Mathay 2:23 - Nau Brah Ndu Ngơi 2023

²³ gŭ tâm ƀon rnha jêng Nasaret. Pônây, nau phung nơm mbơh lor hŏ lah jêh geh nau mbên ngăn: “Bu mra kuăl Păng jêng bunuyh ƀon Nasaret.”

Bunong Bible Latin Script Cambodian dialect

²³ Tât ta bri Galilê ri păng gŭ ta du ƀon, ƀon i nây rnha Nasaret. Ndri tâm di đah nau bunuyh ntơyh nau ngơi Kôranh Brah kăl e nơh nchih ma Brah Krist: ‘Bu mra kuăl Păng bunuyh ƀon Nasaret’.

Bunong

²³ ត៝ត់​តា​ឞ្រី​កាលីលេ  ​រី​ពាង់​គុ​តា​ទូ​ប៝ន ប៝ន​អី​នៃ​រាញា​នាឆារែត  ។ នទ្រី​តឹម​ទី​ដាស​នាវ​ឞូនុយ្ស​នតើយ្ស​នាវ​ងើយ​កោរាញ​ឞ្រាស​កាល់​អែ​នើស​ញចីស​មា​ឞ្រាស​ក្រីស  ៖ «ឞូ​មរា​ក្វាល់​ពាង់​ឞូនុយ្ស​ប៝ន​នាឆារែត  »។

Mathay 2:23 Iomraidhean Croise

Nau Kơp Bunuyh 6:13

Aơ nau vay ma bunuyh Nasirit, tơlah lĕ lôch jêh lĕ nar ma nau prăp êng: Bu mra njŭn leo păng ma mpông lăp Ngih Bok Nau Tâm Rƀŭn,

Mathay 1:22

Lĕ nau nây tât geh gay di ngăn đah nau Kôranh Brah hŏ ngơi jêh ma nơm mbơh lor:

Mathay 21:11

Phung bunuyh plơ̆ lah: “Nây jêng Nơm mbơh lor Yêsu gŭ ta ƀon Nasaret, tâm n'gor Galilê.”

Mathay 26:71

Dôl păng du hăn ta ndring mpông, du huê oh mon bu ur êng saơ Y-Pêtrôs jêh ri lah ma phung bunuyh gŭ dăch ta nây pô aơ: “Bunuyh aơ đŏng gŭ ndrel ma Brah Yêsu, bunuyh Nasaret.”

Markôs 1:24

nter huy: “Ơ Brah Yêsu bunuyh ƀon Nasaret, moh nau hên geh đah May? May văch gay ƀư rai hên ƀơh? Gâp gĭt jêh mbu May jêng, jêng Nơm Kloh Ueh tă bơh Brah Ndu.”

Markôs 1:9

Tâm lĕ nar nây, Brah Yêsu văch tă bơh ƀon Nasaret tâm n'gor Galilê, jêh ri Y-Yôhan ƀư ƀaptem ăn Păng ta dak krong Yurdan.

Luka 1:26

Lăp khay rơh prao, Brah Ndu njuăl tông mpăr Gabriel hăn ta ƀon Nasaret, tâm n'gor Galilê,

Luka 18:37

Bu lah ma păng gĭt Brah Yêsu, bunuyh ƀon Nasaret hăn rgăn ta nây.

Luka 2:39

Nôk hŏ lôch jêh lĕ kan tĭng nâm nau vay Kôranh Brah, Y-Yôsep jêh ri H'Mari plơ̆ sĭt ta ƀon khân păng nơm jêng Nasaret ta bri Galilê.

Yôhan 18:5

Khân păng plơ̆ lah: “Yêsu, bunuyh Nasaret.” Brah Yêsu lah ma: “Gâp aơ!” Yuđas, nơm rlăng ma Păng gŭ ndrel ma khân păng ta nây lĕ.

Yôhan 18:7

Brah Yêsu ôp đŏng: “Mbu khân may joi?” Khân păng plơ̆ lah: “Yêsu, bunuyh Nasaret.”

Yôhan 19:19

Pilat ăn bu nchih du rlat kađar jêh ri pla klơ si tâm rkăng. Tâm rlat kađar geh nchih pô aơ: “YÊSU BUNUYH NASARET, HAĐĂCH PHUNG YUĐA.”

Kôranh Oh Mon 2:22

Hơi phung Israel, iăt hom nau gâp ngơi aơ: Brah Yêsu bunuyh Nasaret, Nơm Brah Ndu mbơh ăn nanê̆ tanăp khân may ma lĕ kan nau brah, ma nau khlay jêh ri nau mbên khlay. Bơh Păng, Brah Ndu hŏ ƀư lĕ nau nây ta nklang khân may nâm bu khân may hŏ gĭt rah vah jêh.

Kôranh Oh Mon 24:5

N'hêl nanê̆ ngăn, hên mâp bunuyh aơ tâm ban ma nau ji tưp, ƀư uh ah ma lĕ rngôch phung Yuđa lam neh ntu jêh ri jêng kôranh ma mpôl Nasaret.

Phung Kôranh Phat Dôih 13:5

yorlah ay mra ntreo jêh ri deh du huê kon bu klâu. Mâu dơi ăn măt pêh poih ôh bôk păng, yorlah kon se nây mra jêng du huê Nasirit ma Brah Ndu tă bơh ndŭl me păng. Păng nơm mra tâm rklaih phung Israel bơh ti phung Philistin.”

I Samuel 1:11

Păng mbơh sơm: “Ơ Brah Yêhôva ma phung tahan, tơlah nanê̆ ngăn May mra uănh treng ma nau rêh ni oh mon bu ur May, kah gĭt tay ma gâp jêh ri mâu chuêl ôh ăn ma oh mon bu ur May du huê kon bu klâu, pôri gâp mra nhhơr lôch nau rêh păng ma Brah Yêhôva, jêh ri bu mâu poih ôh bôk sŏk păng ma pêh.”