntlơi ngăn, jêng rngol.

Bunong

³⁸ ល៝ង់​អ្វាញ់ ប៝ន​ខាន់​អៃ​មៃ​តៃ​កោរាញ​ឞ្រាស​នត្លើយ​ងាន់ ជេង​រាង៝ល។

Mathay 23:38 Iomraidhean Croise

I Phung Hađăch 9:7

nôk nây Gâp mra mprơh phung Israel du luh bơh neh Gâp hŏ ăn jêh ma khân păng. Bi ngih brah Gâp hŏ prăp êng jêng kloh ueh ma amoh Gâp, Gâp mra mƀăr lơi ngih luh bơh măt Gâp; jêh ri phung Israel mra jêng du bôk nau mprĭng ma lĕ rngôch phung ƀon lan ngơi hôr jêh ri gơm mpray.

Nau Mprơ Ơm 69:24

Dăn nkhŭt nau May ji nuih tâm khân păng. Ăn May ji nuih tĭng ban khân păng.

Nau Mprơ Ơm 69:25

Ŭch ma ntŭk khân păng gŭ plơ̆ jêng rngol. Mâu hôm geh bunuyh gŭ tâm ngih bok khân păng đŏng ôh.

Êsai 5:9

Brah Yêhôva ma phung tahan lah jêh ma tôr gâp: “Nanê̆ ngăn, geh âk rplay ngih mra jêng rngot njăp, Lĕ ngih toyh jêh ri ueh nây mâu mra geh bunuyh gŭ ôh!

Yêrêmi 22:5

Ƀiălah tơlah khân may mâu ŭch rkêng tôr iăt ôh nau aơ, Brah Yêhôva lah, Gâp ton nchŏng ma săk Gâp nơm pô aơ ngih hađăch aơ mra jêng rngot njăp.’

Daniel 9:26

Jêh tăch prao jât ma bar năng pơh nây, bu mra nkhĭt lơi Nơm Dơn Tŏ Dak Ƀâu Kah jêh ri mâu mra geh ndơ ôh. Phung tahan du huê kôranh tât pakơi mra ƀư rai lơi ƀon jêh ri ngih brah. Nau dăch dŭt mra tât nâm bu dak lip. Kêng dŭt mra geh tât nau tâm lơh, nau rngol hŏ nal jêh.

Sôphôni 3:6

“Gâp hŏ ƀư rai jêh phung ntil mpôl bunuyh, Ƀư lĕ vâl tŭm gak ta njônh mpêr ƀon jêng rlâm rai. Gâp ƀư ma trong sâng păng jêng bri hŏng, Kŏ tât mâu geh ôh bunuyh hăn rgăn ta nây. Lĕ ƀon khân păng bu hŏ ƀư rai jêh, Mâu hôm geh du huê bunuyh, jêh ri kŏ mâu geh lĕ bunuyh gŭ ta nây.

Sakari 11:6

Brah Yêhôva lah: “Nanê̆, Gâp mâu mbeh ôh ma phung bunuyh ƀon lan gŭ tâm n'gor bri aơ đŏng. Ƀiălah aơ, Gâp mra jao ăp nơm tâm ti phung chiau meng păng jêh ri tâm ti hađăch păng. Khân păng mra jot plên bri neh, jêh ri Gâp mâu mra tâm rklaih ôh khân păng tă bơh ti phung nây.”

Mathay 24:2

Păng lah: “Khân may saơ lĕ rngôch ndơ nây di ƀơh? Nanê̆, Gâp lah ma khân may, ntŭk aơ mâu mra hôm geh du mâm lŭ tâm dăp gŭ ta klơ mlâm lŭ êng mâu mra tŭp.”

Markôs 13:14

Ƀiălah tơlah khân may saơ nau ƀơ̆ ƀơch ngăn ƀư nau rai ta ntŭk mâu dơi vay ƀư ôh (mbu rŏ mra gĭt vât), pôri mbu dôl gŭ tâm n'gor Yuđa nchuăt du hom klơ yôk;

Luka 13:35

Aơ, ngih khân may mra jêng rngot njăp. Gâp lah ma khân may, khân may mâu mra saơ Gâp ôh kŏ tât dôl khân may mra lah pô aơ: ‘Tâm rnê ma Nơm văch ma amoh Kôranh Brah!’ ”

Luka 21:20

Ƀiălah tơlah khân may saơ phung tahan gŭ jŭm ƀon Yêrusalem, ăn khân may gĭt nau ƀư rai păng dăch jêh.

Luka 21:24

Bu mra nkhĭt khân păng ma đao bu njŭn khân păng jêng bu nă tâm lĕ rngôch mpôl băl, jêh ri phung bu năch mra jot ƀon Yêrusalem tâm dâng jâng khân păng, tât rnôk phung bu năch mra ƀư lĕ.

Luka 21:6

“Nar mra tât lĕ ndơ khân may saơ ta ao mra rlâm rai lĕ ƀhiau, mâu hôm du glo lŭ aơ gŭ ta klơ glo lŭ êng ôh.”