Mathay 22:16 - Nau Brah Ndu Ngơi 2023

¹⁶ Khân păng njuăl phung oh mon khân păng ndrel ma phung bunuyh tâm mpôl Hêrôt hăn lah ma Brah Yêsu pô aơ: “Hơi Nơm Nti, hên gĭt May jêng bunuyh sŏng ngăn jêh ri nti trong Brah Ndu ma nau di, mâu chrê ma bu ôh, yorlah May mâu uănh ma bunuyh padih ôh.

Bunong Bible Latin Script Cambodian dialect

¹⁶ Jêh ri khân păng đă mpôl oh mon khân păng, ndrel ma mpôl i tâng kôranh mât uănh Hêrôt-Ŏntipas hăn a Brah Yêsu. Tât ta nây khân păng ôp: “Hơi Nơm Nti! Hên gĭt May bunuyh sŏng ngăn, May nti nau Kôranh Brah ăn tâm di ngăn, May mâu ôh klach ma bunuyh, mâu ôh kơih bunuyh.

Bunong

¹⁶ ជេសរី​ខាន់​ពាង់​ដាៈ​មពោល​អ៝ស​ម៝ន​ខាន់​ពាង់ នទ្រែល​មា​មពោល​អី​តឹង​កោរាញ​ម៝ត់​អ្វាញ់​ហេរោត-​អ៝ន់តីពាស  ​ហាន់​អា​ឞ្រាស​យេឆូ  ។ ត៝ត់​តា​នៃ​ខាន់​ពាង់​អោប៖ “ហើយ​នើម​នតី! ហេន​គឹត​មៃ​ឞូនុយ្ស​ឆ៝ង់​ងាន់ មៃ​នតី​នាវ​កោរាញ​ឞ្រាស​អ៝ន់​តឹម​ទី​ងាន់ មៃ​មោ​អោស​ក្លាច​មា​ឞូនុយ្ស មោ​អោស​កើយ្ស​ឞូនុយ្ស។

Mathay 22:16 Iomraidhean Croise

I Phung Hađăch 22:14

Ƀiălah Y-Mika plơ̆ lah: “Gâp sŏk amoh Brah Yêhôva gŭ rêh mro mrăng gay sơm ton, gâp mra ngơi moh nau Brah Yêhôva lah ma gâp.”

Nau Mprơ Ơm 12:2

Khân păng dŏng nau ngơi mƀruh gay nkoch bri ndrăng khân păng nơm, Sŏk bâr mbung ngơi lĕ nau nklă ƀiălah nuih n'hâm ma nau mƀruh ndơm.

Nau Mprơ Ơm 5:9

Yorlah trôm mbung khân păng mâu nanê̆, Nuih n'hâm khân păng bêng ma nau ƀư rai, Ko khân păng nâm bu môch pơk lơi, Mpiăt khân păng ngơi ma nau nklă.

Nau Mprơ Ơm 55:21

Bâr mbung păng mbĭr tâm ban ma dak ngi Ƀiălah tâm nuih n'hâm nchră mĭn nau tâm lơh. Nau ngơi păng ueh lơn ma ngi Ƀiălah jêng đao tŏk rơm lơi jêh.

Nau Hôr 29:5

Mbu nơm ngơi njĭp phung chiau meng, Jêng drăng nhuăl tâm dâng jâng păng nơm.

Malachi 2:6

Nau ntrŭnh nanê̆ ngăn hŏ gŭ tâm trôm mbung păng, jêh ri bu mâu saơ nau kue ôh ta trôm mbung păng. Păng hŏ chuat hăn ndrel ma Gâp tâm nau đăp mpăn jêh ri nau sŏng, păng ƀư âk bunuyh plơ̆ sĭt tă bơh nau kue.

