Mathay 2:13 - Nau Brah Ndu Ngơi 2023

¹³ Jêh phung njêh sĭt jêh, geh du huê tông mpăr Kôranh Brah mpơl tâm nau mbơi ma Y-Yôsep jêh ri lah ma păng pô aơ: “Dâk hom may, djôt kon se jê̆ jêh ri mê̆ Păng hăn du ndĕ ta Êjipt! May mra gŭ ta nây kŏ tât gâp ngơi ma may, yorlah hađăch Hêrôt mra joi kon se jê̆ nây gay nkhĭt.”

Bunong Bible Latin Script Cambodian dialect

¹³ Ndŭt sât khân păng a ri, geh tông păr tă bơh Kôranh Brah nhhơ săk ma Yôsep ta nau mbơi, păng lah: “Hơi Yôsep, dâk hŏm leo Kon Bê i nây, ndrel ma i mê̆ Păng nchuăt du gŭ ta bri Êsip ri. May gŭ ta bri nây kŏp tât gâp kuăl ƀŏt dâng may plơ̆ sât, yorlah kađăch Hêrôt ŭch tâng nkhât kon bê i nây.”

Bunong

¹³ នទុត​ឆឹត​ខាន់​ពាង់​អា​រី គែស​តោង​ពារ់​តាៈ​ឞើស​កោរាញ​ឞ្រាស​ញហើ​ឆាក់​មា​យោឆែប  ​តា​នាវ​មឞើយ ពាង់​លាស៖ “ហើយ​យោឆែប  ទ៝ក់​ហ៝ម់​លែវ​ក៝ន​ឞេ​អី​នៃ នទ្រែល​មា​អី​មេៈ​ពាង់​ញច្វាត់​ទូ​គុ​តា​ឞ្រី​អេឆីប  ​រី។ មៃ​គុ​តា​ឞ្រី​នៃ​ក៝ប់​ត៝ត់​គ៝ប់​ក្វាល់​ប៝ត់​ទឹង​មៃ​ព្លឹ​ឆឹត យ៝រ​លាស​កាដាច់​ហេរោត  ​អុច​តឹង​ងខឹត​ក៝ន​ឞេ​អី​នៃ”។

Mathay 2:13 Iomraidhean Croise

I Phung Hađăch 11:17

Rnôk nây, Y-Hadat jêng du huê ndăm rah ndrel ma lĕ bunuyh Êđôm, jêng lĕ oh mon mbơ̆ păng nơm, nchuăt du tât ma Êjipt.

I Phung Hađăch 3:5

Ta Gibêôn, Brah Yêhôva tâm mpơl ma Y-Salômôn tâm nau mbơi dôl măng; Brah Ndu lah: “Dăn hom dĭng lĕ ntil ndơ may ŭch, Gâp ăn ma may.”

Ndrom Samƀŭt bơh Yôp 33:15

Mâu lah tâm nau mbơi, tâm nau tâm saơ dôl măng, Nôk bu lêt bê̆ch, Lah dôl hăk bê̆ch ta klơ gre păng;

Ndrom Samƀŭt bơh Yôp 33:17

Gay têk kon bunuyh bơh nau khân păng mĭn ŭch ƀư, Jêh ri djôt prăp khân păng bơh nau sưr rlau.

Nau Ngluh Êjipt 1:22

Pharaôn ntăm ma lĕ rngôch phung ƀon lan păng: “Ăn khân nơm klŭp lĕ rngôch kon bu klâu mhe deh phung Hêbrơ tâm dak krong, ƀiălah bu ur rong ăn păng rêh.”

Mathay 1:20

Dôl nôk Y-Yôsep gŭ mĭn nau nây geh du huê tông mpăr Kôranh Brah mpơl ma păng tâm nau mbơi jêh ri lah pô aơ: “Hơi Y-Yôsep, kon sau Y-Đavit, lơi may klach ôh sŏk H'Mari jêng ur may, yorlah kon păng ntreo tă bơh Brah Huêng Ueh yơh ăn.

Mathay 10:23

Tơlah bu ƀư mhĭk ma khân may tâm ƀon nây, hăn du hom ta ƀon ri; yorlah nanê̆, Gâp lah ma khân may, khân may ê hŏ lam ôh lĕ ƀon Israel nôk nây Kon Bunuyh plơ̆ văch jêh.”

Mathay 2:12

Jêh nau nây, tâm nau mbơi, Brah Ndu mbơh ma khân păng mâu ăn khân păng plơ̆ tay ma hađăch Hêrôt ôh, pôri khân păng plơ̆ sĭt ma n'gor khân păng nơm trong êng.

Mathay 2:14

Dôl măng, Y-Yôsep kah rngăl djôt leo kon se jê̆ jêh ri mê̆ Păng du ndĕ ta Êjipt,

Mathay 2:16

Tơlah hađăch Hêrôt gĭt ma phung njêh rlăm ma păng, păng ji nuih hâu ngăn, đă bu nkhĭt lơi lĕ rngôch phung kon se jê̆ bu klâu ntơm bơh jê̆ tât bar năm tâm ƀon Ƀêtlêhem jêh ri lam n'gor nây, tĭng di ngăn nar khay phung njêh mbơh ma Păng.

