Mathay 22:3 - Nau Brah Ndu Ngơi 2023

³ Hađăch njuăl oh mon hăn kuăl phung dơi jă jêh văch râng nau nhêt sông tâm nkol ur sai, ƀiălah khân păng mâu văch.

Bunong Bible Latin Script Cambodian dialect

³ Jêh ri păng đă phung dâk păng hăn kuăl bunuyh i lĕ păng jă lăp nhêt sông sa tâm nđăp i nây, yơn ma khân păng mâu ŭch ôh văch.

Bunong

³ ជេសរី​ពាង់​ដាៈ​ផូង​ទឹក​ពាង់​ហាន់​ក្វាល់​ឞូនុយ្ស​អី​លែៈ​ពាង់​ជាៈ​លាប់​ញេត​ឆោង​ឆា​តឹម​នអាប់​អី​នៃ យើន​មា​ខាន់​ពាង់​មោ​អុច​អោស​វាច់។

Mathay 22:3 Iomraidhean Croise

Nau Mprơ Ơm 68:11

Kôranh Brah ntrŭnh nau ntăm, Du phung bu ur hăn mbơh Nau Mhe Mhan Ueh pô aơ:

Êsai 30:15

Kôranh Brah jêng Brah Yêhôva, Nơm Kloh Ueh Israel lah: “Yor nau khân may plơ̆ sĭt jêh ri mpăn rlu, khân may mra rklaih; Yor nau gŭ rklăk jêh ri king n'gang, khân may mra geh nau ktang. Ƀiălah khân may mâu ŭch pônây ôh!

Yêrêmi 25:4

Nđâp lah Brah Yêhôva hŏ ƀaƀơ mprơh phung oh mon Păng hăn, nây jêng phung nơm mbơh lor, tât ma khân may ƀiălah khân may mâu iăt ôh, mâu rkêng tôr iăt.

Yêrêmi 35:15

Gâp ƀaƀơ prơh hăn jêh lĕ rngôch phung oh mon Gâp, jêng phung nơm mbơh lor, hăn tât lah ma khân may: “Ăp nơm tâm khân may mra chalơi trong mhĭk jêh ri tâm rgâl nau khân may ƀư. Lơi ta tĭng ôh gay pah kan ma lĕ brah êng, ri mơ khân may mra gŭ tâm bri Gâp hŏ ăn jêh ma khân may jêh ri ma phung chô yau khân may.” Ƀiălah khân may mâu mâp rkêng tôr, jêh ri mâu iăt ôh nau Gâp.

Ndrom Samƀŭt bơh Ôsê 11:2

Lơ hâu Gâp kuăl păng Păng lơ hâu du der ma Gâp. Khân păng hŏ nhhơr ndơ ƀư brah ma rup brah Baal Jêh ri su ndơ ƀâu kah ma rup brah.

Ndrom Samƀŭt bơh Ôsê 11:7

Ngăn yơh phung ƀon lan Gâp ŭch chalơi Gâp; Nđâp tơlah khân păng kuăl ma Nơm Dŭt Prêh Păng ăt mâu rdâk khân păng dâk.

Sôphôni 1:7

Gŭ klăk klêm hom tanăp Kôranh Brah Yêhôva! Yorlah nar Brah Yêhôva hŏ dăch tât jêh; Brah Yêhôva hŏ ndrăp nkra jêh du mlâm mpa ƀư brah, Prăp êng ma phung bu năch Păng lĕ jă jêh.

Mathay 21:34

Tât yan pĕ play krăk ƀâu, kôranh njuăl phung oh mon văch ta lĕ bunuyh tăm krăk ƀâu gay sŏk kao play.

Mathay 23:37

“Hơi Yêrusalem, Yêrusalem! May nkhĭt phung nơm mbơh lor jêh ri klŭp ma lŭ phung bu njuăl ma may! Âk tơ̆ jêh Gâp ŭch tâm rgum phung kon may tâm ban ma iăr me rtŭk kon păng, gay pôn lơi tâm dâng năr păng, ƀiălah khân may mâu ŭch ôh!

