Mathay 19:9 - Nau Brah Ndu Ngơi 2023

⁹ Gâp lah ma khân may: Mbu moh mâu yor nau văng tĭr gay chalơi ur păng jêh ri sŏk ur êng, ri mơ păng jêng bunuyh văng tĭr.”

Bunong Bible Latin Script Cambodian dialect

⁹ Gâp mbơh ma khân may, bu moh ntlơi ur păng nơm, yơn ma ur păng mâu geh ôh lŏm sai, jêh ri sŏ ur êng, bunuyh i nây kơp păng lĕ jêng bunuyh lŏm ur.”

Bunong

⁹ គ៝ប់​មឞើស​មា​ខាន់​មៃ ឞូ​ម៝ស​នត្លើយ​អូរ​ពាង់​នើម យើន​មា​អូរ​ពាង់​មោ​គែស​អោស​ល៝ម់​ឆាយ ជេសរី​ឆ៝ៈ​អូរ​អេង ឞូនុយ្ស​អី​នៃ​កើប​ពាង់​លែៈ​ជេង​ឞូនុយ្ស​ល៝ម់​អូរ”។

Mathay 19:9 Iomraidhean Croise

Nau Ntơm 20:3

Ƀiălah tâm nôk măng, Brah Ndu tâm mpơl ma Y-Abimêlek tâm nau mbơi jêh ri lah ma păng: “May mra khĭt yor bu ur may hŏ nhŭp. Păng lĕ geh sai jêh.”

II Nau Rêh Jêng 21:11

Hađăch ndâk đŏng lĕ ntŭk prêh klơ lĕ yôk Yuđa, ƀư ăn phung ƀon lan gŭ tâm ƀon Yêrusalem yơk mbah rup brah, jêh ri njŭn leo phung Yuđa hăn lăp trong nhhơt.

Yêrêmi 3:1

Brah Yêhôva lah: “Tơlah nơm ri chalơi ur, Ur nơm nây luh du jêh ri sŏk sai êng, Pôri sai ơm păng mra plơ̆ tay Đah bu ur nây lĕ? Mâu di hĕ neh aơ hŏ ƀơ̆ ƀơch ngăn? Păng hŏ ƀư nau văng tĭr đah âk nơm rŏng, Hôm e mĭn plơ̆ tay đah Gâp hĕ?

Yêrêmi 3:8

Gâp saơ pô aơ dôl phung Israel ƀư rlăng yorlah nau văng tir, Gâp hŏ chalơi păng jêh ri ndơ̆ du pŏk samƀŭt tâm lơi ăn ma păng, ƀiălah oh bu ur păng jêng phung Yuđa mâu răp jăp mâu klach kir djê̆, ăt hôm thoi đŏng nau văng tĭr.

Êsêkiêl 16:15

‘Ƀiălah ay nsing ma nau ueh ay, nsing nau lư n'găr ay nơm gay lăp nau vay văng tĭr jêh ri ƀư nau văng tĭr ăn ma phung bu năch rgăn trong.

Êsêkiêl 16:29

Ay ƀư jêh nau văng tĭr ăp ntŭk kŏ tât ma Kaldê jêng n'gor blau tăch rgâl, ƀiălah ay ê hŏ mpay đŏng!’

Êsêkiêl 16:8

Tơlah Gâp hăn rgăn jêh ri uănh ma ay, saơ ay lĕ toyh, tât năm gĭt tâm rŏng jêh. Gâp sŏk ao padih nkŭm ta klơ ay gay ma ndâp nau rhôk ay. Di yơh, Gâp lĕ ton jêh ma ay, ƀư tâm rnglăp đah ay jêh ri ay jêng ndơ Gâp jêh,’ Kôranh Brah Yêhôva lah pônây.

Mathay 19:10

Phung oh mon lah pô aơ: “Tơlah chalơi ur yorlah nau nây, ueh lơn păng mâu sŏk ur.”

Mathay 19:8

Păng plơ̆ lah: “Yorlah nuih n'hâm khân may dăng ko, pôri Y-Môis ăn nau dơi chalơi ur; ƀiălah, ntơm bơh kăl e mâu geh kơt nây ôh.

Mathay 5:32

Ƀiălah Gâp lah ma khân may: Mbu nơm chalơi ur păng mâu di yor nau văng tĭr jêng ƀư ma ur păng plơ̆ jêng bunuyh văng tĭr jêh, bi mbu nơm gŭ bu ur bu hŏ chalơi jêh jêng bunuyh ƀư tih nau văng tĭr.

Luka 16:18

Mbu nơm chalơi ur păng jêh ri gŭ bu ur êng jêng ƀư tih văng tĭr, bi mbu nơm gŭ bu ur sai păng chalơi jêh, păng ƀư tih văng tĭr đŏng.”

I Kôrintô 5:1

Geh nau bu nkoch tâm phung khân may geh nau văng tĭr, nau văng tĭr tâm ban pônây bu mâu saơ ôh tâm phung bu năch; yorlah geh nơm hŏ bê̆ch ndrel đah ur yông mbơ̆ păng!

I Kôrintô 7:39

Ăn ur tâm krêp đah sai păng dôl păng hôm gŭ rêh. Tơlah sai păng khĭt, bu ur geh nau dah ŭch săch, sŏk sai êng tĭng nâm păng ŭch, iăt ma tâm Kôranh Brah.

I Kôrintô 7:4

Ur mâu geh nau dơi ma săk jăn păng nơm, ƀiălah jêng sai păng; sai mâu đŏng geh nau dơi ma săk jăn păng nơm, ƀiălah jêng ur păng.