Mathay 23:15 - Nau Brah Ndu Ngơi 2023

¹⁵ Rêh ni yơh ma khân may, phung kôranh nchih samƀŭt jêh ri phung Pharisi, jêng phung bunuyh nuih n'hâm nklă! Yorlah khân may hăn lam dak mƀŭt jêh ri neh ntu ŭch ăn du huê êng lăp phung khân may; ƀiălah dôl bunuyh nây dơi lăp jêh, khân may ƀư ma bunuyh nây plơ̆ jêng du huê kon ndrung ŭnh bar tơ̆ ma khân may.

Bunong Bible Latin Script Cambodian dialect

¹⁵ “Ơ phung nơm nti nau vay phung bân, ndrel ma khân may i phung Pharisi! Khân may jan iăt nau Kôranh Brah dơm. Kôranh Brah mra ăn nau rêh rnhăl ngăn ma khân may, yorlah khân may hăn nsong dŭt ngai rŏ kalơ neh, rŏ dak văch dak văr, gay ma jă du huê bunuyh lăp tâng nau vay phung bân. Tât ma lĕ geh bu lăp jêh, khân may jan ăn bunuyh i nây lơ ma hô djơh dŭt hô ngăn, di ma tŭp ta ndrung ŭnh, djơh rlau bar tơ̆ khân may nơm jât.”

Bunong

¹⁵ “អើ​ផូង​នើម​នតី​នាវ​វៃ​ផូង​ឞ៝ន់ នទ្រែល​មា​ខាន់​មៃ​អី​ផូង​ផារីឆី  ! ខាន់​មៃ​ជាន​អ្យាត់​នាវ​កោរាញ​ឞ្រាស​ទើម។ កោរាញ​ឞ្រាស​មរា​អ៝ន់​នាវ​រេស​រាញាល់​ងាន់​មា​ខាន់​មៃ យ៝រ​លាស​ខាន់​មៃ​ហាន់​ញឆ៝ង​ទុត​ងាយ​រ៝ៈ​កាលើ​នែស រ៝ៈ​ទាក​វាច់​ទាក​វារ់ គៃ​មា​ជាៈ​ទូ​ហ្វេ​ឞូនុយ្ស​លាប់​តឹង​នាវ​វៃ​ផូង​ឞ៝ន់។ ត៝ត់​មា​លែៈ​គែស​ឞូ​លាប់​ជេស ខាន់​មៃ​ជាន​អ៝ន់​ឞូនុយ្ស​អី​នៃ​លើ​មា​ហោ​អ្យើស​ទុត​ហោ​ងាន់ ទី​មា​តុប​តា​នទ្រូង​អុញ អ្យើស​រាលាវ​ឞារ​តឹ​ខាន់​មៃ​នើម​ជឹត”។

Mathay 23:15 Iomraidhean Croise

Êsther 8:17

Tâm ăp n'gor, tâm ăp rplay ƀon, ta ntŭk geh jêh nau ntăm jêh ri samƀŭt nau ntrŭnh bơh hađăch lĕ tât, pôri phung Yuđa răm maak jêh ri hâk răm ngăn, du nau nhêt sông toyh jêh ri sông sa tâm nau răm maak. Geh âk bunuyh tâm phung ntil mpôl bunuyh êng tâm n'gor chroh đŏng tĭng nâm phung Yuđa, yorlah khân păng klach krit ngăn ma phung Yuđa.

Mathay 23:13

Rêh ni ngăn ma khân may, phung kôranh nchih samƀŭt jêh ri phung Pharisi, jêng phung nuih n'hâm nklă! Yorlah khân may nchăng mpông ƀon ueh klơ trôk tanăp măt bu; khân may nơm mâu dơi lăp tâm ƀon nây ôh, ƀiălah khân may nơm buay mbu nơm ŭch lăp ta nây đŏng.

Mathay 3:7

Dôl saơ âk phung Pharisi jêh ri phung Sađusê văch dơn nau ƀaptem, Y-Yôhan lah ma khân păng pô aơ: “Hơi mpôl ntil bêh rmâng, mbu mbơh jêh ma khân may gĭt gay nchuăt du nau ji nuih dăch tât?

Mathay 5:22

Ƀiălah Gâp lah ma khân ay may: Mbu nơm ji nuih ma oh nâu păng mra dơn nau bu phat dôih; mbu nơm suai rak ma oh nâu păng jêng ‘nau rluk’ khư dơn Mpôl Kôranh Phat Dôih sek uănh; mbu nơm suai rak ma oh nâu păng jêng brŭt ndrăng khư dơn nau rmal tâm ndrung ŭnh.