Mathay 3:2

“Rmal hom nau tih, yorlah ƀon bri hađăch klơ trôk dăch tât jêh!”

Mathay 9:15

Brah Yêsu plơ̆ lah: “Mâm ƀư phung bu jă râng nau nhêt sông tâm nkol ur sai ƀiălah rngot muh măt tâm nôk bu klâu ntơm gŭ ur gŭ ndrel đah khân păng? Ƀiălah tât ta nar bu kuăl bu klâu nây du tă bơh khân păng, nôk nây khân păng mra ât sông sa.

Luka 13:34

“Hơi Yêrusalem, Yêrusalem! May nkhĭt phung nơm mbơh lor jêh ri klŭp ma lŭ phung bu njuăl ma may! Âk tơ̆ jêh Gâp ŭch tâm rgum phung kon may tâm ban ma iăr me rtŭk kon păng gay pôn lơi tâm dâng năr păng, ƀiălah khân may mâu ŭch ôh.

Luka 15:28

Kon bôk rah hao ji nuih ro jêh ri mâu ŭch lăp tâm ngih. Mbơ̆ păng du luh jêh ri bonh đă ma păng lăp.

Luka 19:27

Bi ma phung rlăng đah gâp, mâu ŭch gâp chiă uănh khân păng, njŭn leo hom khân păng văch ta aơ jêh ri nkhĭt lơi khân păng tanăp gâp.’ ”

Yôhan 5:40

ƀiălah khân may mâu ŭch văch ta Gâp gay dơi geh nau rêh n'ho ro.

Kôranh Oh Mon 13:45

Ƀiălah dôl saơ phung bunuyh nây phung Yuđa bêng ma nuih n'hâm mâu nach, tâm rdâng đah nau Y-Pôl nti lah jêh ri suai rak ma păng.

Samƀŭt Pôl Njuăl Ăn Ma Phung Nsing Ta Ƀon Rôm 10:21

Ƀiălah ma phung Israel, Păng lah: “Lĕ nar Gâp yơr ti mpeh du phung ƀon lan mâu tông jêh ri dăng bôk.”

ហេឞ្រើ 12:25

Njrăng hom, lơi dun ma Nơm ngơi đah khân may. Yorlah tơlah khân păng dun iăt nơm mbơh nau mbơh lor ma khân păng ta neh ntu, rlau lơn ma he tâm rdâng đah Nơm ntrŭnh nau mbơh lor bơh trôk, lơ hô mâu dơi klaih ôh.

ហេឞ្រើ 9:15

Yor ma nau nây, Păng jêng Nơm tâm nklang ma nau tâm rnglăp mhe; tă bơh nĕ, phung bunuyh geh jêh nau kuăl dơi sŏk dơn drăp ndơn n'ho ro ton jêh ma khân păng nơm, yorlah Păng khĭt jêh dơi tâm chuai nau tih khân păng hŏ ƀư tih tâm dâng nau tâm rnglăp tal nguay.

Nau Tâm Mpơl 22:17

Brah Huêng Ueh jêh ri Ƀăn lah ndrel: “Văch hom!” Mbu nơm tăng lah đŏng: “Văch hom!” Mbu nơm ji hir, văch hom! Mbu nơm ŭch, văch hom jêh ri sŏk dơn dak nau rêh ăn dơm dam.

I Samuel 9:13

Tơlah khân may lĕ lăp tâm ƀon, khân may mra saơ păng êlor ma păng hăn hao ntŭk prêh klơ gay ma sông sa. Phung ƀon lan mâu mra sông sa lor ôh lah mâu hŏ tât păng, yorlah păng ăn nau ueh uĭn ma mpa ƀư brah; jêh nau nây, phung bu jă mra sa. Pônây, aƀaơ hăn hao hom, yorlah nar aơ n'hêl nanê̆ khân may mra tâm mâp đah păng.”