Mathay 23:12 - Nau Brah Ndu Ngơi 2023

¹² Mbu nơm n'hao êng păng nơm bu mra trŭnh tâm dâng, bi mbu nơm ntrŭnh păng nơm, bu mra n'hao păng.

Bunong Bible Latin Script Cambodian dialect

¹² Bu moh i n'hao êng săk păng nơm, Kôranh Brah njŭr lơi, yơn ma bu moh i njŭr êng săk ŭch iăt păng, Kôranh Brah sơm n'hao păng.”

Bunong

¹² ឞូ​ម៝ស​អី​នហាវ​អេង​ឆាក់​ពាង់​នើម កោរាញ​ឞ្រាស​ញជុរ​លើយ យើន​មា​ឞូ​ម៝ស​អី​ញជុរ​អេង​ឆាក់​អុច​អ្យាត់​ពាង់ កោរាញ​ឞ្រាស​ឆើម​នហាវ​ពាង់”។

Mathay 23:12 Iomraidhean Croise

Ndrom Samƀŭt bơh Yôp 22:29

Lah khân păng geh nau gơm mưch, may mra lah: ‘Yor khân păng sưr!’ Yorlah Brah Ndu rklaih phung dêh rhêt.

Nau Mprơ Ơm 138:6

Nđâp tơlah Brah Yêhôva jêng dŭt prêh, ăt Păng treng uănh ma phung jê̆ janh; Ƀiălah ntơm bơh ngai, Păng gĭt năl jêh phung sưr.

Nau Hôr 15:33

Nau klach yơk ma Brah Yêhôva ntĭm nau blau mĭn, Jêh ri nau dêh rhêt hăn lor ma nau yơk.

Nau Hôr 29:23

Nau sưr bơh du huê bunuyh mra ntrŭnh lơi nơm nây, Ƀiălah mbu nơm geh nuih n'hâm dêh rhêt mra geh nau yơk.

Êsai 57:15

Nơm dŭt prêh, Nơm bu yơk mbah, gŭ ntŭk n'ho ro dŭt ngăn, Amoh Păng jêng Kloh Ueh; Nơm nĕ lah: “Gâp gŭ tâm ntŭk prêh jêh ri kloh ueh, Ƀiălah gŭ ndrel ma nơm geh nuih n'hâm rngot ma nau tih jêh ri nuih n'hâm dêh rhêt, Gay plơ̆ ăn rêh nuih n'hâm phung dêh rhêt, Jêh ri gay ăn rêh tay nuih n'hâm nơm rngot ma nau tih.

Daniel 4:37

Aƀaơ aơ, gâp, Y-Nêbukatnetsar mprơ tâm rnê, mât ton jêh ri yơk ma hađăch tâm Trôk Yorlah lĕ nau kan Păng jêng nanê̆ ngăn da dê Jêh ri lĕ trong Păng jêng sŏng da dê. Mbu nơm hăn tâm nau sưr Păng mra ntrŭnh.

Mathay 18:4

Pôri, mbu nơm geh nau dêh rhêt nâm bu kon se jê̆ aơ mra jêng nơm toyh lơn tâm ƀon bri hađăch klơ trôk.

Mathay 5:3

“Ueh maak ngăn ma phung o ach tâm huêng nuih n'hâm, Yorlah ƀon bri hađăch klơ trôk prăp ăn ma khân păng!

Luka 14:11

Yorlah mbu nơm n'hao êng păng nơm bu mra ntrŭnh, ƀiălah mbu nơm ntrŭnh êng păng nơm bu mra n'hao păng.”

Luka 18:14

Gâp mbơh ma khân may, bunuyh aơ plơ̆ sĭt ta ngih păng, dơi kơp sŏng srăng, mâu di bunuyh ri. Yorlah mbu n'hao êng mra hŭch tâm dâng, ƀiălah mbu nơm hŭch tâm dâng êng mra n'hao.”

Yakơ 4:6

Ƀiălah păng ăn nau yô̆ toyh lơn, yor nây Nau Brah Ndu Ngơi lah: “Brah Ndu tâm rdâng đah phung sưr, ƀiălah ăn ma nau yô̆ ma phung dêh rhêt.”

I Pêtrôs 5:5

Tâm ban lĕ, phung druh ndăm tông hom ma phung kôranh bu ranh. Lĕ rngôch bunuyh nsoh hom nau dêh rhêt gay ƀư ueh ndrăng khân may; yorlah Brah Ndu tâm rdâng đah phung sưr, ƀiălah ăn nau yô̆ ma phung dêh rhêt.

I Pêtrôs 5:6

Pôri, ntrŭnh hom păng nơm tâm dâng ti nau brah Brah Ndu, gay tât mông tâm di păng mra n'hao khân may klơ.