Mathay 22:5 - Nau Brah Ndu Ngơi 2023

⁵ Ƀiălah khân păng mâu meng nau jă, chrê ôh: Ƀaƀă luh hăn tâm mir lŏ, ƀaƀă hăn tăch drăp,

Bunong Bible Latin Script Cambodian dialect

⁵ Yơn ma bu mâu ôh geh dôh tôr, aƀă lôh a mir, aƀă hăn tăch drăp,

Bunong

⁵ យើន​មា​ឞូ​មោ​អោស​គែស​ទោស​តោរ អាបាៈ​លោស​អា​មីរ អាបាៈ​ហាន់​តាច់​ទ្រាប់‌

Mathay 22:5 Iomraidhean Croise

Nau Ntơm 19:14

Pônây Y-Lot hăn luh padih mbơh ma phung klay dăch nđăp đah kon bu ur păng: “Du luh hom gơnh oi tă ntŭk aơ, yorlah Brah Yêhôva mra ƀư rai ƀon aơ.” Ƀiălah phung klay păng mĭn Y-Lot ngơi lôr.

Nau Ntơm 25:34

Jêh nây Y-Yakôb ăn Y-Êsau sa piăng let jêh ri por tuh. Lôch sông sa nhêt, Y-Êsau dâk jêh ri hăn. Y-Êsau hŏ mưch jêh ma nau dơi jêng kon bu klâu bôk rah kơt nây yơh.

Nau Hôr 1:7

Nau klach yơk ma Brah Yêhôva jêng tơm ma nau gĭt rbăng, Bi phung rluk tâm rmot ma nau blau mĭn jêh ri nau ntĭm nti.

Mathay 13:22

Grăp ntil tŭp ta nklang pŭm lok jêng nơm tăng nau ngơi ƀiălah nau rvê ma rnôk aơ, nau kơnh ma nau ndrŏng ƀư ma nau ngơi in nu jêh ri mâu dơi geh play ôh.

Mathay 22:4

Hađăch njuăl tay phung oh mon êng jêh ri ntăm pô aơ: ‘Lah hom ma phung gâp jă jêh pô aơ: Nĕ, gâp ndrăp lor jêh, ndrôk jêh ri lĕ mpô mpa lay ƀư puăch jêh, lĕ rngôch ndơ rơm ndrăp jêh. Văch hom râng nau nhêt sông.’

Mathay 22:6

bi phung êng nhŭp phung oh mon hađăch, ƀư mhĭk, jêh nây nkhĭt lơi khân păng.

Yôhan 2:16

Brah Yêsu lah ma phung bunuyh tăch plŭk pô aơ: “Mƀăr lơi hom lĕ ndơ aơ bơh aơ, lơi ƀư ngih Mbơ̆ Gâp jêng ngih tăch drăp.”

Kôranh Oh Mon 2:13

Ƀiălah geh nơm mưch pô aơ: “Khân păng lĕ nhŭl jêh ndrănh mhe.”

Kôranh Oh Mon 24:25

Ƀiălah dôl Y-Pôl ngơi ma nau sŏng srăng, ma nau di keh jêh ri ma nau phat dôih tâm nar kăndơ̆, Phêlik klach râm sâr jêh ri lah: “Sĭt hom may aƀaơ ro; tơlah gâp ru, gâp mra kuăl may.”

Samƀŭt Pôl Njuăl Ăn Ma Phung Nsing Ta Ƀon Rôm 2:4

Mâu lah may uănh dơm dam lĕ ma nau âk rmeh nuih n'hâm ueh, nau srôih jêh ri nau yô̆ Păng? May mâu gĭt hĕ nuih n'hâm ueh Brah Ndu njŭn leo may tâm rmal nau tih may nơm?

Samƀŭt Pôl Njuăl Ăn Ma Phung Nsing Ta Ƀon Rôm 8:6

Yor nau mĭn ŭch tĭng nglay săk jêng nau khĭt, ƀiălah mĭn ŭch tĭng Brah Huêng Ueh jêng nau rêh jêh ri nau đăp mpăn;

II Timôthê 3:4

ƀlăch ƀlêr, gơnh nuih, bêng ma nau sưr, ŭch ma nau pâl maak rlau lơn ma rŏng Brah Ndu,

ហេឞ្រើ 2:3

mâm ƀư he dơi klaih đah nau tâm rmal tơlah he uănh mâu khlay ma nau tâm rklaih toyh ngăn? Nây jêng nau tâm rklaih Kôranh Brah mbơh jêh ntơm saơm, jêh phung bunuyh tăng jêh mbơh nau nây jêng ngăn ma he.

II Pêtrôs 2:3

Yorlah nuih n'hâm kơnh ir, khân păng dŏng lĕ nau ngơi mƀruh nchơt gay sŏk drăp nkhôm bơh khân may; nau phat dôih prăp ma khân păng ntơm bơh jŏ nar jêh ăt hôm khlay, jêh ri nau rai lôch prăp ma khân păng mâu gŭ rlu.