Mathay 2:22

Ƀiălah tơlah păng gĭt ma Y-Arkêlôs jêng hađăch chiă uănh n'gor Yuđa ntrok hađăch Hêrôt mbơ̆ păng, Y-Yôsep klach, mâu nănh plơ̆ sĭt ta bri nây. Rlau lơn ma nĕ, Brah Ndu mbơh ma păng tâm nau mbơi pôri păng hăn gŭ ta n'gor Galilê,

Kôranh Oh Mon 10:22

Khân păng plơ̆ lah, “Kôranh tahan Kôrnei jêng bunuyh sŏng srăng, klach yơk ma Brah Ndu, lĕ rngôch phung Yuđa mbơh nkoch ueh ma păng. Geh tông mpăr kloh ueh, đă kuăl may hăn ta ngih păng, ŭch iăt nau may nti lah.”

Kôranh Oh Mon 10:7

Tơlah tông mpăr ngơi đah păng lĕ du jêh, Y-Kôrnei kuăl bar hê bunuyh tâm phung oh mon păng jêh ri du huê tahan klach yơk tâm dâng nau dơi păng,

Kôranh Oh Mon 12:11

Y-Pêtrôs kah gĭt jêh ri lah: “Aƀaơ aơ gâp gĭt n'hêl nanê̆ Kôranh Brah njuăl tông mpăr Păng hăn rklaih gâp bơh ti hađăch Hêrôt jêh ri bơh lĕ nau phung Yuđa kâp gân.”

Kôranh Oh Mon 12:7

Ƀât lât, du huê tông mpăr Kôranh Brah mpơl, jêh ri nau ang nchrat tâm ndrung ngo. Tông mpăr dong Y-Pêtrôs ta pŭng vĕ, rlay păng jêh ri lah: “Dâk hom gơnh.” Rse rvăk tŭp tă bơh ti păng ro.

Kôranh Oh Mon 16:36

Pôri, kôranh ndrung đă Y-Pôl: “Phung kôranh ndrung hŏ đă ma gâp mplơ̆ ăn kon me ma khân may; pôri, du luh hom, jêh ri hăn đăp mpăn.”

Kôranh Oh Mon 5:19

Ƀiălah dôl măng geh du huê tông mpăr Brah Ndu pơk mpông ndrung djôt leo phung kôranh oh mon luh du jêh ri ntĭnh pô aơ:

Kôranh Oh Mon 7:19

Hađăch nây dŏng nau ndơm đah phung mpôl băl he jêh ri tŭn jot phung chô yau he, gay nchâp khân păng mƀăr lơi phung kon mhe deh, mâu ăn khân păng gŭ rêh.

Yôsuê 3:13

Tơlah phung kôranh ƀư brah tung Hip Nau Tâm Rnglăp Brah Yêhôva, jêng Kôranh Brah ma lĕ neh ntu, lah jâng khân păng jot tâm dak krong Yurdan, dak krong mâu hôm hoch ôh, jêh ri dak hoch tă bơh tu mra nsŭn ta du ntŭk.”

Yôsuê 3:17

Phung kôranh ƀư brah tung Hip Nau Tâm Rnglăp Brah Yêhôva gŭ nsrâng ta neh sơh tâm nklang dak krong Yurdan, dôl lĕ rngôch phung Israel hăn rgăn ta neh sơh, kŏ tât lĕ rngôch phung ƀon lan rgăn jêh dak krong Yurdan.

Yôsuê 4:10

Lĕ phung kôranh ƀư brah tung Hip Nau Tâm Rnglăp gŭ nsrâng tâm nklang dak krong Yurdan kŏ tât ƀư jêh lĕ kan Brah Yêhôva hŏ lah ma Y-Yôsuê đă ntăm tay ma phung ƀon lan tĭng di nâm nau Y-Môis ntăm jêh ma Y-Yôsuê. Jêh nây phung ƀon lan ndal rgăn dak krong Yurdan.

Yôsuê 4:18

Lah phung kôranh ƀư brah tung Hip Nau Tâm Rnglăp Brah Yêhôva tă bơh nklang dak krong Yurdan hăn hao, jêh ri tơlah mpang jâng khân păng chuat jêh ta neh kơh, dak krong Yurdan plơ̆ sĭt ƀoi ơm, hoch bêng ler bar kơh nâm bu saơm.

Nau Tâm Mpơl 12:14

Ƀiălah bu ăn ma bu ur nây bar mlâm nting năr klang ƀŭng gay ma păng mpăr tât ta ntŭk păng nơm tâm bri rdah, ta ntŭk bu mât siăm păng dôl du rnôk, lĕ rnôk, jêh ri n'gul rnôk, der ngai bơh bêh nhŭk nhăk.

Nau Tâm Mpơl 12:4

Chiăng păng têk du kô̆ tâm pe phung mănh mbing ta klơ trôk jêh ri klŭp mƀăr ta neh ntu. Bêh nhŭk nhăk dâk tanăp bu ur dăch deh kon, gay ma tơlah bu ur nây deh kon, sa rvăn kon păng.

Nau Tâm Mpơl 12:6

Bi bu ur nĕ nchuăt du tâm bri rdah; ta nây, Brah Ndu ndrăp lor jêh du ntŭk ma păng gay ma bu mât siăm păng tâm du rbăn bar rhiăng prao jât nar.