Mathay 2:4 - Nau Brah Ndu Ngơi 2023

⁴ Păng kuăl rgum phung kôranh ƀư brah toyh jêh ri phung kôranh nchih samƀŭt tâm phung ƀon lan gay ôp ma khân păng: “Ta ntŭk nau deh Brah Krist?”

Bunong Bible Latin Script Cambodian dialect

⁴ Jêh ri păng rgum mpôl kôranh jan brah, ndrel ma phung nơm nti nau vay phung Israel, gay ma ôp ntŭk ƀon deh Brah Krist i nơm rklaih tă bơh Kôranh Brah de njuăl.

Bunong

⁴ ជេសរី​ពាង់​រាគូម​មពោល​កោរាញ​ជាន​ឞ្រាស នទ្រែល​មា​ផូង​នើម​នតី​នាវ​វៃ​ផូង​អីឆ្រាអែល  គៃ​មា​អោប​នតុក​ប៝ន​ទែស​ឞ្រាស​ក្រីស  ​អី​នើម​រាក្លាយ្ស​តាៈ​ឞើស​កោរាញ​ឞ្រាស​ទែ​ញជ្វាល់។

Mathay 2:4 Iomraidhean Croise

II Nau Rêh Jêng 34:13

Khân păng uănh đŏng phung tung mbăk jêh ri chiă uănh đơ phung pah kan ƀư ăp nau kan. Tâm phung Lêvi, geh phung jêng kôranh nchih samƀŭt, phung kôranh jêh ri phung chiă uănh mpông pêr.

II Nau Rêh Jêng 34:15

Y-Hilkia lah ma Y-Saphan kôranh nchih samƀŭt: “Gâp joi saơ jêh ndrom samƀŭt nau vay tâm ngih Brah Yêhôva.” Jêh ri Y-Hilkia jao ndrom samƀŭt nây ma Y-Saphan.

II Nau Rêh Jêng 36:14

Rlau ma nĕ, lĕ rngôch kôranh chiă uănh ma phung kôranh ƀư brah jêh ri phung ƀon lan lơ hô mâu gŭ răp jăp, ƀư lĕ nau ƀơ̆ ƀơch nâm bu phung ƀon lan chiau meng hŏ ƀư. Khăn păng ƀư ƀơ̆ ngih Brah Yêhôva, ngih Păng hŏ ƀư kloh jêh tâm ƀon Yêrusalem.

Êsra 10:5

Y-Êsra dâk, lah ma phung kôranh ƀư brah toyh, phung Lêvi, jêh ri lĕ rngôch phung Israel sơm ton pô aơ khân păng mra ƀư tĭng nâm nau hŏ lah jêh. Khân păng ton sơm ro.

Êsra 7:6

Y-Êsra nây plơ̆ sĭt tă bơh bri Babilôn. Păng jêng du huê kôranh nchih samƀŭt gĭt rbăng tâm nau vay Y-Môis, Yêhôva Brah Ndu phung Israel hŏ ntăm nti jêh. Yorlah ti Yêhôva Brah Ndu kơl ma păng, pôri hađăch ăn ma păng lĕ ndơ păng ŭch dăn.

Nêhêmi 12:7

Y-Salu, Y-Amôk, Y-Hilkia jêh ri Y-Jêdaya. Nây jêng phung kôranh chiă uănh ma phung ƀư brah jêh ri ma phung oh nâu khân păng tâm rnôk Y-Jêsua.

Nau Mprơ Ơm 2:2

Lĕ phung hađăch ta neh ntu plơ̆ dâk tâm rdâng, Phung kôranh chiă uănh tâm rnglăp ndrăng khân păng Tâm rdâng đah Brah Yêhôva jêh ri đah Nơm Dơn Nau Tŏ Dak Ƀâu Kah Păng.

Yêrêmi 8:8

Mâm khân may nănh ngơi: “Hên blau mĭn, Nau vay Brah Yêhôva gŭ ndrel ma hên,”? Ƀiălah aơ, chông mâng nchih nau mƀruh phung kôranh nchih samƀŭt Hŏ ƀư ăn nau vay nây luh nau mƀruh!

Malachi 2:7

Yorlah bâr mbung phung kôranh ƀư brah djôt prăp nau gĭt rbăng, bu mra joi nau ntrŭnh tă bơh trôm mbung păng, yorlah păng jêng nơm ntuh bâr Brah Yêhôva ma phung tahan.

Mathay 13:52

Păng lah: “Pôri, ăp nơm kôranh nchih samƀŭt gĭt lĕ nau ƀon bri hađăch klơ trôk, nâm bu du huê kôranh ngih ri, djôt leo lĕ ndơ mhe nđâp ndơ ơm luh bơh jay ndơ khlay păng nơm.”

Mathay 2:3

Tăng lư nau nây, hađăch Hêrôt jêh ri lĕ rngôch ƀon Yêrusalem geh nau rŭng răng da dê.