Mathay 5:29

Tơlah măt pa ma ƀư ăn may tâm nau tih, rvek jêh ri mƀăr lơi păng ngai! Yorlah ueh lơn may roh du kô̆ tâm săk jăn đah ma lĕ săk jăn mƀăr tâm ndrung ŭnh.

Yôhan 8:44

Khân may luh tă bơh mbơ̆ khân may jêng brah mhĭk, jêh ri khân may ŭch ƀư tĭng nau kơnh ŭch ma mbơ̆ khân may. Bơh ntơm saơm păng jêng nơm nkhĭt bunuyh, jêh ri mâu gŭ tâm nau ngăn ôh, yorlah nau ngăn mâu geh tâm păng ôh. Lah păng ngơi nau mƀruh jêng ngơi tĭng nuih n'hâm djơh păng nơm, yorlah păng jêng nơm mƀruh jêh ri mbơ̆ nau mƀruh.

Kôranh Oh Mon 13:10

“May jêng kon brah mhĭk, nơm rlăng ma lĕ nau sŏng, bêng ma ndơm jêh ri janh ƀai! May ƀư kue trong sŏng Kôranh Brah mro ƀơh?

Kôranh Oh Mon 13:43

Tơlah lôch nau tâm rƀŭn, geh âk phung Yuđa jêh ri phung bu năch tĭng nau phung Yuđa chroh hăn tĭng Y-Pôl jêh ri Y-Ƀarnaƀas. Bar hê khân păng nkoch bri jêh ri n'hao nuih n'hâm khân păng gŭ nâp tâm nau yô̆ Brah Ndu.

Kôranh Oh Mon 14:19

Rnôk nây, geh phung Yuđa văch tă bơh ƀon Antiôs jêh ri ƀon Ikôni văch gay nsŭk phung ƀon lan. Khân păng klŭp Y-Pôl ma lŭ; nđôn lah Y-Pôl khĭt jêh, khân păng têk păng luh padih ƀon.

Kôranh Oh Mon 14:2

Ƀiălah phung Yuđa mâu chroh nsônh, ƀư djơh ma nau mĭn phung bu năch geh nau nuih ma phung oh nâu.

Kôranh Oh Mon 17:13

Ƀiălah tơlah phung Yuđa ta ƀon Têsalônik gĭt ma Y-Pôl nti lĕ nau Brah Ndu ngơi ta ƀon Bêrê, khân păng hăn ta nây gay ma rkhŭk jêh ri nsŭk phung ƀon lan.

Kôranh Oh Mon 2:10

Phriji, Pamphili, Êjipt, Libi dăch Siren; ƀaƀă bu năch nsong văch tă bơh ƀon Rôm,

Kôranh Oh Mon 6:5

Lĕ rngôch bunuyh maak nuih n'hâm ma lĕ nau nây; khân păng hŏ săch Y-Êtiên jêng nơm bêng ma nau chroh jêh ri Brah Huêng Ueh, Y-Philip, Y-Prôkôr, Y-Nikanor, Y-Timôn, Y-Parmênas jêh ri Y-Nikôlas jêng bunuyh ƀon Antiôs tĭng nau phung Yuđa chroh.

Galati 4:17

Phung nây geh nau duh nđơr ma khân may mâu di yor ma geh nuih n'hâm ueh ôh, ƀiălah khân păng ŭch tâm nkhah tâm pă khân may đah hên gay khân may duh nđơr đah khân păng.

Galati 6:12

Lĕ bunuyh ŭch ƀư maak tĭng nâm nglay săk, srôih nchâp khân may dơn nau koh ntâu. Khân păng ƀư kơt nây gay ma khân păng mâu dơn nau bu ƀư mhĭk yor si tâm rkăng Brah Krist yơh.

Êphêsô 2:3

Lĕ rngôch he gŭ tâm phung nây, hŏ geh tơ̆ he gŭ rêh tĭng lĕ nau nglay săk kơnh ŭch, tĭng groi lĕ nau nglay săk ŭch jêh ri nau mĭn. Pônây, tĭng nau ơm geh ta nglay săk, he jêng kon ma nau ji nuih tâm ban lĕ rngôch bunuyh êng.