Mathay 19:5 - Nau Brah Ndu Ngơi 2023

⁵ jêh ri lah: ‘Yorlah nau nây bu klâu mra chalơi mê̆ mbơ̆ păng jêh ri tâm rnglăp đah ur păng, jêh ri bar hê khân păng mra plơ̆ jêng du nglay săk.’

Bunong Bible Latin Script Cambodian dialect

⁵ Jêh ri lah: ‘Ndri dâng geh bu klô lôh du bơh mê̆ bơ̆, hăn gŭ a ur, jêh ri bar hê khân păng jêng ur sai jêng du rnglay săk’

Bunong

⁵ ជេសរី​លាស៖ «នទ្រី​ទឹង​គែស​ឞូ​ក្លោ​លោស​ទូ​ឞើស​មេៈ​ឞឹ ហាន់​គុ​អា​អូរ ជេសរី​ឞារ​ហៃ​ខាន់​ពាង់​ជេង​អូរ​ឆាយ​ជេង​ទូ​រាង្លៃ​ឆាក់»

Mathay 19:5 Iomraidhean Croise

Nau Ntơm 34:3

Nuih n'hâm Y-Sichem ŭch kơnh ma H'Dina, kon bu ur Y-Yakôb. Păng rŏng ma bu ur nây jêh ri ngơi rdơ̆ rbăn bonh leng ma H'Dina.

II Samuel 1:26

Y-Jônathan, hơi nâu gâp! Nuih n'hâm gâp rngot klâng yor may. May hŏ ƀư maak jêh ma gâp âk ngăn; Nau may rŏng gâp jêng khlay ngăn, Rlau lơn ma nau rŏng phung bu ur.

I Phung Hađăch 11:2

Khân păng jêng phung ntil mpôl Brah Yêhôva lah jêh đah phung Israel pô aơ: “Khân may lơi tâm gŭ ur sai ôh đah khân păng, yorlah nanê̆ khân păng mra nsŭk nuih n'hâm khân may tĭng ndô̆ phung brah khân păng.” Ƀiălah, Y-Salômôn ăt rŏng klâng phung bu ur nây.

Nau Mprơ Ơm 45:10

Ơ kon bu ur, iăt hom, mĭn rvê hom jêh ri rkêng hom tôr! Chuêl hom ƀon lan jêh ri ngih mbơ̆ ay,

Nau Mprơ Ơm 63:8

Huêng gâp kuăn nâp tâm May; Ti ma May kuăn rdâng gâp.

Malachi 2:15

Mâu di bơh Brah Ndu njêng knŏng du huê bunuyh nây, nđâp lah n'hâm păng nsôr rêh dơi rmeh ler ƀơh. Ƀiălah mâm dĭng njêng knŏng du huê bunuyh? Nây jêng gay joi du noi deh kloh ueh. Pôri, njrăng hom ma huêng khân may nơm, lơi ta mâu gŭ răp jăp ôh đah ur păng sŏk jêh dôl mom ndăm.

Mathay 19:6

Pônây ur sai mâu hôm jêng bar ôh, ƀiălah knŏng du nglay săk. Pôri, kon bunuyh mâu dơi tâm nkhah phung bunuyh Brah Ndu hŏ tâm rnglăp jêh!”

Samƀŭt Pôl Njuăl Ăn Ma Phung Nsing Ta Ƀon Rôm 12:9

Ăn nau rŏng khân may jêng ngăn. Tâm rmot hom ma nau mhĭk, ndrel ma nau ueh.

I Kôrintô 6:16

Khân may mâu gĭt hĕ, mbu nơm tâm rnglăp đah bu ur văng tĭr mra plơ̆ jêng du nglay săk jêh đah păng? Yorlah geh nau nchih: “Bar hê khân păng mra plơ̆ jêng du nglay săk”.

I Kôrintô 7:2

Ƀiălah gay ma der tâm nau văng tĭr, ăn ăp nơm bu klâu geh ur, ăn ăp nơm bu ur geh sai.

I Kôrintô 7:4

Ur mâu geh nau dơi ma săk jăn păng nơm, ƀiălah jêng sai păng; sai mâu đŏng geh nau dơi ma săk jăn păng nơm, ƀiălah jêng ur păng.

Êphêsô 5:31

Yor nau nây, “bu klâu mra chalơi mê̆ mbơ̆ păng jêh ri gŭ ndrel đah ur păng, jêh ri lĕ bar hê khân păng jêng du nglay săk.”

Nau Vay Nkah Tay 10:20

Ăn khân may klach yơk ma Yêhôva Brah Ndu khân may, pah kan ma Păng, gŭ êp Păng jêh ri khân may mra ton ma amoh Păng.

Nau Vay Nkah Tay 11:22

Yorlah tơlah khân may njrăng ƀư tĭng lĕ nau vay ntăm bơh gâp ntĭnh ma khân may ƀư, rŏng ma Yêhôva Brah Ndu khân may, hăn tâm trong Păng jêh ri gŭ êp tâm rnglăp đah Păng,

Nau Vay Nkah Tay 4:4

Ƀiălah khân may jêng phung gŭ răp jăp đah Yêhôva Brah Ndu khân may, ăt hôm e rêh kŏ tât ta nar aơ.

I Samuel 18:1

Y-Đavit ngơi đah Y-Sôl lôch jêh, nuih n'hâm Y-Jônathan tâm lăp đah nuih n'hâm Y-Đavit, kŏ tât Y-Jônathan rŏng ma Y-Đavit nâm bu nau rêh păng nơm.

I Samuel 25:43

Y-Đavit nsông tâm ban lĕ đah H'Ahinôam, bunuyh Jesrêel; lĕ bar hê khân păng jêng ur păng.