Mathay 2:5

Khân păng plơ̆ lah: “Ta ƀon Ƀêtlêhem tâm n'gor Yuđa; yorlah geh nau mbơh lor nchih jêh pô aơ:

Mathay 21:15

Ƀiălah phung kôranh ƀư brah toyh jêh ri phung kôranh nchih samƀŭt saơ lĕ nau mbên khlay Păng ƀư, jêh ri tăng phung kon se nter ktang tâm ngih brah: “Hôsana ma Kon Y-Đavit,” khân păng ji nuih ngăn

Mathay 21:23

Brah Yêsu lăp tâm ngih brah; dôl Păng nti lah, phung kôranh ƀư brah toyh jêh ri phung kôranh bu ranh tâm phung ƀon lan văch gay ôp: “Moh nau dơi May ƀư lĕ nau nây, jêh ri mbu nơm ăn ma May nau dơi nây?”

Mathay 26:3

Nôk nây, phung kôranh ƀư brah toyh jêh ri phung kôranh bu ranh tâm phung ƀon lan rgum tâm nkual ngih kôranh ƀư brah dŭt toyh rnha Y-Kaipe

Mathay 26:47

Dôl Brah Yêsu ngơi, Y-Yuđas Iskariôt, du huê tâm jât ma bar oh mon văch ndrel ma phung âk djôt đao jêh ri mâng tă bơh phung kôranh ƀư brah toyh jêh ri phung bu ranh njuăl tât.

Mathay 27:1

Tât ôi, lĕ rngôch phung kôranh ƀư brah toyh jêh ri phung bu ranh phung ƀon lan tâm nchră tâm rdâng đah Brah Yêsu gay nkhĭt lơi Păng.

Mathay 7:29

yorlah Păng nti ma nau dơi toyh, mâu di nâm bu phung kôranh nchih samƀŭt ôh.

Markôs 8:31

Nôk nây, Brah Yêsu ntơm nti ma phung oh mon pô aơ Kon Bunuyh dơn âk nau rêh ni, phung kôranh bu ranh, phung kôranh ƀư brah toyh jêh ri phung kôranh nchih samƀŭt dun lơi, bu nkhĭt, jêh ri tăch pe nar pakơi Păng dâk rêh tay.

Luka 20:19

Tâm mông nây, phung kôranh ƀư brah toyh jêh ri phung kôranh nchih samƀŭt joi nau gay nhŭp Păng, yorlah gĭt Brah Yêsu ngơi nau hôr nây ŭch ntĭm ma khân păng yơh, ƀiălah khân păng klach phung ƀon lan.

Luka 23:10

Phung kôranh ƀư brah toyh jêh ri phung kôranh nchih samƀŭt dâk dăch ta nây phong Păng dŭt ktang ngăn.

Yôhan 18:3

Pôri, Y-Yuđas njŭn leo du mpôl tahan ndrel ma phung kơl kan phung kôranh ƀư brah toyh jêh ri phung Pharisi hăn ta ntŭk nây, djôt leo ŭnh kađen, ŭnh chai jêh ri ndơ tâm lơh.

Yôhan 3:10

Brah Yêsu plơ̆ lah: “May jêng kôranh nơm nti tâm phung Israel, mâm ƀư mâu gĭt rbăng lĕ nau nây?

Yôhan 7:32

Phung Pharisi tăng lĕ nau phung ƀon lan ngơi ƀŭk dŭk suyh ma Brah Yêsu, pôri khân păng jêh ri kôranh ƀư brah toyh njuăl phung kôranh king n'gang ngih brah hăn nhŭp Brah Yêsu.

Yôhan 8:3

Phung kôranh nchih samƀŭt jêh ri phung Pharisi njŭn leo du huê bu ur khân păng nhŭp dôl văng tĭr, ăn bu ur gŭ tâm nklang phung âk

Kôranh Oh Mon 23:9

Pôri geh nau tâm rlăch ngơi nteh ngăn. Ƀaƀă kôranh nchih samƀŭt mpeh Pharisi dâk jêh ri tâm dun hâu ngăn pô aơ: “Hên joi mâu saơ ôh du ntil nau tih tâm bunuyh aơ. Gĭt lah brah huêng mâu lah tông mpăr ngơi đah păng?”

Kôranh Oh Mon 4:5

Nar ôi taơ, phung kôranh chiă uănh, phung kôranh bu ranh, jêh ri phung kôranh nchih samƀŭt rgum ta ƀon Yêrusalem,

Kôranh Oh Mon 6:12

Khân păng nsŭk phung ƀon lan, phung kôranh bu ranh jêh ri phung kôranh nchih samƀŭt rduh lăp nhŭp Y-Êtiên jêh ri têk leo păng tât tanăp phung Kôranh Phat Dôih.