Malachi 2:9

“Yor nây, Gâp ƀư ăn ma khân may plơ̆ jêng tâm rmot jêh ri bêk prêng tanăp măt lĕ rngôch bunuyh, yorlah khân may mâu djôt prăp ôh trong Gâp, ƀiălah khân may mpơl nau khân may gŭ du ding mpeh tâm nau vay.”

Mathay 22:24

“Hơi Nơm Nti, Y-Môis lah: ‘Tơlah du huê bunuyh khĭt mâu geh kon, oh păng mra sŏk ur ndrô nâu păng gay geh kon ntrok noi deh ma nâu păng nơm.’

Mathay 22:26

Bunuyh rơh bar, rơh pe, kŏ tât bunuyh rơh pơh tâm ban lĕ.

Mathay 26:18

Păng lah: “Lăp hom ƀon, tât ta du huê bunuyh jêh ri lah đah bunuyh nây pô aơ: ‘Nơm Nti lah: Mông Gâp dăch tât jêh, Gâp jêh ri phung oh mon mra râng rƀŭn Nau Găn ta ngih may.’ ”

Mathay 26:49

Ƀât lât Y-Yuđa văch dăch Brah Yêsu jêh ri lah pô aơ: “Mbah Nơm Nti!” Jêh nây chŭm păng.

Markôs 10:17

Dôl Brah Yêsu ntơm hăn nsong, geh du huê bunuyh nchuăt ran tât, chon mon panăp Păng jêh ri ôp: “Hơi Nơm Nti ueh, moh nau gâp mra ƀư gay dơn nau rêh n'ho ro?”

Markôs 12:13

Pakơi nây, khân păng prơh bar pe nuyh tâm mpôl Pharisi jêh ri tâm mpôl Hêrôt tât ma Brah Yêsu gay ndơm Păng tâm nau ngơi.

Markôs 12:14

Khân păng văch lah ma Păng: “Hơi Nơm Nti, hên gĭt May jêng bunuyh sŏng ngăn, mâu chrê ma bu ôh, yorlah May mâu uănh ma bunuyh padih ôh, ƀiălah ntĭm nti trong Brah Ndu ma nau di. Pôri, dơi lĕ chê̆ pi ăn ma Sêsar di nau vay mâu lah mâu? Ăn hên chê̆ mâu lah mâu?”

Markôs 3:6

Phung Pharisi hăn luh, tâm chră ro đah phung bunuyh tâm mpôl Hêrôt tâm rdâng đah Păng gay joi nau dơi nkhĭt Păng.

Markôs 8:15

Păng nkah khân păng: “Njrăng hom jêh ri njrăng ma ndrui phung Pharisi jêh ri ndrui mpôl Hêrôt.”

Luka 20:21

Phung bunuyh nây ôp ma Brah Yêsu: “Hơi Nơm Nti, hên gĭt May ngơi jêh ri nti di ngăn, mâu gŭ ding mpeh ma mbu, ƀiălah nti trong Brah Ndu ma nau di.

Luka 7:40

Brah Yêsu lah ma păng: “Hơi Y-Simôn, Gâp geh nau ŭch lah ma may.” Păng ơh: “Hơi Nơm Nti, ngơi hom.”

Yôhan 14:6

Brah Yêsu lah: “Gâp jêng trong, nau ngăn jêh ri nau rêh. Lah mâu geh Gâp pôri mâu geh bunuyh dơi hăn tât ta Mbơ̆ ôh

Yôhan 18:37

Pilat lah đŏng: “Pôri may ƀơh jêng hađăch?” Brah Yêsu plơ̆ lah: “Ngăn may nơm lah Gâp jêng hađăch. Aơ jêng mâm nau bu deh ma Gâp, mâm nau Gâp văch ta neh ntu aơ: Nây jêng gay ma mbơh nkoch nau ngăn. Mbu nơm jêng bunuyh gŭ tâm nau ngăn, nơm nây iăt nau Gâp ngơi.”

