Mathay 20:15 - Nau Brah Ndu Ngơi 2023

¹⁵ Di lĕ gâp mâu dơi vay dŏng moh nau gâp geh tĭng nâm gâp ŭch? Mâu lah jêng may saơ gâp gŭ ueh ƀư ma may keh nach?’

Bunong Bible Latin Script Cambodian dialect

¹⁵ yorlah prăk gâp nơm tâng nuih n'hâm gâp nơm ŭch dŏng. Mâu lah ach ma say gâp jan ueh, may tâm mâu nach ma khân păng?’

Bunong

¹⁵ យ៝រ​លាស​ព្រាក់​គ៝ប់​នើម​តឹង​នូយ្ស​នហ៝ម់​គ៝ប់​នើម​អុច​ទ៝ង់។ មោ​លាស​អាច​មា​ឆៃ​គ៝ប់​ជាន​អ្វែស មៃ​តឹម​មោ​នាច​មា​ខាន់​ពាង់?»

Mathay 20:15 Iomraidhean Croise

Nau Ngluh Êjipt 33:19

Brah Yêhôva lah: “Gâp mra ƀư nau dŭt ueh Gâp tanăp may; Gâp mra mbơh amoh Yêhôva tanăp măt may; Gâp mra ƀư nau ueh ma mbu nơm Gâp ŭch ƀư nau ueh jêh ri yô̆ nđach ma mbu nơm Gâp ŭch yô̆ nđach.”

Nau Hôr 23:6

Lơi sa ôh ndơ sông sa bơh bunuyh geh măt uănh ma nau djơh mhĭk, Mâu lĕ kơnh ma ndơ sông sa kah păng;

Nau Hôr 28:22

Bunuyh geh măt ndơm kơnh ndal ir nchuăt tĭng drăp ndơ, Mâu gĭt ôh nau pưt mâu tŏng mra tât kêng păng.

Yêrêmi 18:6

“Hơi ngih Israel, Gâp mâu dơi ƀư ma khân may nâm bu nơm mon glah aơ hĕ?” Brah Yêhôva lah: “Hơi ngih Israel, mâm neh uk gŭ tâm ti nơm mon glah, khân may gŭ tâm ti Gâp tâm ban pônây lĕ.

Mathay 11:25

Nôk nây Brah Yêsu ngơi pô aơ: “Ơ Mbơ̆, Kôranh Brah trôk jêh ri neh ntu, Gâp tâm rnê ma Mbơ̆, yorlah Mbơ̆ pôn jêh lĕ nau nây ma bunuyh blau mĭn, bunuyh gĭt rbăng, ƀiălah tâm mpơl jêh ma phung kon se jê̆.

Mathay 20:14

Sŏk hom prăk nkhôm may, jêh nây du hăn hom; gâp ŭch ăn ma nơm văch nglĕ dŭt aơ tâm ban hŏ mplơ̆ nkhôm ma may kơt nây.

Mathay 6:23

ƀiălah tơlah măt may chieh, lĕ săk jăn may mra jêng nau ngo. Pôri, tơlah nau ang tâm may knŏng jêng nau ngo ri mơ nau ngo nây mra toyh ngăn yơh!”

Markôs 7:22

nau ka n'hong, nau kơnh rlau ir, janh ƀai, nau mƀruh nchơt, nau brơl rlach, nau keh nach, ngơi nchơt, nau brŭt ndrăng.

Yôhan 17:2

Yorlah Mbơ̆ hŏ ăn jêh ma Kon nau dơi lơn lĕ rngôch nglay săk, gay ăn nau rêh n'ho ro ma lĕ rngôch đơ phung Mbơ̆ ăn jêh ma Kon.

Kôranh Oh Mon 13:45

Ƀiălah dôl saơ phung bunuyh nây phung Yuđa bêng ma nuih n'hâm mâu nach, tâm rdâng đah nau Y-Pôl nti lah jêh ri suai rak ma păng.

I Kôrintô 4:7

Yorlah mbu moh saơ khân may blau lơn ma bunuyh ƀaƀă? Moh ndơ khân may geh dĭng khân may mâu sŏk dơn? Tơlah khân may sŏk dơn jêh, mâm ƀư khân may hôm ngơi hưn nâm bu khân may ê hŏ sŏk dơn?

Êphêsô 1:11

Tâm Păng đŏng, he dơi săch jêng phung sŏk dơn ndơn drăp hŏ tâm nal jêh tĭng nau Brah Ndu dăp, Nơm ƀư lôch lĕ ntil ndơ tĭng nau Păng ŭch,

Êphêsô 2:1

Khân may khĭt jêh yor lĕ nau ƀư tih jêh ri nau tih khân may nơm,

Êphêsô 2:5

pôri nôk he lĕ khĭt jêh yor lĕ nau tih he, Păng ƀư ăn he dâk rêh tay ndrel ma Brah Krist — nây jêng tă bơh nau yô̆ yơh khân may dơi geh nau tâm rklaih —

Nau Vay Nkah Tay 15:9

Njrăng hom, lơi prăp nau mĭn mhĭk tâm nuih n'hâm khân may pô aơ: ‘Bơi tât năm tal pơh jêng năm jut lơi rnon’ jêh ri khân may uănh oh nâu khân may ma măt mhĭk, mâu ăn ôh du mlâm ndơ ma khân păng. Khân păng mra nter ma Brah Yêhôva phong khân may jêh ri khân may mra anh nau tih.

Nau Vay Nkah Tay 28:54

Nđâp ma bunuyh bu klâu mơih rmên lơn tâm khân may, tâm nôk mâu hôm geh ntŭk joi yor nau phung rlăng nchueng jŭm lam ăp ƀon, bunuyh nây mra uănh ma oh nâu păng nơm, ma ur păng rŏng ngăn ngên jêh ri ma phung kon hôm e ma păng nơm đah muh măt janh hâr ngăn,

Yakơ 1:18

Păng hŏ dŏng nau ngơi ngăn deh he tĭng nâm nau Păng mĭn gay ma he jêng du ntil play bôk yan tâm lĕ rngôch ndơ Păng njêng.

Yakơ 5:9

Hơi phung oh nâu, lơi tâm nduyh ndrăng khân may nơm, gay ma khân may mâu geh nau phat dôih; ri, Nơm phat dôih dôl dâk ta bôk mpông.