Yôhan 7:18

Mbu nơm nkoch tĭng nau păng nơm ŭch jêng joi nau chrêk rmah ma păng nơm, bi mbu nơm joi nau chrêk rmah ma Nơm hŏ njuăl păng jêng bunuyh nanê̆ ngăn, tâm bunuyh nây mâu geh ôh du ntil nau kue.

II Kôrintô 2:17

Yorlah, hên mâu tăch rgâl ma nau ngơi Brah Ndu nâm bu âk bunuyh êng. Ƀiălah jêng bunuyh Brah Ndu njuăl hăn, hên mbơh nkoch ma nuih n'hâm răp jăp tâm Brah Krist, tanăp Brah Ndu.

II Kôrintô 4:2

Hên dun jêh lĕ nau kan ndâp pôn jêh ri khư geh nau bêk prêng; hên mâu sŏk nau ndơm mâu lah nau nchơt nklă nau Brah Ndu ngơi ôh. Ƀiălah, hên rblang rah vah ma nau ngăn, hên ăn ma nuih n'hâm sŏng lĕ rngôch bunuyh tâm nal ma hên tanăp Brah Ndu.

II Kôrintô 5:16

Yor nây, ntơm aƀaơ hên mâu hôm sek uănh du huê bunuyh tĭng nâm nglay săk ôh, nđâp tơlah hên hŏ tă sek uănh jêh Brah Krist tĭng nâm nglay săk, ƀiălah aƀaơ aơ he mâu hôm sek uănh Păng tĭng nâm nau nây ôh.

Galati 1:10

Bi aƀaơ aơ, gâp ŭch sŏk nuih n'hâm kon bunuyh mâu lah Brah Ndu? Di lĕ gâp ŭch ƀư maak nuih n'hâm ma bunuyh? Tơlah gâp ăt srôih ƀư maak nuih n'hâm ma kon bunuyh, gâp mâu di jêng oh mon ma Brah Krist ôh.

Galati 2:6

Bi ma phung dơi uănh jêng yơk (kăl e ri khân păng jêng mbu nơm kđôi lĕ, mâu đŏng geh nau tât ma gâp ôh; Brah Ndu mâu gŭ du ding ôh) ri mơ khân păng mâu đŏng ăn ntop ndơ ma gâp.

Nau Vay Nkah Tay 33:9

Lêvi nơm lah ma mê̆ mbơ̆ păng nơm pô aơ: ‘Gâp mâu gĭt saơ ôh ma khân păng,’ Păng mâu gĭt năl ôh phung oh nâu păng nơm, Kŏ mâu gĭt đŏng ma phung kon păng nơm. Yorlah khân păng djôt prăp nau ngơi Kôranh Brah, Mât mray nau tâm rnglăp bơh Păng.

I Têsalônik 2:4

Ƀiălah, Brah Ndu hŏ rlong uănh hên jêh ri jao ma hên Nau Mhe Mhan Ueh, pô ri hên mbơh nkoch, mâu di ôh ŭch ƀư maak ma kon bunuyh, ƀiălah ŭch ƀư maak ma Brah Ndu jêng Nơm sek uănh nuih n'hâm hên.

Yakơ 3:17

Ƀiălah nau blau mĭn tă bơh klơ trôk, lor lơn jêng kloh, jêh nây đăp mpăn, rdơ̆ rbăn, nuih n'hâm blau iăt nau bu, nuih n'hâm bêng ma nau yô̆ jêh ri kao play ueh, mâu geh nau ngơi bar mâu lah mƀruh ndơm ôh.

I Yôhan 5:20

He gĭt lĕ ma Kon Brah Ndu văch jêh, jêh ri ăn nau gĭt rbăng ma he gay ma he gĭt năl Păng jêng Nơm nanê̆ ngăn; he gŭ tâm Nơm nanê̆ ngăn, jêng gŭ tâm Kon Păng jêng Brah Yêsu Krist. Păng yơh jêng Brah Ndu nanê̆ ngăn jêh ri jêng nau rêh n'ho ro.